Yakobe 3:17 - Emakhuwa Bible

¹⁷ Mirukutho sinrweela wiirimu siri toko sootteela; vahoolowaya siri sa murettele, soosiveleya, sowiiwexexeiya, soosareya ikharari ni soowiima sooreera, soohikhala ni nthalu ni sa ekhaikhai.

Yakobe 3:17 Iomraidhean Croise

1 Mamwene 3:12

kinoopaka yeeyo muvekenlaanyu. Kinimoovahani murima wa miruku onsuwela okawanyiha yoonanara ni yooreera moota wooweera khanakhale hata khakhala ntoko nyuwo.

1 Mamwene 3:28

aYixrayeli ootheene yiiwakaru yoolakela ya mwene, yaamuttittimihaxa mwene, niwoko yaahoona weera aarino miruku sa Muluku wookwanihera ekhaikhai.

1 Mamwene 3:9

Vano mumvahe murumeiyaanyu murima wa miruku weera kilamule mulokwaanyu kisuwelaka okawanyiha yooreera ni yoonanara. Waahikhala hiiho, moota heeni kineeraka kilamule mulokwaanyu mutokotoko ola?”

1 Nyaha 22:12

Yave ookhalihaka muhooleli a aYixrayeli, Owo oovahe miruku ni wiiwexexa, weera weyo wiiwelele Nlamulo na Yave, Mulukwaawo.

1 Nyaha 22:9

Vaheera nyuwo munoomuyara mwaana mulopwana anaakhale a murettele, ni Miyo kinoopakiha weera owo akhalane murettele ni amwiitana ootheene a mukhwipimwawe. Anaattehiwe Salomoni, ni Miyo kinoomvaha murettele ni mmaaleleyo oYixrayeli mweehuhuni ya olamulawawe.

Yobi 28:12

Wa soothesene, nsiphwanyiwe woowi miruku? Wiiwexexa omanke woowi?

Yobi 28:23

ti Muluku paahi osuwenle ephiro enrowawo; weiwo sinkhalaayawo miruku,

Yobi 28:28

Vano aamweerela mutthu: “Miruku ti omoova Yave, ni osemba yoonanara ti okhalano wiiwexexa.”

Okhuma 36:2

Vano Moisesi aamwiitthana Bezaleli ni Oholiyabi ni asilopwana ootheene oowera, mwa yaawo Yave aaweringhaawe ni yaari oolikaneene orwa ovara muteko.

Masu a Miruku 2:6

Vanonto ti Yave omvaha miruku; mmwaanomwawe enkhuma esuwelo ni wiiwexexa.

Yesaya 2:4

Owo onoothoriha eriyari ya miloko ni onimuuluma minyakunyaku sa miloko sincipale. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Yesaya 32:6

Vano mulolo onuuluma sa ololo, uupuwelaka paahi soonanara: owo ompaka itthu soohitteela amwaraxelaka soowootha mwaha wa Yave. Owo onimuhiya oovoliwa etala woohikhalano yooca ni ommwiimana maahi nantthona.

Yesaya 40:11

Owo onkosoopa muhuwaawe ntoko Mukukhuli; Owo onthukumanyiha iputtiputthi ni moonowaawe anaakanda. Owo onghoolela nnenesene ikhondoolo sinaamwiwa.

Daniyeli 1:17

Muluku aahaavaha amiravo axexe ale miruku ni wiiwexexa wa ilivuru ni sooxuttiha soohiyanahiyana. Vano Daniyeli annawera otaphulela soowoona ni sooloha soohiyanahiyana.

Malekiya 2:9

“Tivawo kipakihalaaka weera munyoosiwe ni muyevihiwe ohoolo wa miloko sootheene, niwoko nyuwosa khamuneettela iphirosaka, mene mumpaka nthalu mwaaxuttihaka nlamulo.”

Malekiya 3:3

Owo onookilaathi ntoko namatotoxa ni namatteeliha a eparatha*; onimwaatteeliha aLeevi aareherereke ntoko eyuuma yoorikaxa ni eparatha*. Hiiho, anookhala atthu eniimuruuhele Yave sooveleela moororomeleyani.

Matheyo 23:28

Nyuwotho muri hiiho. Mwaatthuni munlikana ntoko oororomeleya, mmirimanimwanyutho woosareya wiixeera ni sootakhala.

Matheyo 5:8

Ooreelihiwa ti yaale ari ootteela murima, niwoko eniimoone Muluku.

Matheyo 5:9

Ooreelihiwa ti yaale ampaka murettele variyari wa atthu, niwoko eniyiitthaniwe anamwane a Muluku.

Luuka 21:15

Vano, Miyo nkoovaheeni masu ni miruku moota wooweera khaawo mmoha a amwiittanaanyu aneera awere otapanyiha, naari ovaanyiha.

Luuka 6:36

Mmoriwe ikharari ntoko Atithinyu ammoriwaaya ikharari.

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 1:47

Amoonaka Nataneyeli akhuveelaka, Yeesu aaheera: “Mmoone – muYixrayeli a ekhakhai ni oohilokottheya.”

Miteko 11:24

Owo aari mulopwana a murima wooreera, oosareya Munepa Wootteela ni nroromelo, ni atthu ancipale yaarukunxela mirimasaya wa Apwiya.

Miteko 9:36

Vano, aakhala oYope oohusera muthiyana mmoha iithaniwa Tabita (eyo tiiyo yootaphuleliwa Dorka), mwa yoowo aakhala ni nthiti opaka miteko sooreera ni ovaha soovaha.

aRooma 12:18

Wawereya, mukhaleke ni murettele ni atthu ootheene.

aRooma 12:9

Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera.

aRooma 15:14

Axunnaka, miyo kooviriyeliwa weera nyuwo moosareya ni murima wooreera ni mooxuttihiwa nnenesene, ngweraka olakana mukina ni mukhwaawe.

1 aKorinto 12:8

Mukina omvahiwa ni Munepa nsu na miruku, ni wa mukina nsu na yoosuweliha ni Munepeene Yoowo mmoharu.

2 aKorinto 10:1

Akina aneera weera, miyo kireene ni nyuwo, ‘kinkhala oowiiyeviha,’ mene kireene ottaiwene, ‘kinnoolipiherani.’ Vano, niwoko na murima woomaaleleya ni murima wooreera wa Kristu, miyo, Pawulo, kinoovekelani etthu.

2 aKorinto 6:6

Aani, ninniilaihera mootteelani, moosuwelani, moovilelani, mooreerani, mMunepani Wootteela, moosivelani wa ekhaikhai,

2 aKorinto 7:11

Moone othanana wu ntoko otthuna wa Muluku onruweraaya mwa nyuwo: nthiti heeni, ohaawela heeni okhala oohikhala ni milattu, onyoonyiwa heeni, woova heeni, munkhela heeni, weeteteya heeni, olipiha murima heeni woomuttaruxa yoowo ori ni nthowa! Mwa sootheene nyuwo mohoonihera weera khamunono milattu mwaha wa yeeyo.

2 aKorinto 9:10

Yoole onimvaha mmiso yoowo onaala ni yooca wa yoowo onca, Owo anoovaheeni ni anaandyeerere mmiso, ni anunnuwihe soowiima sa waakhuleliwawanyu ni Muluku.

awEfeso 5:9

niwoko yoowiima ya waara eri oreera murima, ororomeleya, ni ekhaikhai.

aFilipi 1:11

Kimvekela weera musareye ni yoowiima ya ekhaikhai. Yoowiima ela enrweela niwoko na Yeesu Kristu wa ovuwa ni ottottopela wa Muluku.

aFilipi 4:8

Woomalihera axunnaka, mutthare sootheene seiyo siri sa ekhaikhai, sa yoottittimiheya, sa yoororomeleya, sa yootteela, sa yoosiveleya, sa yoophwanelela – aani mwaasaase sootheene sooreera simphwanelela ottottopela.

aKolosi 1:10

Nimvekela yeeyo weera mweettelowaanyu okhale woowaaphwanelela Apwiya, ni weera mwaasivelihe Yaawo mwa soothesene, mwiimaka soowiima sa miteko sooreera, munnuwaka mwa esuwelo ya Muluku.

1 aTesalonika 2:7

Orookhalaru weera hiyo naawera woolemelani ntoko arummwa a Kristu, hiyo noothatuwa ooreera murima variyariwanyu, ntoko maayi onaakosoopa anamwanaawe.

1 Timootheyo 5:21

Miyo kingwooperera vamaithoni wa Muluku, wa Kristu ni wa andyelo oothanliwa, weera othokorore itthu iya, othorihaka moota woororomeleya ni ohikhalaka ni nthalu.

2 Timootheyo 2:24

Murumeiyi a Apwiya khantthuneya onyakulihana, mene aani, ontthuneya okhala oosiveleya ni ootheene, oowera oxuttiha ni opixa murima.

Titu 1:15

Wa ootteela, sootheene siri sootteela, mene wa oohitteela ni oohiroromela kheewo eri yootteela. Mwa yeeyo, soowuupuwela nitho mirimasaya siri soonanarihiwa.

Titu 3:2

Ngwuupuxereketho ehimwaapeke, naari mutthu mmoha, ni weera ekhale ni murima wa murettele, oosiveleya ni ewoonihere atthu ootheene murima woomaaleleyaxa mahuku ootheene.

aHeberi 12:11

Naalakiwaka, kheehiyono ehuhu yoohakalaliha, mene yoothananiha. Vahoolowayatho olakiwa onruwera yoowiima ya waakhuleliwa ni Muluku, ni murettele wa yaawo alakiwe.

aHeberi 12:14

Mwiilipihe weera mukhale mmuretteleni ni atthu ootheene ni weera mukhale ootteela, niwoko ohikhanle ntteeliho, khaawo eniwoone Apwiya.

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

Yakobe 1:5

Akhala mukina a nyuwo onthoiwa miruku, amvekele Muluku onaavaha ootheene ni ohakalala ni otthuna wootheene, ni vano anaavahiwe.

Yakobe 2:13

niwoko yoowo ohimmorela ikharari anaathorihiwe woohimoreliwa ikharari. Ikharari singwina othoriha!

Yakobe 2:4

vano mweera hiiho, khamumpaka nthalu muthorihaka ni soowuupuwela soonanara?

Yakobe 3:15

Moota wa miruku ola khoonrweela wiirimu, mene wa vathi; khoohiyono wa Munepa, mene wa minepa soonanara.

Yakobe 4:8

Mmwaattamele Muluku ni Owo anaawaattameleni. Munyawe matataanyu, anamattheka, ni mutteelihe mirimasanyu, nyuwo murino soowuupuwela sookawanyeya!

1 Pedru 1:22

Vano, mutteelihiweene okumaanyu wa wiiwelela wa ekhaikhai weera mwaasivele ni ekhaikhai axunna, mwaasivele vancipale mukina ni mukhwaawe ni murima wootteela.

1 Pedru 2:1

Mwiirule wa soonanara ni soolokottha sootheene nitho wa wiixeera, nrima ni soowaapa sootheene.

1 Pedru 2:18

Ipottha, ngwiiwelele asipwiiyaanyu ni nttittimiho nootheene, khoohiyono paahi yaawo ari ooreera murima, menetho yaawo ari oonarara murima.

1 Yohaane 3:18

Anamwane, nihisivele ni masu, naari iyano, mene mmitekoni ni mweekhaikhaiyini.

1 Yohaane 3:3

Ootheene yaawo akhalanne nroromelo nno mwa Yoowo, aniitteeliha asineenaaya, ntoko Owo oraawe Ootteela.