Yakobe 2:5 - Emakhuwa Bible

⁵ Mwiiwe, axunnaka oosiveleya: Muluku khaathanlale oohaawa vamaithoni wa amalapo weera ekhale oopuha munroromeloni ni yaakhele yoohiyeriwa* ya omwene Owo aaroromelihalaawe yaawo animusivela Yoowo?

Yakobe 2:5 Iomraidhean Croise

1 Mamwene 22:28

Mikaya aamwaakhula: “Nyuwo mwahokolowa oolipeene, Yave khuulumme mwa miyo.” Aapwaherera weera: “Mwiiwe nnenesene, atthu ootheene nyuwo yeeyo kinghimaaka!”

Yobi 34:10

Tivawo, mukiwiriyane, nyuwosa murino esuwelo. Muluku khampakaru yoonanara, aani Muluku a ikuru sootheene khampakaru yootakhala.

Yobi 34:19

Owo khanoonihera nthalu aweerelaka anamwane a mamwene, ni khanimpakela mpatta thadyiri amunyoosaka oohaawa yeenre ootheene epakiwa ni matataawe.

Yobi 38:14

Elapo enthatuwa ekhalelowaaya ntoko oloko onceendyiwaaya ni ekanyero, aani ekhalelowaawe enlikana ni ekuwo erino icaambulo.

Okhuma 20:6

Vaheera kinaakosoopa ni onnene wa mahuku ootheene yaawo ankisivela ni aneettela malamulowaaka.

Masu a Miruku 13:7

Mukina oniixeera thadyiri ahikhalanaka etthu; mukinatho oniixeera oohaawa, areeneno mihakhu sincipale.

Masu a Miruku 7:24

Vano mwanaka, okiiwe; owiriyane maswaaka.

Masu a Miruku 8:32

Vano anamwanaaka, mukiiwe: Ooreelihiwa yaale aneettela iphirosaka!

Yesaya 14:32

Yoowaakhula heeni eneeraaya evahiwe anamitthenga a muloko owo? Yoowaakhula ti ela: “Yave ookhaliha oSiyoni ni mwemmo oohasuliwa a mulokwaawe anootthawelamo.”

Yesaya 29:19

Emaara ekinatho atthu oowiiyeviha anoomuhakalalela Yave; atthu oohaawa anoomuhakalalela Ootteela a oYixrayeli.

Zefaniya 3:12

Vaheera kinimwaahiya musidade oomaala murima ni oowiiyeviha, ni yaawo eniitthawelele Nsina na Yave.

Zakariya 11:11

Waamalihiwa nihuku nenenenne ni hiiho oohasuliwa a muhuwo yaakiweha yaasuwela weera yaari masu a Yave.

Zakariya 11:7

Vano kaakukhula muhuwo waalakeliwe wiiviwa – oohasulaxiwa a muhuwo. Vanonto kaakuxa ikopo piili, emoha kinatteha Weerela ni ekina Wiiwanana, kinakukhulelano muhuwo.

Matheyo 11:5

atthu oohoona animoona; atthu oorakala animweetta; anamakokho anoolamihiwa; atthu oohiiwa animwiiwa; akhwiiye anoovenyererihiwa, ni masu ooreeraxa anoolaleeriwa oohaawa

Matheyo 25:34

Vano Mwene anaaweerele yaawo a moono mulopwana: ‘Ngwe, ootteelihiwa a Atithaka. Mwaakhele ntoko yoohiyeriwa* omwene mureherereliwaanyu okhuma ompacereroni wa elapo ya vathi.

Matheyo 5:3

“Ooreelihiwa ti yaale ansuwela omuhaawelawaya Muluku, niwoko omwene wa wiirimu ti wawaya.

Marku 7:14

Yeesu aawiitthanatho atthu ancipale ni aaweerela: “Mukiiweke ootheene ni mwiiwexexe ela:

Luuka 12:21

Hiihaawo onimweereiya ni yoole onthokorora mihakhusawe, mene vamaithoni wa Muluku khahiyono namapuha a mmunepani.”

Luuka 12:32

Muhoove, muhuwo mukhaaneene, niwoko waahaasiveliha Atiithi woovahani omwene.

Luuka 16:22

Naaphiya nihuku na okhwawawe namahaawa, ni andyelo yaamukuxa mpaka vakakasani wa Abrahaamu. Namapuha aahookhwatho ni aavithiwa.

Luuka 16:25

Abrahaamutho aamwaakhula: ‘Mwaana, muupuwelele weera mookuminimwanyu, nyuwo mwaahaakhela itthu sooreera, Lazarutho itthu soonanara. Wa soothesene, owo ori vaanaano oopepesiwa, ni nyuwo muri moohaawani.

Luuka 22:29

Miyo kinoovahererani omwene, ntoko Atithaka akivaherenraaya omwene,

Luuka 6:20

Aawehaka oohuseraawe, Owo aaheera: “Ooreelihiwa nyuwo oohaawa, niwoko omwene wa Muluku ti wawinyu.

Yohaane 7:48

Apaale mukina a asitokweene, hoye hoye aFarisi* aamuroromela Yoowo?

Miteko 7:2

Mwa yeeyo owo aahaakhula: “Axunna ni asitiithi, mukiiwe: Muluku oovuwaxa aahiixoonihera wa atithihu Abrahaamu awo ereene nlelo oMesopotamiya, ehinaaye omaka oHara, ni aaweerela:

aRooma 8:17

Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.

1 aKorinto 2:9

Wa soothesene, ntoko elempwalaaya: “Itthu niitho nihoonalaaya, ni naaru nihiiwalaaya, ni ohuupuwenlaawe mutthu, ti seiyo Muluku aarehererenlaawe yaawo animusivela.”

2 aKorinto 4:15

Sootheene iyo ti wa mpuhaanyu, weera mahala anaatava atthu ancipale ewere osariha otthapela wa ovuwa wa Muluku.

2 aKorinto 6:10

oothananihiwa, mene mahuku ootheene nihakalalaka, oohaawa, mene naapuhihaka ancipale, nihikhalanaka etthu, mene nikhalanaka sootheene.

2 aKorinto 8:9

Nyuwo moosuwela mahala a Apwiyaahu Yeesu Kristu, weera arookhalaru oopuha, yaahiipaka oohaawa weera, niwoko na ohaawawaya, nyuwo muthatuwe oopuha.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

2 aTesalonika 1:5

Sootheene iyo sinoonihera weera nthorihelo na Muluku nri na ekhaikhai, eyo tiiyo weera Muluku anaawiitthaneni oophwanelela omwene wa Muluku, mwa yoowo nyuwo onoohaawihani.

1 Timootheyo 6:18

Waaleele weera epake yooreera, ekhale oopuha mmitekoni sooreera, oolikana ovaha ni ookawela itthusaya.

2 Timootheyo 4:18

Apwiya eniikivuluxe mwa muteko woonanara wootheene, ni eniikironghe oovuluxiweene moomwenenimwaya wa wiirimu. Wa Yaawo okhale ovuwa mahuku ootheene oohimala. Ame*.

2 Timootheyo 4:8

Vano enookiweherera ecireemba ya ekhaikhai Apwiya, Mphuki oororomeleya, eneeraaya ekivahe nihuku nno, ni khoohiyono wa miyo paahi, menetho wa ootheene ansivela orwawaya.

aHeberi 11:26

Owo aahuupuwela weera ohasuliwa niwoko na Kristu ti mpuha woopwahaxa mihakhu sa wExipitu, niwoko aawehexexa ntthuvelonawe.

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

Yakobe 1:16

Axunnaka oosiveleya, muhiilokotthe.

Yakobe 1:19

Axunnaka oosiveleya, muupuwelele yeeyo: mukhale oowaakuva wiiwa, mene oopisa wuuluma, hoye hoye onyoonyiwa,

Yakobe 1:9

Vano, munna oniiyeviha iivuwiheke niwoko na nipuronawe noottittimiheyaxa;

1 Pedru 1:4

Oonivahatho waakhela yeeyo yoohiriheya, yoohuntta ni yoohiphwateya, mwa yeeyo Owo onoothokororelani wiirimu, nyuwo

2 Pedru 1:11

Hiiho nyuwo mmwaakheliwe nnenesene mwaavolowaka moomweneni woohimala wa Apwiyaahu ni Mvuluxaahu Yeesu Kristu.

Ethupululo 2:9

Koosuwela sohooxasanyu ni osiwaanyu, mene nyuwo muri ni mihakhu! Koosuwela oveiha wa yaawo aniixeerela aYuda ehikhanle, ereene toko eSinagoga* ya Satana.

Ethupululo 21:7

Namawina anaakhele soothesene iya ni Miyo nkikhale Mulukwaawe, ni owo mwanaka.

Ethupululo 3:18

Miyo kinoolakani weera muthume wa Miyo eyuuma yoorikaxa yoowiitthwihaxiwa mmooroni, weera muthatuwe namuhakhu, ni ikuwo sootteela soowara weera muttiyeleele ohiwarawanyu woowuuliha muru, ni murette wa maitho, weera muttikitthele maithwaanyu ni moone.

Ahooleli 9:7

Yotami iiwakaru yeeyo, aawela vamwaako oGerizimi, anaakhuwelela: “Mukiiwe aXekhemi weera Muluku awiiweenitho.

1 Samuweli 2:30

Tivawo Yave Muluku a aYixrayeli ohimmaawe: ‘Kaaroromeliha weera emusaanyu ni emusi ya atithinyu yaamukirumeela wa mahuku ootheene vamaithoniwaka.’ Vaheera vano Yave onghima: ‘Hata vakhaani! Kinimwaattittimiha yaale ankittittimiha ni yaale ahinkihelela Miyo nkaahelela.

1 Samuweli 2:8

Owo onnantatha ntthupi mulipa oohaawa amvenxaka vattuurani. Owo onaakilaathiha anamwane a mwene aavahaka nipuro noottittimiheyaxa. Mathipelo a elapo ya vathi ari a Yave ni mwa yaawo ookhaliha elapo.