Yakobe 1:17 - Emakhuwa Bible

¹⁷ Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

Yakobe 1:17 Iomraidhean Croise

Epacerero 41:16

Yoseefe aamwaakhula: “Iwo khoohiyono owerawaka. Ti Muluku anaavahe aFarawu* yoowaakhula yooreerela.”

1 Nyaha 22:12

Yave ookhalihaka muhooleli a aYixrayeli, Owo oovahe miruku ni wiiwexexa, weera weyo wiiwelele Nlamulo na Yave, Mulukwaawo.

1 Nyaha 29:19

Mumvahe mwanaka mulopwana Salomoni murima wookwanela weera iiwelele malamulowaanyu, mahusihowaanyu ni ikanosanyu, weera ateke Empa ya Yave ela, mwa yeeyo kirehererenlaaka seiyo sintthuneya.”

Icipo 102:27

Vaheera Nyuwo munookhala oohiceendyeya ni iyaakhasanyu khasimmala.

Icipo 122:6

Muvekelele murettele oYerusaleemu: “Yaale ansivela oYerusaleemu ekhaleke oolipeene.

Icipo 136:7

Ti Yoowo opattunxe soomwaleela sitokotoko – osivelawawe ompwaherera wa mahuku ootheene,

Icipo 84:11

Vano Yave Muluku ti Nsuwa ni Exikudu*; Yave onoonihera murima wooreera ni nttittimiho; khanaakhoottelaru mpuha yaale aneetta moota wookwanela.

Icipo 85:12

Vekhaikhai, Yave onoovaha yeeyo eri yooreera ni elapwaahu enooruwera soohephasaya.

Masu a Miruku 2:6

Vanonto ti Yave omvaha miruku; mmwaanomwawe enkhuma esuwelo ni wiiwexexa.

Yesaya 28:26

Mulukwaawe onimuxuttiha amuleelaka mapakelo.

Yesaya 45:7

Miyo kimpaka waara ni kinkhaliha epiphi. Miyo kinruuha onnene ni kimpakiha erisa. Miyo, Yave, kimpaka sootheene iyo.

Yesaya 46:10

Okhuma ompacereroni Miyo kinsuweliha ommaleloni; okhuma khalayi seiye sineera seereye. Miyo kineera: ‘Otthunawaka onoopwahereraxa ni kinoopaka sootheene sinkisiveliha.’

Yesaya 60:19

Nsuwa khanikhalatho waarawanyu wa othana naari mweeri moohiyuni, niwoko Yave onookhala waarawanyu woohimala ni Mulukwaanyu onookhala ovuwawanyu.

Malekiya 3:6

“Mwa yeeyo, Miyo, Yave, nkinceendya. Tivawo nyuwosa, ekhapira ya Yakobe, muhiphwatiwaanyu.

Nuumeru 11:17

Miyo kinookhuruwa ni kinimuulumawo ni nyuwo; kinoovenxa mpatta wa munepa ori mwa nyuwo kiheleke mwa yaawosa. Awosa animookhaviherani muteko wooviha woohoolela muloko, moota wooweera nyuwo khamwaaholeela meekhiinyu.

Nuumeru 11:25

Yave aakhuruwa munihutteni anamuulumano, anakhumiha mpatta wa munepa waari mwa Moisesi, anahela mwa asitokweene miloko mithannamiili. Munepa waakhuruwelakaru yaawosa, yaathalihera otthuna wa Muluku, mene khayaahokoleenletho opaka yeeyo.

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

Matheyo 7:11

Wakhala weera nyuwo mureene anamattheka moosuwela waavaha itthu sooreera anamwanaanyu, wootepaxa Atithinyu ari wiirimu eniyaavahe itthu sooreera yaawo anaavekela!

Luuka 11:13

Waari weera nyuwo murookhalaru atthu onanara murima munsuwela waavaha itthu sooreera anamwaniinyu, Atithinyu ari wiirimu anootepaxa waavaha Munepa Wootteela yaawo anaavekela!”

Yohaane 1:9

Weera orwaaka mweelaponi Waara wa ekhaikhai, mwa Yoowo onaamwaleela atthu ootheene.

Yohaane 3:27

Yohaane aawaakhula: “Mutthu ongwera waakhela paahi yeeyo omvahiwaawe wiirimu.

Yohaane 3:3

Yeesu aamwaakhula: “Kinooleelani ekhakhai: khaawo ongwera woona omwene wa Muluku owo ahiyariwetho wa osulu.”

Yohaane 8:12

Uulumakatho ni muloko wa atthu, Yeesu aaheera: “Miyo ti Waara wa elapo ya vathi. Yoowo onkitthara Miyo, kharwa eetta mpiphini, mene onookhalano waara wa okumi.”

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

1 aKorinto 4:7

Vano, taani ongweerelani weera nyuwo moovirikana ni akina? Eheeni muraanyuno muhaakhenlaanyu? Ni mwaakhenleene, heeni muniixooniheraanyu ntoko khamwaakhenle?

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 2:8

Nyuwo moovuluxiwa niwoko na mahala, munroromeloni, ni iwo khoongwa wa nyuwo, ti yamahala ya Muluku,

Deuteronomiyo 4:19

Nyuwosa mwaweha osulu moonaka nsuwa, mweeri ni ithenyeeri ni itthu sootheene sa wiirimu, muhihapuwe mukokhorelaka seiyo ni mulapaka itthu Yave Mulukwaanyu okawenlaawe miluku sootheene sa elapo ya vathi.

aFilipi 1:29

Vano, wa nyuwo moovahiwa weera muhimuroromele paahi Kristu, menetho ohaawa niwoko na Yoowo,

1 Timootheyo 6:16

mmoharu oohikhwa ni onkhala ngwaarani woohiphiyeya, mwa Yoowo khaawo amoonne, naari ongwera omoona. Wa Yoowo nikhale nttittimiho ni ikuru soohimala. Ame*.

aHeberi 13:8

Yeesu Kristu ti oohiceendyeya: osilo, olelo ni mahuku ootheene.

Yakobe 1:5

Akhala mukina a nyuwo onthoiwa miruku, amvekele Muluku onaavaha ootheene ni ohakalala ni otthuna wootheene, ni vano anaavahiwe.

Yakobe 3:15

Moota wa miruku ola khoonrweela wiirimu, mene wa vathi; khoohiyono wa Munepa, mene wa minepa soonanara.

Yakobe 3:17

Mirukutho sinrweela wiirimu siri toko sootteela; vahoolowaya siri sa murettele, soosiveleya, sowiiwexexeiya, soosareya ikharari ni soowiima sooreera, soohikhala ni nthalu ni sa ekhaikhai.

1 Yohaane 1:5

Ola mutthenga niiwalaahu wa Yoowo ni nnoothaliheraahuni: Muluku ti waara ni mwa Yoowo kheewowo epiphi.

1 Yohaane 4:10

Mwa yeeyo wookhala osivela: khoohiyono weera hiyo noomusivela Muluku, mene weera Owo oonisivela ni aamurumiha Mwanawe ntoko woopola wa sootthekasahu.

Ethupululo 21:23

Esidade kheenghaawela nsuwa, hata mweeri weera omwaleele, niwoko ovuwa wa Muluku onnamwaleela, ni Eputtiputthi ti onyaaraaya.

Ethupululo 22:5

Khoorwa okhalatho ohiyu ni khoorwa ohaaweleya waara wa onyaari, naari wa nsuwa, niwoko Apwiya Muluku eniyaamwaleele, ni awo eniilamule mahuku ootheene oohimala.

1 Samuweli 15:29

Yoole ori Ovuwa wa oYixrayeli khanootha hata khanceendya soowuupuwelasawe niwoko khahiyono mulopwana ooceendyaceendya.”