Okhuma 24:12 - Emakhuwa Bible

¹² Yave aamweerela Moisesi: “Ngwele mwaako, murwe wa Miyo ni mukhale va. Kinimoovahani itthaabwa sa maluku sikhalanaka malamulo ni ikano kilempaaka weera muxuttiheno muloko.”

Okhuma 24:12 Iomraidhean Croise

1 Mamwene 19:11

Yave aamweerela: Mukhume ni mweemele vamwaako vamaithoni wa Yave, niwoko Yave onoovira. Vanonto yaahoopaxa epheyo enamwalamwaxa nyaako enyaanyaka nyala ohoolo wa Yave, mene Yave khaakhanle mpheyoni. Vahoolo wa epheyo waakhala otetereya, mene Yave khaakhanle mootetereyani.

Ezera 7:10

Vano Ezera aalakela okhalela nthiti osoma Nlamulo na Yave ni weettela aaxutihaka aYixrayeli ikanosaya ni soolamulasaya.

Nehemiya 9:13

Mwaakhuruwela vamwaakoni Sinayi. Mwaawuulumano muri wiirimu. Mwaahaavaha miruku sooreera, malamulo a ekhaikhai, ikano ni soonyesereriwa sooreerela.

Nehemiya 9:14

Mwaahaasuweliha nihukunanyu nootteela na eSaabadu ni mwaahaavaha miruku, ikano ni malamulo mwa murumeiyaanyu Moisesi.

Icipo 19:12

Taani onsuwela sootapanyasawe sootheene? Mukilevelele sootapanya seiyo kihisuwenlaaka.

Okhuma 19:3

Vano Moisesi aawela mwaako weera amukumaneno Muluku ni Yave aamwiitthana wa mwaako eeraka: “Mwaleele masu ala ekhapira ya Yakobe, aYixrayeli:

Okhuma 24:15

Moisesi awelakaru, nihutte naakhuneela mwaako,

Okhuma 24:18

Moisesi awelaka mwaako, aavolowa munihutteni. Vano aakhalamo othana miloko mixexe ni ohiyu miloko mixexetho.

Okhuma 24:2

Moisesi paahi ti aneera amwaattamele Yave; akinaawo hoye. Mulokotho ohiwele ni yoowo.”

Okhuma 31:18

Amalihakaru wuuluma ni Moisesi vamwaako Sinayi, Yave aamvaha itthaabwa piili sa Namoona, itthaabwa sa maluku soolempwa ni ekatha ya Muluku.

Okhuma 32:1

Muloko woonaka weera Moisesi annapisa vancipale okhuruwa vamwaako, waathukumana omurukureeraka Aharoni, onamweerela: “Nkarwani, munipakele miluku sineera sinihoolele. Vano Moiseseene yoowo onikhumihale wExipitu – khanisuwenle emukhumelenle.”

Okhuma 34:1

Yave aamweerela Moisesi: “Mukuxe enyutto ni ephalo mwaattule itthaabwa piili sa maluku ntoko seiye soopacera ni mwa seiyo kinoolepa masu yaarimo soopacera, mwa seiyo mpwenxaanyu.

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Matheyo 5:19

Ootheene ahiniiwelela yakhalaru a malamulo ala ni anaaxuttiha akina opaka moota mmoha, eniyiitthaniwe ooyevaxa moomweneni wa wiirimu. Vaheera ootheene aniiwelela ni anxuttiha malamulo ala, eniyiitthaniwe asitokweene moomweneni wa wiirimu.

2 aKorinto 3:3

Nyuwo munoonihera weera muri ekaratta ya Kristu, emalihero ya mitekosahu, ehilempwale ni owiini, mene ni Munepa wa Muluku mukumi, kheelempwale vatthaabwani wa nluku, mene vatthaabwani wa mirima sa atthu.

2 aKorinto 3:7

Vano muteko oruuhale okhwa owiiye ni ovuwa, ni olempwe ni soolempwa vanlukuni, moota wooweera aYixrayeli khayaawenre owehexexa ekhove ya Moisesi niwoko na otutha wa ekhovaawe, hata oreene otutha woovireya.

Deuteronomiyo 4:14

Ehuhuweene yeele Yave aakilamulela wooxuttihasani ikano ni malamulo weera nyuwosa mweettele mweelaponi munrowaanyu okuxa.

Deuteronomiyo 5:22

Ala yaari masu uulummaawe Yave aleelaka muthukumano wootheene arumihaka, vamwaako mmooroni, mmahutteni ni mpiphini, ahaandyeereraka makina. Vahoolowaya aalepa yaawo vatthaabwani piili sa maluku, anakinnyerera.

Deuteronomiyo 5:31

Vaheera nyuwo mukhale va ni Miyo weera kooleeleni malamulo ootheene eyo tiiyo ikano ni sooruma sootheene nyuwo muneeraanyu mwaaxuttihe. Vano awosa yeetteleke mweelaponi Miyo kinaavahaaka ntoko yawayeene.”

aHeberi 9:4

yaaphwanyaneyaayamo altaari* a eyuuma yoorikaxa ya erubani*, ni Arka* a wiiraana ookhuneelaxiwa ni eyuuma yoorikaxa. Mwemmo waakhala mwaapu wa eyuuma yoorikaxa ereenemo emana*, ni ekopo ya Aharoni yaaphuwale makukhu, ni itthaabwa sa wiiraana.