Ruuti 4:11 - Emakhuwa Bible

¹¹ Ahooleli ni ootheene yaari vamulako yaaheera: “Hiyo anamoona. Yave ampake muthiyana owo omvolowa mweemusinimwanyu ntoko aampankaawe Rakheli ni Leya, mwa yaawosa aakhaliha ipuumba sa aYixrayeli. Mukhale oottittimiheya wEfrata ni mukhalane epili oBeteleheemu.

Ruuti 4:11 Iomraidhean Croise

Epacerero 23:10

Vano Efroni, muHiti, eera akilaantheene variyari wa mulokwaawe ni aamwaakhula Abrahaamu, iiwiwaka ni aHiti ootheene yaawo yaavira vamulako wa esidade:

Epacerero 24:60

Yaamureeliha Rebeka emweerelaka: ”Wunnuwe murokorihu mpaka okhale maayi a atthu ancipalexa! Ekhapiraawo ewine isidade sa amwiittanaawo.”

Epacerero 29:16

Labani aarino anamwane asithiyana eeli. Nsina na mutokweene naari Leya ni na mukhaani Rakheli.

Epacerero 29:25

Oxaawaya aahoona weera aari Leya! Tivawo aamweerenlaawe Labani: “Mukipankeni? Koovara muteko kimweerelaka Rakheli! Vano Mukilokontthenleni?”

Epacerero 29:32

Leya aarupala, anamuyara mwaana mulopwana mmoha, anamutteha Rubeni, niwoko aaheera:“Yave ohoona othananawaka, vano aiyaka anookisivela.”

Epacerero 35:23

Yaayariwe ni Leya yaari Rubeni, nttharanawe Yakobe, Simeyoni, Leevi, Yuda, Isakari ni Zebuloni.

Epacerero 35:24

Yaayariwe ni Rakheli yaari Yoseefe ni Benyamini.

1 Mamwene 21:8

Vano Yezebeli aalepa ikaratta mwa nsina na Ahabi, aattittelano munela woottittelano a mwene, anaarumihela asitokweene ni maneethi a esidade ya Naboti vamoha ni yoowo.

1 Nyaha 2:51

Salma, aatenke oBeteleheemu, ni Harefe, aatenke oBede-Gaderi.

Icipo 132:6

Nohiiwa weera Arka* a wiiraana yaari wEfrata, mene naaphwannye mweelaponi ya oYahari:

Masu a Miruku 14:1

Muthiyana a miruku onteka ntthokonawe, vaheera oohimiruku omphwata ntthokonawe ni matataawe.

Masu a Miruku 31:23

Iyawe onttittimihiwa vamulako wa esidade, onkilaathaawewo eriyari ya asitokweene a elapo.

Yeremiya 32:10

Kaattitta, kinalipiha yoolempwa, kinaringa eparatha* vamuringoni, ohoolo wa anamoona kaawiitthannaaka.

Mikeyasi 5:2

“Vaheera nyuwo Beteleheemu Efrata, murookhalaru mukhaani eriyari ya mahimo a oYuda, wa nyuwo onimoorwa wa Miyo mmoha aneera akhale mulamuli a oYixrayeli – mwa yoowo epacererowaawe ekhumale khalayixa.”

Matheyo 2:6

‘Weyotho, Betelehemu, wa elapo ya oYudeiya, vekhaikhai khoohiyono mukhaani variyari wa ibooma sa oYudeiya, niwoko mwa weyo anaakhumelele Muhooleli anaakhale Mukukhuli a atthwaaka, aYixrayeli.’”

Deuteronomiyo 25:7

Wa soothesene, mulopwana aahitthuna omuthela naamukhweli a munneiye, naamukhweli owo arowe wa ahooleli a vamulako wa esidade, aweereleke: “Munna a aiyaka onkhootta opwahereriha nsina na munneiye oYixrayeli. Khantthuna okikwaniherela onyesereriwa wa olamu.”

Deuteronomiyo 25:9

naamukhweli a munneiye amwaattameleke vamaithoni wa ahooleli, amurule ekwakwattaawe emoha, amusenyeleke owiithowawe, eeraka: “Ti ompakiwaawe hiiha mulopwana ohintthuna opwahereriha ekhapira ya munneiye.”

Ruuti 1:2

Nsina na mulopwana naari Elimeleki, nsina na mwaarawe Nawomi ni masina a anamwanaawe asilopwana eeli yaari Maheloni ni Kileyoni. Awosa yaari awEferati a oBeteleheemu, oYuda. Yaarowa oMowabe, enakilaathiwo.