Okhuma 8:26 - Emakhuwa Bible

²⁶ Moisesitho aamwaakhula: “Eyo kheelonke. Sooveleela hiyo nnimpakelaahu Yave Mulukwaahu ti sa mwiikho wa awExipitu. Hiyo napaka sooveleela sinkhala ntoko mwiikhwaaya, awo anoonivonya maluku.

Okhuma 8:26 Iomraidhean Croise

Epacerero 46:34

mwamwaakhule ha: ‘Arumeiyaanyu anghuwa muhuwo okhuma enamwanaaya ntokotho yaapakaaya makholowaaya.’ Hiiho munootthuniheriwa omaka mweelaponi ya oGoxeni, niwoko akukhuli ootheene ari oonyoosiwa ni awExipitu.”

Epacerero 43:32

Yaamvahera wawawe emwalamwaxaka ni axunneiye mpakatho awExipitu yaaca ni yoowo, niwoko khawaatthunihereya oca ni aHeberi. Wa yaawo ocano ti mwiikhowaaya

Yesaya 44:19

Khawowo ommaala weera uupuwele; khawowo orino miruku hoye hoye iseru sooweerano: “Mpatta mukina koopattiha; mpaka vamakhalaniwaya kohooxawo epaawu, enama, kinakhuura. Vano kinoopaka etthu ya mwiikho sa seiyo sihanle? Miyo kinookokhorela ohoolo wa etthaabwa?”

Ezera 9:1

Sipakiweene itthusene seiye, asitokweene yaakaattamela, enakeerela: “Atthu a oYixrayeli vamoha ni asaserdoti* ni aLeevi khaamwalamwanle ni miloko soowaattamana ni soopakasaya sa mwiikho – ntoko sa aKanaani, aHiti, aPerizi, aYebusi, awAmoni, aMowabe, awExipitu ni awAmori.

2 Mamwene 23:13

Mwene aaphwatatho mattumuxa ootteeliheriwa miluku sikina yaari mpatta ninkhuma nsuwa wa oYerusaleemu, mpatta wa ohitto wa Nttumuxa na Ophwata. Yaari altaareene yaale Salomoni, mwene a aYixrayeli, aamutekenlaawe Axeteroti, muluku ookhootteya a aSidoni, Kemoxi, muluku ookhootteya a aMowabe ni Moleki, muluku ookhootteya a awAmoni.

Okhuma 3:18

Asitokweene a aYixrayeli anoowaakhulelani. Vahoolowaya nyuwo mmurowe ni yaawosa wa mwene a wExipitu ni mwamweerele:‘Yave, Muluku a aHeberi, ooniphwanya. Munihiyeke neette ekwaha ya mahuku mararu munikareni weera nampakele sooveleela Yave, Mulukwaahu.’

Okhuma 8:8

Farawu* aarumiha wiitthaniwa Moisesi ni Aharoni aweerelaka: “Mumvekele Yave weera akivenxere anaphulu ni wa mulokwaakatho; ni vahoolowaya kinoohiya muloko orowaka weera wampakele sooveleela Yave.”