Titu 2:10 - Emakhuwa Bible

¹⁰ sihiwiiyeraka, mene soonihereka weera simphwanela ororomelihiwaxa weera hiiho sivuwihe mwa sootheene nihusiho na Muluku Mvuluxaahu.

Titu 2:10 Iomraidhean Croise

Icipo 101:6

Maithwaaka angwoona atthu oororomeleya mulaponi weera awosa ekhale ni Miyo; yoole oneetta moota wookwaneleya paahi ti aneera akirumeele.

Yesaya 12:2

Vekhaikhai Muluku ti ovuluxiwawaka. Kinoororomela kihoovaka. Yave, aani, Yave ti ikurusaka ni ecipwaaka; Owo ti ovuluxiwawaka.”

Matheyo 24:45

Murumeiyi heeni oororomeleya ni a miruku wa yoowo animvahereraaya Apwiyaawe sa owannyaya weera aavaheke akina yooca ya ehuhu yootthuneya?

Matheyo 5:16

Hiihotho mwaarihe waarawanyu ohoolo wa atthu, weera yooneke mitekosanyu sooreera ni yaavuwihe Atithinyu ari wiirimu.

Luuka 1:47

Munepaaka onghakalala mwa Muluku, Mvuluxaaka.

Luuka 1:80

Vano, mmiravo annunnuwa ni annalipa mmunepani. Aakhala munikareni mpaka ehuhu eeraawe iixoonihere wa aYixrayeli.

Luuka 16:10

Yoole ori oororomeleya ni vakhaani ori oororomeleyatho ni vancipale. Yoole ori oolokottha ni vakhaani, ori oolokotthatho ni vancipale.

Yohaane 12:6

Owo khuulumme hiiho aapwatthaka atthu oohaawa, mene niwoko aari namwiiya. Ntoko namalipelela a nihottha na musurukhu, annakhovelela ovenxa yeeyo yaaheliwamo.

1 aKorinto 4:2

Ontthuneya weera ootheene oovahereriwa ohoolela ekhale oororomeleya.

awEfeso 4:1

Ntoko ootthukiwa mwa Apwiya, kinoodyoonttelelani weera mweettele mukhalelo woophwanelela wiitthaniwa mwaakhenlaanyu.

aFilipi 1:27

Yookhala etthu emoha paahi yoopwattha: mweettelowaanyu okhale moota woophwanelela masu ooreeraxa a Kristu. Hiiho, hata miyo karowa ni kiwoonakani, hata kiiwa paahi sa nyuwo kihikhalakawo, kisuwele weera nyuwo mukhale oolipa mwa munepa mmoha paahi, ngwanaka ni murima mmoharu niwoko na nroromelo na masu ooreeraxa,

aFilipi 4:8

Woomalihera axunnaka, mutthare sootheene seiyo siri sa ekhaikhai, sa yoottittimiheya, sa yoororomeleya, sa yootteela, sa yoosiveleya, sa yoophwanelela – aani mwaasaase sootheene sooreera simphwanelela ottottopela.

1 Timootheyo 1:1

Ya Pawulo, murummwa a Kristu Yeesu munlamuloni na Muluku, Mvuluxaahu, ni na Kristu Yeesu, owehererawahu.

1 Timootheyo 5:17

Ahooleli aneettiha nnenesene ekerexa aaphwanela matthuvelo meeli, wootepaxa yaawo mitekosaya siri olaleiya ni oxuttiha,

1 Timootheyo 6:1

Ootheene yaale ari akaporo yaattittimihaxeke yaawo anaalamula, weera Nsina na Muluku ni nihusihonahu nihiveihiwe.

1 Timootheyo 6:3

Akhala mukina onxuttiha mahusiho oolokottha, ni ohinaakhulela nihusiho nooreera na Apwiyaahu Yeesu Kristu ni nihusiho na murima wa omuluku,

Titu 1:3

Vano, ehuhu yootthuneya Owo aasuweliha maswaawe mwaha wa olaleiya kaalamuleliwaaka ni Muluku Mvuluxaahu.

Titu 3:4

Woonihenraayatho murima wooreera ni waasivela atthu wa Muluku, Mvuluxaahu,

1 Pedru 2:12

Mweette ni mukhalelo wooreera variyari wa amalapo. Mooteene yoowo awo yaawootherakani nyuwo weera mumpaka yoonanara, eniyoone yooreera mumpakaanyu, ni eniimuttottopele Muluku vanihukuni na oxekura.

1 Pedru 3:16

Mpaketho yeeyo ni wiiyeviha murima ni nttittimiho, mukhalanaka murima wooreera. Hiiho, yaawo anuuluma soonanara sa mweettelowaanyu wooreera mwa Kristu, eniiyuuliwe muru mwa sowaapasaya.

2 Yohaane 1:9

Khula mutthu ohinkhala mwa nihusiho na Kristu, mene onghapuwa mphironi, khahiyono a Muluku. Yoole onkhala munihusihoni na Kristu ohaakhalano Atiithi nitho Mwaana.

1 Samuweli 22:14

Ahimeleki aamwaakhula mwene: “Khawowo a arumeiyaanyu oororomeleya ompwaha Davide, mukamwenaawe mwene, mutokweene a anamalipelelaanyu ni oottittimiheyaxa vaatevanyu!”

1 Samuweli 26:23

Yave ontthuvela ekhaikhai ni ororomeleya wa khula mutthu. Olelo Owo oowinnyererani nyuwo mmatatanimwaka, mene miyo kookhootta omutava oottikittheliwa a Yave.