Okhuma 3:13 - Emakhuwa Bible

¹³ Moisesi aamukoha Muluku: “Miyo kaphiya wa aYixrayeli ni kaaweerela: ‘Muluku a makholowaanyu ookirumiha wa nyuwo’ ni awosa yakikohasa: ‘Nsinanawe taani?,’ vano kaaweereleke hai?”

Okhuma 3:13 Iomraidhean Croise

Epacerero 32:29

Yakobe aapwaherera: “Dyoontte mukileele nsinananyu.” Vaheera Owo aamwaakhula: “Munkohera heeni nsinanaka?” Ni vaavaale aamureeliha.

Okhuma 15:3

Yave ti Nakhotto; Nsinanawe ti Yave.

Okhuma 3:12

Muluku aamwaakhula: “Miyo nkikhale ni nyuwo. Ni ela eri eneneero weera ti Miyo kinoorumihani: Mwaakhumihaka atthu mwExipitu, nyuwosa mmwinlape Muluku mwaakweene yoola.”

Okhuma 3:14

Muluku aamweerela Moisesi: “MIYO TI MIYO*.” ti yeeyo muneeraanyu mwaaleele aYixrayeli: ‘MIYO TI MIYO koorumihenlasiyeni.’”

Okhuma 3:15

Muluku aamweerelatho Moisesi: “Mwaaleele aYixrayeli: ‘Yave, Muluku a atithinyu, Muluku a Abrahaamu, a Isaki ni a Yakobe ti Yoowo okirumihale wa nyuwo.’ Nna ti Nsinanaka wa mahuku ootheene, Nsina mwa nenno kineeraaka kuupuweleliweno ikhapira ikhapirasene.

Okhuma 7:16

Mwamuleele: ‘Yave, Muluku a aHeberi ookiruma wooleelani: ‘Muhiyeke mulokwaaka orowaka weera wakilape munikareni.’ Mene mpaka vano khamukiiwale.

Masu a Miruku 30:4

Taani owenle wiirimu anakhuruwa? Taani ophunte mmatatani ipheyo? Taani ohuruwenle maahi mmukaandyonimwawe? Taani okhalinghe nyiinano sa mulaponi? Nsinanawe taani ni na mwanawetho? Mukithalihere nyuwo mwaasuwenleene!

Yesaya 52:6

Tivawo mulokwaaka oneeraaya osuwele Nsinanaka; vanihukuni nenenenno owo onoosuwela weera ti Miyo kaahimme yeeyo. Aani ti Yoomi.”

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Matheyo 1:21

Owo anaamuyare Mwaana Mulopwana, ni nyuwo mmunttehe Nsinanawe Yeesu, niwoko anaavuluxe mulokwaawe mwa sootthekasaya.”

Matheyo 1:23

“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

Miteko 3:13

Muluku a Abrahaamu, Isaaki ni Yakobe, Muluku a makholowaahu, aamvuwiha murumeiyaawe Yeesu. Ti nyuwo mwaamvaherenre weera akhwe ni ti nyuwo mwaamukhoontte vamaithoni wa Pilatu, naamwi owo alakelaka omutaphula Yeesu.

Ahooleli 13:17

Owo aamukoha ndyelo a Yave: “Nsinani weera noottittimihereleni yaakwaniheriwaka maswaanyu?”

Ahooleli 13:6

Muthiyana ole aarowa waathalihera sootheene aiyawe eeraka: “Mmoha a Muluku aahoorwa wuuluma ni miyo. Aari oovuwaxa ntoko ndyelo a Muluku. Nkimukonghe aakhumelelaawe owo khakileenle nsinanawe.