Okhuma 6:7 - Emakhuwa Bible

⁷ Miyo kinimookhalihani mulokwaaka ni kinookhala Mulukwaanyusa. Vano nyuwosa mmwisuwele weera Miyo ti Yave Mulukwaanyu mwa Yoowo onootapuxani mmutekoni mumvarihiwaanyu ni awExipitu.

Okhuma 6:7 Iomraidhean Croise

Epacerero 26:3

Mpwaherereke okhala elapweene yeela mahuku vakhaani. Miyo nkikhale ni nyuwo, nitho nkooreeliheni. Nkoovaheeni, nyuwo vamoha ni ekhapiraanyu yootheene elapo yootheene ela ni nkikwanihere nlipelo kaapakenlaaka atithinyu, Abrahaamu.

Epacerero 28:13

Yave aari mukhwipimwaya, aneera: “Miyo ti Yave, Muluku a Abrahaamu apwiyaanyu ni Muluku a atithinyu Isaki. Elapweene yeela mukonnaanyu kinikoovaheeni, vamoha ni ekhapiraanyu yootheene.

1 Mamwene 20:28

Mulopwana a Muluku aarowa wa mwene a aYixrayeli, anamweerela: “Yave oneera ha: ‘Yeenre awArami yuupuwelaka weera Yave ti Muluku a mmwaako ahikhanle a munghawalawani, Miyo kinoowinnyerera mmatatanimwanyu anakhotto awo oowaattaxa ni nyuwo munoosuwela weera Miyo ti Yave.’”

1 Mamwene 8:60

Hiiho miloko sootheene sa elapo ya vathi sinoosuwela weera Yave ti Muluku ni khoowowo muluku mukina.

Nehemiya 1:10

Awo ti arumeiyaanyu ni mulokwaanyu, mwa yaawo ngwooponlaanyu ni ikurusanyu sitokotoko ni Ntatananyu noolipaxa.

Icipo 100:3

Musuwele weera Yave ti Mulukwaahu. Owo aanipattuxa ni hiyo nri a Yoowo. Nri mulokwaawe ni muhuwo wa nipuronaya na oca.

Icipo 81:6

Owo aaheera: “Kaahaarula murindi yaathatenlaaya; matataaya aatapuxeya wa soolemela.

Okhuma 13:14

Muhoolommo anamwaniinyu yookohani: ‘entaphulela eheeni yeela?,’ vano mwaaleele: ‘Yave onikhuminghe wExipitu, elapo ya okaporo ni ntata nooweraxa.

Okhuma 13:3

Vano Moisesi aaheerela muloko: “Muupuwelele nihuku nna nyuwo mwaakhumalaanyu wExipitu, elapo ya okaporwaanyu, niwoko Yave ohookhumihani iwe ni ntatanawe nooweraxa. Muhiceru yooheliwa eferementu.

Okhuma 14:18

awExipitu anoosuwela weera Miyo ti Yave kaavuwihiwaka moomphwatani Farawu*, ikaarosawe sa ekhotto ni anamweettiha a ikavalu*.”

Okhuma 14:4

Vano nkuumihe murima wa Farawu* ni owo onimwaatthimakela. Wa soothesene, Miyo nkittottopeliwe mwa Farawu* ni anakhottwaawe ootheene, ni awExipitu ootheene anoosuwela weera Miyo ti Yave.” Vano aYixrayeli yaapaka hiiho.

Okhuma 15:16

Woova ni otteenguwa ongwuuwela yaawosa. Ni ikuru sa moonowaanyu ankhala ooweemeleene ntoko nluku mpaka ovira mulokwaanyu, Yave, mwa yoowo muthummaanyu.

Okhuma 15:2

Yave ti ikurusaka ni ecipwaaka; ti ovuluxiwawaka. Owo ti Mulukwaaka ni nkimuttottopele; ti Muluku a atithaka ni kinoomvuwiha.

Okhuma 16:12

“Kohiiwa ottaandawula wa aYixrayeli. Mwaaleele: ‘Wiilaka munookhuura enama; waaxaaka munoovonasa yooca. Hiiho munoosuwelasa weera Miyo ti Yave Mulukwaanyu.’”

Okhuma 16:6

Hiiho Moisesi ni Aharoni yaaweerelasa aYixrayeli ootheene: “Wiilaka mmwisuwele weera ti Yave ookhumihaleni wExipitu.

Okhuma 2:11

Nihuku nimoha, Moisesi unnuwaleene, aarowa nipuro yaaraaya atthwaawe ni aahoonelela moota waaviraaya muteko yaavaraaya. Weiwo aamoona ngwExipitu mmoha angwaxulaka muHeberi, mmoha a atthwaawe.

Okhuma 6:6

Tivawo: Mwaaleele aYixrayeli: ‘Miyo ti Yave. Kinimootapuxani mwa miteko sooviha sa awExipitu. Miyo kinimootapuxani mpotthani ni kinoowoopolani ni moono woolipa ni miteko sitokotoko sa nthoriho.

Okhuma 7:17

Masu a Yave ti ala: ‘Mwa yeeyo mmwisuwele weera Miyo ti Yave: nkimanele maahi a Nilu ni ekopo eri mmatatanimwaka ni awo eniithatuwe ephome.

Yesaya 41:20

weera atthu yoone ni esuwele, yuupuwele ni yiiwexexe weera ntata na Yave nipanke yeeyo ni weera Ootteela a oYixrayeli opattunxe.”

Yesaya 49:23

Mamwene anookhala anamakosoopaanyu ni mapwiyamwenaaya oowaamwihaanyu. Awosa animookokhorelani ephiihaka muruwaaya vathi; anoolata ntthupi na inaawosanyu. Vano, munoosuwela weera Miyo ti Yave; yaale ankiroromela Miyo annapwaneya.”

Yesaya 49:26

Kinoopakiha weera anamahasulaanyu yiikhuure; anoohapaliwa ni ephomaaya ntoko ereene eviinyu. Vanonto atthu ootheene anoosuwela weera Miyo, Yave, ti Mvuluxaanyu, Namoopolaanyu, Ooweraxa a Yakobe.”

Yesaya 51:15

Vanonto Miyo ti Yave Mulukwaanyu kintannya ephareiya moota wooweera mitekuteku sirume – Yave a ikuru sootheene ti Nsinanaka.

Yesaya 60:16

Munoowura mukaka wa miloko ni munimwaamwihiwa ni asithiyana a maneethi. Vano nyuwo munoosuwela weera Miyo, Yave, ti Mvuluxaanyu ni Namoopolaanyu, Namaweraxa a Yakobe.

Yesaya 63:8

Owo eenre: “Vekhaikhai awosa ti mulokwaaka, anamwane asilopwana eneera ehikivarihe”; ni hiiho oothatuwa Mvuluxaaya.

Yeremiya 30:22

‘Tivawo, nyuwosa munookhala mulokwaaka, ni Miyo kinookhala Mulukwaanyu.’ ”

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Ezekiyeli 20:19

Miyo ti Yave, Mulukwaanyu; mweetteleke ikanosaka ni mwiipasoope woowiiwelela malamulowaaka.

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Levitiku 11:44

Miyo ti Yave, Mulukwaanyu; mwiitteelihe ni mukhaleke ootteela niwoko Miyo ti Ootteela. Muhiivalihe ni yakhalaru ekhalelo eniipurula.

Levitiku 11:45

Miyo ti Yave ookhumihaleni wExipitu weera kikhale Mulukwaanyu; tivawo: mukhaleke ootteela niwoko Miyo ti Ootteela.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Nuumeru 15:41

Miyo ti Yave, Mulukwaanyu, ooruuhaleni wExipitu weera kikhale Mulukwaanyu. Miyo ti Yave, Mulukwaanyu.’”

Matheyo 22:32

‘Miyo kiri Muluku a Abrahaamu, Isaaki ni Yakobe’? Owo khahiyono Muluku a akhwiiye, mene a akumi!”

aRooma 8:31

Nneereke hai sa itthusene seiya? Muluku aari ni hiyo, taani aniittane ni hiyo?

Deuteronomiyo 14:2

Nyuwosa ti muloko wootteeliheriwa Yave Mulukwaanyu. Yave ohoothanlani nyuwosa variyari wa miloko sootheene sa elapo ya vathi weera mukhale mulokwaawe woosiveleyaxa.

Deuteronomiyo 26:18

Olelo Yave oohimatho weera nyuwo ti mulokwaawe xaxaxa ntoko Owo aaroromelinghaawe ni weera nyuwosa mwiiwelelaseke malamulowaawe ootheene.

Deuteronomiyo 29:12

Muri va weera mvolowase ngwiiraanani ni Yave Mulukwaanyu; wiiraanawene weiwo Owo ompakaawe olelo ni nyuwosa ni nlipelo.

Deuteronomiyo 29:13

Owo ontthuna weera nyuwo mukhale mulokwaawe ni Owo akhale Mulukwaanyu, ntoko aaroromelinghaawe makholowaanyu Abrahaamu, Isaki ni Yakobe.

Deuteronomiyo 29:5

Wa iyaakha miloko mixexe Miyo kooweettihani munikareni soowarasanyu ni ikwakwaattasanyu sihithaalaka.

Deuteronomiyo 4:20

Wa nyuwo, Yave aahookuxani, ookhumihakani muttukutthani enghaniwa eyuuma, eyo tiiyo wExipitu, weera mukhalase muloko wa yoohiyeraawe, ntoko onooneyaaya olelo.

Deuteronomiyo 7:6

Nyuwosa ti muloko wootteeliheriwa Yave Mulukwaanyu. Owo ohoothanlani nyuwosa variyari wa miloko sootheene sa elapo ya vathi weera mukhale mulokwaawe wootthuneyaxa.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

1 Pedru 2:10

Khalayi nyuwo hata khamwaahiyono muloko, mene vano muri muloko wa Muluku; khamwaamoreliwe ikharari, mene vano moomoreliwa.

Ethupululo 21:3

Kaahiiwa nsu ntokotoko naarweela vahiceni neeraka: “Vano etabernaakulu* ya Muluku eri ni atthu, ni Owo anaakhale ni yaawo. Awo eniikhale mulokwaawe ni Muluku muneenaawe anaakhale ni yaawo, ni anaakhaletho Mulukwaaya.

Ethupululo 21:7

Namawina anaakhele soothesene iya ni Miyo nkikhale Mulukwaawe, ni owo mwanaka.