Ruuti 3:7 - Emakhuwa Bible

⁷ Bowazi amalihakaru oca ni owura aahakalala, anarowa wiixaatalela mukerekhere wa suukelingwaaya sooveeriwa. Ruuti aamwaattamela woohooneleliwa, anamukhunula waamettowawe, aniixaatalela.

Ruuti 3:7 Iomraidhean Croise

Epacerero 43:34

Yoseefe aalamulela weera eceeke vameesa vamoharu ni yoowo, ni waatta wa yooca ya Benyamini waari wookwana miceco mithanu waapwaha asikhwaawe. Vano, awosa yaapaka efesta, enawura yaatthunelaaya.

2 Samuweli 13:28

Abesalomi aahaalamulela asilopwanaawe: “Mwiiwe! Amenoni ahapaliwa eviinyu ni miyo kaweerelani: ‘Mmwiive Amenoni,’ vano mmwiive. Muhoove, niwoko ti miyo koolamulenleni. Mulipe ni mminye murima!”

1 Mamwene 21:7

Mwaarawe Yezebeli aamweerela: “Nyuwo muri mwene a oYixrayeli keera? Mvenye, muceeke ni muhakalale. Kinoowinnyererani ematta ya iwuuva* ya Naboti, muYizereyeli.”

Exteri 1:10

Yaakhala inoko* athanneeli yaamurumeela mwene, masinaaya Mehumani, Bizeta, Harebona, Bigeta, Abageta, Zetari ni Karekasi. Vano, vanihukuni nanaathannameeli, mwene ahapalaxiweene, aahaalamula inoko* awo

Icipo 104:15

eviinyu enghakalaliha murima wa mutthu; makhura ammwaariha ekhovaawe ni yooca enimvaha ikuru.

Namalaleiya 10:19

Efesta empakeliwa otthekula, ni eviinyu enghakalaliha okumi, vaheera sootheene iyo sinliviwa ni musurukhu.

Namalaleiya 2:24

Wa mutthu, kheewoworu yooreerela ohikhanle oca, owura ni ophwanya mureerelo mmutekonimwawe. Kaahoonatho weera eyo enrweela mmatatani mwa Muluku.

Namalaleiya 8:15

Tivawo olakawaka ti weera mpuhe okumi, niwoko mulaponi ya vathi kheewoworu yoomureerela mutthu ohikhanle oca, owura ni ohakalala. Itthu iyo sikhale asikhwaawe mmutekonimwawe woovihaxa wa mmahukunimwawe ootheene Muluku omvanghaawe mulaponi ya vathi.

Namalaleiya 9:7

Tivawo, muce ni ohakalala yoocaanyu, ni ngwure eviinyuwaanyu mutteeliweene murima, niwoko Muluku oohakalalela yeeyo nyuwo mumpakaanyu.

1 aKorinto 10:31

Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku.

awEfeso 5:18

Muhihapaliwe ni eviinyu, niwoko mwemmo wookhalamo olavilavi, mene muhiye woosareyeni Munepa,

Ahooleli 16:25

Awosa murima waatteenleene, yaakhuwela: “Muniruuhele Samesoni weera nimutthekulele.” Vano aaroweliwa Samesoni mukaliposo, ni owo aahaatthekuliha. Emuronghaleene eriyariya ya amarimbu eeli,

Ahooleli 19:22

Awosa ehakalalaka hiihaawo, alavilavi akina a esidade yaarica empa. Emanaka nsele na empa, yaamukhuwelela namuuluvala aari muneene a vaate vale: “Munkhumihere vaate mulopwana ovolongwe mpaanimwanyu weera nimukoneno!”

Ahooleli 19:6

Hiiho ooweeli ale yaakilaathi weera ece ni ewure. Vahoolowaya atithaya ekuxo yaamweerela: “Dyoontte, mukhaleke ohiyu ola muhakalalaka.”

Ahooleli 19:9

Vanonto mulopwana ole, ekuxowaawe ni murumeiyaawe yeemenlaaya weera epwahase, atithaya ekuxo yaaweerelatho: “Moone, wohiilaru. Mvirihe ohiyu vaava. Mukhale ni muhakalale. Mpeheraseke omaalo murowaka owaani.”

Ruuti 3:6

Vano aarowa wa nipuro nimveeriwa*, anapaka sootheene apwiyamwaanaawe yaamuleenlaaya.

Ruuti 3:8

Ohiyu eriyari, Bowazi aavenyerera mukhoveni, anarukunuwa, anatuthuwa woomoona muthiyana mmoha iixaatalenleene waamettowawe.