Yakobe 2:8 - Emakhuwa Bible

⁸ Nyuwo mwatthara nlamulo na Mwene nimphwanyeya mwa Yoolempwa* neenre: “Munsivele mukhwiinyu ntoko muniisivelaanyu mwaneenaanyu,” munoopaka moota wooreera.

Yakobe 2:8 Iomraidhean Croise

1 Mamwene 8:18

Wa soothesene, Yave aaweerela atithaka Davide: ‘Moopaka nnene wookhalano muupuwelo vamurimani okitekela empa muttittimiherelaka Nsinanaka.

2 Mamwene 7:9

Vano yaaheerelana: “Khanimpaka nnene. Olelo ti nihuku na mutthenga wooreera ni hiyo nihimaaleke! Naweherera oxa, nnoothoriheliwa. Niroweke woowaakuveya weera nathalihere yeela empa ya emwene.”

Levitiku 19:18

Muhaasaase wiinlela ikukuttula naari muhimunyoonyeriwe mukina a mulokwaanyu, vaheera munsivele mukhwiinyu ntoko muniisivelaanyu. Miyo ti Yave.

Levitiku 19:34

Namarwa onkhala ni nyuwosa mmoonelekemo ntoko muYixrayeli. Munsivele ntoko muniisivelaanyu niwoko mwaari anamarwa wExipitu. Miyo ti Yave Mulukwaanyu.

Yoonasi 4:4

Yave aamwaakhula: “Munnyoonyereliwa heeni?”

Yoonasi 4:9

Mene Muluku aamweerela Yoonasi: “Nyuwo moophwanela onyoonyaxiwa moota ola mwaha wa mwiri?” Owo aamwaakhula: “Aani koophwanela! Koonyoonyiwa mpaka otthuna okhwa!”

Matheyo 22:39

Ni nanaaveeli nri noolikana ni nenna: ‘Munsivele mukhwiinyu ntoko muniisivelaanyu muneenaanyu.’

Matheyo 25:21

Apwiya yaamwaakhula: ‘Ti wooreera, murumeiyi ooreera ni oororomeleya! Weyo waari oororomeleya wa vakhaani, miyo nkoororomele wa sincipale. Owe ni ovolowe moohakalalani wa Apwiyaawo.’

Matheyo 25:23

Apwiya yaamwaakhula: ‘Ti wooreera, murumeiyi ooreera ni oororomeleya! Weyo waari oororomeleya wa vakhaani, miyo nkoororomele wa sincipale. Owe ni ovolowe moohakalalani wa Apwiyaawo.’

Matheyo 7:12

Mwa soothesene, mwaapakele akina yeeyo muntthunaanyu weera yoopakeeni. Vano, ela ti ekwanihero ya malamulo ni maprofeeti.

aRooma 13:10

Osivela khoompakiha yoonanara ni mukhwiinyu. Tivawo, osivela ti ekwanihero ya nlamulo.

aGalata 5:14

Malamulo ootheene athukumanyiwe mwa nlamulo nimoha: Munsivele mukhwiinyu ntoko muneenaanyu.

aGalata 6:2

Mwaakhelaneke mirindi soolemela, ni hiiho mukwanihere nlamulo na Kristu.

aFilipi 4:14

Wa soothesene, moopaka yooreera wookhala vamoha ni miyo moohaawanimwaka.

1 aTesalonika 4:9

Mwaha wa omusivela mukhwiinyu khoontthuneya woolepelani, niwoko nyuwo asineenaanyu mooxuttihiwa ni Muluku osivelana mukina ni mukhwaawe.

Yakobe 1:25

Mutthutho ontthokelela nnenesene nlamulo nookwanela ninruuha oneethi, ni ompwaherera munlamuloni nno, ahittiwalaka iiwalaawe, mene eettelaka munlamuloni, anaareelihiwe mwa yeeyo ompakaawe.

Yakobe 2:12

Muulume ni mweette ntoko atthu anrowa othorihiwa ni nlamulo na oneethi,

Yakobe 2:19

Nyuwo munroromela weera ori Muluku mmoha paahi. Ti wooreera! Mpaka minepa soonanara sinroromela yeeyo, ni sinthukumela.

Yakobe 4:11

Axunna, muhaapaneke mukina ni mukhwaawe. Yoowo onuuluma soonanara sa munneiye, hoye hoye omuthoriha, onuulumela nlamulo ni onthoriha nno. Mwaathorihaka nlamulo, khamunkwanihera nenno, mene muniikhaliha ntoko mphuki a nenno.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.