Okhuma 6:2 - Emakhuwa Bible

² Muluku aamweerelatho Moisesi: “Miyo Yave.

Okhuma 6:2 Iomraidhean Croise

Epacerero 15:7

Muluku aamweerelatho: “Miyo ti Yave koovenxaleni wUri, mweelaponi ya aKaldeya, weera koovaheeni elapo ela ntoko yoohiyeriwaanyu.”

Okhuma 12:12

Ohiyuweene yoowo kinooviravira mweelaponi yootheene ya wExipitu ni kinimwiiva matthaara ootheene okhuma a atthu mpaka a axinama. Nkaanyoke ni nthorihelo mwa miluku sootheene sa wExipitu. Miyo ti Yave.

Okhuma 14:18

awExipitu anoosuwela weera Miyo ti Yave kaavuwihiwaka moomphwatani Farawu*, ikaarosawe sa ekhotto ni anamweettiha a ikavalu*.”

Okhuma 15:3

Yave ti Nakhotto; Nsinanawe ti Yave.

Okhuma 17:1

Muloko wootheene wa aYixrayeli waattimula onikareni na oSini, weeraka okhelanno okhelanno, ottharihaka Nlamulo na Yave. Vano waakonela oRefidimi, mene iwe khayaariwo maahi oowura.

Okhuma 20:2

“Miyo ti Yave Mulukwaanyu, mwa Yoowo ookhumihaleni wExipitu, elapo ya okaporo.

Okhuma 3:14

Muluku aamweerela Moisesi: “MIYO TI MIYO*.” ti yeeyo muneeraanyu mwaaleele aYixrayeli: ‘MIYO TI MIYO koorumihenlasiyeni.’”

Okhuma 3:15

Muluku aamweerelatho Moisesi: “Mwaaleele aYixrayeli: ‘Yave, Muluku a atithinyu, Muluku a Abrahaamu, a Isaki ni a Yakobe ti Yoowo okirumihale wa nyuwo.’ Nna ti Nsinanaka wa mahuku ootheene, Nsina mwa nenno kineeraaka kuupuweleliweno ikhapira ikhapirasene.

Okhuma 6:29

aamweerela: “Miyo ti Yave. Mwamuleele Farawu*, mwene a wExiptu, sootheene kineeraaka kooleeleni.”

Okhuma 6:6

Tivawo: Mwaaleele aYixrayeli: ‘Miyo ti Yave. Kinimootapuxani mwa miteko sooviha sa awExipitu. Miyo kinimootapuxani mpotthani ni kinoowoopolani ni moono woolipa ni miteko sitokotoko sa nthoriho.

Okhuma 6:8

Miyo kinimooronghani mulaponi kaalipenlaaka keemexaka ntata weera kaarwa omvaha Abrahaamu, Isaki ni Yakobe. Kinimoovahani ntoko elapwaanyu. Miyo ti Yave!’”

Yesaya 42:8

Miyo ti Yave – nna ti Nsinanaka! Nkirwa kimuvaha mukina ovuwawaka naari otthapelawaka wa miluku sikina.

Yesaya 43:11

Miyo muneenaaka ti Yave ni khawoworu mvuluxa kihikhanle Miyo.

Yesaya 43:15

Miyo ti Yave, Ootteelaanyu, Mpattuxa a aYixrayeli, Mwenaanyu.”

Yesaya 44:6

“Vano, Yave, mwene ni Mvuluxa a oYixrayeli, Yave a ikuru sootheene oneera ha: Miyo ti Oopacera ni Ookisera, kihikhanle Miyo khawowo muluku mukina.

Yeremiya 9:24

Hoye, yoowo ontthuna ovuwiha, avuwiheke ha: mookiiwexexani ni mookisuwelani, niwoko Miyo ti Yave onoonihera murima wooreera, oororomeleya ni a ekhaikhai mweelaponi yootheene. Vano ti mwa itthusene seiya Miyo kinghakalalelaaka,” onghima Yave.

Ezekiyeli 20:5

Vaheera, ‘Mwaaleelase weera mutokweene Yave, oneera ha: Vanihukuni kaathanlalaaka aYixrayeli, kaalipela kitheteenleene ntata ekhapira ya emusi ya Yakobe, kiniixoonihera wa yaawosa wExipitu. Kitheteiyeene ntata, Miyo kaaweerelasa: “Miyo ti Yave Mulukwaanyu.”

Malekiya 3:6

“Mwa yeeyo, Miyo, Yave, nkinceendya. Tivawo nyuwosa, ekhapira ya Yakobe, muhiphwatiwaanyu.