Okhuma 23:8 - Emakhuwa Bible

⁸ Muhaakhulele makhwankwa, niwoko awo anaaphuta owiitho yaale anoona ni anghenyengeriha masu a oororomeleya.

Okhuma 23:8 Iomraidhean Croise

Icipo 15:5

Mutthu owo onkoongoriha, ahinnyesererihaka waakhela musurukhu woopwahaxa ni owo khanaakhulela makhwankwa amwiikitthaka oohinthowa. Yoowo ompaka hiiho, khattikinyeya!

Icipo 26:10

Mmatatanimwaya sookhala soovaanela soonanara ni matataaya oolopwana aasareya makhwankwa.

Masu a Miruku 15:27

Namilili onghonona emusaawe, vaheera yoowo onthanya makhwankwa onookhala ni okumi.

Masu a Miruku 17:23

Mutakhali onaakhulela makhwankwa wiiphiini weera ahapuxe ephiro ya ekhaikhai.

Masu a Miruku 17:8

Makhwankwa ti macitta wa yoole omvaha; aneeraawe aroweru sinoomweettela nnene.

Masu a Miruku 19:4

Muhakhu onaaruuha asinthamwene ancipale, vaheera mpaka nthamwene a oohaawa onoomuhiya.

Namalaleiya 7:7

Ewinelo yoohiroromeleya enimutatuxa musuweli okhala mulolo, ni makhwankwa annanariha murima.

Yesaya 1:13

Muhiyerere okiruuhela sooveleela soohimuteko. Erubanaanyu ti ya mwiikho wa Miyo. Nyeeri sinyowani, iSaabadu ni mithukumano – nkingwera ovilela iyo soosareya soonanara!

Yesaya 1:23

Anamalamulaanyu ari anamavaanya aneetta vamoha ni anamwiiya; awosa ootheene ansivela makhwankwa yaasaasaka soovahiwa. Awosa khaanaakiha soophwanela sa akwaasuni ni khaanaasaasa osuwela mulattu wa asinaamukhweli.

Yesaya 33:15

Yoole oneetta moota woororomeleya ni onuuluma ekhaikhai, yoole onkhootta ewinelo yoohiroromeleya ohinaakhela makhwankwa, yoole ohintthuna wiiwa soovaanela sa anamwiiva, akhoottaka woona soonanara.

Yesaya 5:22

Ii! Anoohaawa yaale ari asimwaneene owura eviinyu ni anamawera ophuka soowura;

Yesaya 5:23

yaale anaakhela makhwankwa emukuttelelaka nanthowa, vaheera ankhootta ekhaikhai wa oohinthowa.

Ezekiyeli 22:12

Mpuwamwanyu, aakhala atthu anaakhulela makhwankwa weera eyeehe ephome; nyuwo munkoongoriha mweerelaka oliviwa iphura, ophwanya ewinelo, ni mungwina moota woohiroromeleya munnyesererihaka ni mmwiiyeraka mukhwiinyu. Nyuwo mookittiwala, onghima Yave onlamula sootheene.

Hoxeya 4:18

Naari yaamalaka yoowura, awosa ampwaherera mooraruwanimwaya; alamulaaya ansivelaxa iphiro soowuuliha muru.

Amosi 5:12

Vano Miyo koosuwela waatta seenraaya sootakhalasanyu ni wunnuwa seenraaya sootthekasanyu. Nyuwosa munimuhasula oororomeleya, munaakhela makhwankwa ni munghiiha opakeliwa ekhaikhai oohaawa munuulummwa milattu.

Mikeyasi 7:3

Oolikaneene opaka yoonanara, mulamuli onnyesereriha soovaha, mphuki onaakhulela makhwankwa, aweri annyeserera yeeyo antthunaaya; ootheene awo amvaanelela vamoha.

Deuteronomiyo 10:17

niwoko Yave Mulukwaanyu ti Muluku a miluku ni Yave aasipwiiya; Muluku Mutokweene, Ooweraxa ni Oowoopiha, oohinthalu, akhoottaka makhwankwa.

Deuteronomiyo 16:19

Muhivirikanyihe ekhaikhai naari muhipake nthalu. Muhaakhulele makhwankwa, niwoko awo anaaphuta owiitho anamiruku ni anghenyengera masu a oororomeleya.

1 Samuweli 12:3

Kiri va. Mukhalele onamoona vamaithoni wa Muluku ni oottikittheliwaawe: Emombe hoye hoye buuru awani kimwiiyalaaka? Ookhala kimulokontthaaka? Ookhala kimuhoonxaaka? Wa taani kaakhelenlaaka makhwankwa weera kikuttelele nthowanawe? Kaapanke yakhalaru etthu ya seiyo, kinoohokoloxa.”

1 Samuweli 8:3

Wa soothesene, anamwanaawe khayaattharinghe ephiro ya Samuweli. Awosa yaatholela nihootthanaya; yaakhulelaka makhwankwa ni evaanyaka ekhaikhai.