Okhuma 27:2 - Emakhuwa Bible

² Mwaapakele nnyakanene mmaloothoni oomaxexe sikhalaka iyo etthu emohamoharu ni altaari* eneera ehuruweliheke ebronze*.

Okhuma 27:2 Iomraidhean Croise

1 Mamwene 1:50

Wa soothesene, Adoniya, amoovaka Salomoni, aarowa, anavarela manyaka a mmaloothoni a altaari*.

1 Mamwene 2:28

Yowabe iiwakaru ihaali iye, aatthawela muheemani mwa Yave, anavara manyaka a altaari* eenre avaanela ni Adoniya. Wa soothesene, khaavaanenle ni Abesalomi.

1 Mamwene 8:64

Nihuku nenenenne mwene aatteeliha mpatta wa nipuwa ohoolo wa Empa ya Yave anapakawo sooveleela soohisa, sa etrigu ni sooneneva sa sooveleelela murettele, niwoko altaari* a ebronze* ohoolo wa Yave yaayevaxa, ohikwanaka opakelawo sooveleela soohisa, sa etrigu ni sooneneva sa sooveleelela murettele sootheene.

2 Mamwene 16:14

Altaari* a ebronze* yaari vamaithoni wa Yave eriyari ya altaari* anyowani ni Empa ya Yave, yaaceendyiwa ni Ahazi awiikaathiki mpatta wa ottuttuwani wa altaari* anyowani.

2 Nyaha 4:1

Salomoni aalamulelatho opakiwa altaari* a ebronze, ereeneno imeetru* ithanniixexe sa mweerakamelonimwaya ni a mweekhuveelonimwaya, ni imeetru* ixexe ni eriyari ya emeetru* sa orakamelawaya osulu.

Icipo 118:27

Yave ti Muluku ni Owo oonimwaleela ni waarawawe; mukuxe mikhoyi sa efesta mutthukelele mmanyakani ari mmaloothoni mwa altaari*.

Okhuma 27:3

Mwapaketho ikaruma sootheene sa ebronze* – mookhupelamo ettuura, apoxoro, ibasiya soovuuvihera, igarfu* sa enama ni yootholelano makhala.

Okhuma 29:12

Vano mukuxe mpatta mukina wa ephome ya mwaamombe ni muhinge ni ekatha vamanyakani a altaari*. Vahoolowaya mmiinele yeeyo enghala mukhwipi wa altaari*.

Okhuma 38:30

Yaavarela muteko ebronze* ele weera epake nyetto sa mulako wa Eheema ya Muthukumano*, altaari* a ebronze* vamoha ni nivalinaya ni ikarumasaya sootheene.

Ezekiyeli 43:15

Ttukuttha a altaari*, orakamelawawe osulu, orino imeetru* piili, ni mattuumba maxexe onlipanaaweno manyaka maxexe woorowa osulu.

Levitiku 16:18

Vano owo aroweke valtaarini* ari vamaithoni wa Yave, ni vawo areherereleke wiiwanana ni Yave. Owo akuxe ephome vakhaani ya mwaamombe ni ya napunci, ahingeke mmanyakani ootheene a altaari*.

Levitiku 4:18

Vahoolowaya musaserdoti* ahingeke mpatta wa ephome mmanyakani a valtaarini* ari ohoolo wa Yave, Muheemani ya Muthukumano*. Ephome eneera ehale ya emombe eyo ayeeherele vathi wa altaari* a sooveleela soohisa vamulako wa Eheema ya Muthukumano*.

Levitiku 4:25

Vano musaserdoti* ataveke ni ekatha ephome vakhaani ya yooveleelela yoottheka ni ahingeke mmanyakani a altaari* a sooveleela soohisa. Ephome ekina eyo ayeehereke vathi valtaarini*.

Levitiku 4:7

Vahoolowaya musaserdoti* ahingeke mpatta wa ephome mmanyakani a valtaarini* a erubani* yoowunkhelaxa eri vamaithoni wa Yave, Muheemani ya Muthukumano*. Ephome eneera ehale ya emombe eyo ayeeherele vathi wa altaari* a sooveleela soohisa vamulako wa Eheema ya Muthukumano*.

Levitiku 8:15

Moisesi aamuhita mwaamombe, anaxuweya ekatha mphomeni, anahinga manyaka ootheene a altaari* weera aatteelihe. Ephome yaahanle eyo ayeehera vathi wa altaari*. Hiiho ahaarehererela wiiwanana ni Yave.

Zakariya 9:15

ni Yave a ikuru sootheene onoowaakiha. Awosa anoonyikalela ni anoophwata ni ekhwambala. Awosa anoowura ephome ya amwiittana ntoko ereene eviinyu; anookhala oosareyeene ntoko ebasiya yoovuuvihera mmaloothoni mwa altaari*.

Nuumeru 3:31

Aakhalano muteko woowaakosoopa Arka*, meesa, onyaari, altaari*, ikaruma saavareliwa muteko vaNipuroni Nootteela* ni eluttu ni sootheene saari vamohamoharu ni muteko owo.

aHeberi 6:18

Vano, sookhala itthu piili sahaawereya oceendyiwa: yoororomelihiwa ni nlipelo. Ni mwaha wa itthusene seiyo khoongwereya weera Muluku anilokotthe. Hiiho, hiyo nikhaleke oolipihiweene, hiyo nnimutthawela Muluku weera nivare nnenesene oweherera nivahiwaahu.