3 Muhimpakele nthalu mutthu oohaawa vantthekoni.
Muhaakhoottele oohaawa mmilattunimwaya othoriha nnene.
Khoonreera waakhalela mpatta atakhali ngwiiyeraka oororomeleya ekhaikhaiyaaya.
Muhaahooxe oohaawa mwaha wa ohaawa, hata muhaahasule oothoiwa munuulummwa milattu,
Ii! Anoohaawa yaale ampaka malamulo oohiroromeleya, yaale anlepa ikano soohasula
Muhivirikanyihe ekhaikhai mwaathorihaka, muhimuthorihele oohaawa ni nthalu naari muhaathorihele asitokweene ni nthalu, mene munthorihele mukhwiinyu ni ekhaikhai.
Vano Miyo koosuwela waatta seenraaya sootakhalasanyu ni wunnuwa seenraaya sootthekasanyu. Nyuwosa munimuhasula oororomeleya, munaakhela makhwankwa ni munghiiha opakeliwa ekhaikhai oohaawa munuulummwa milattu.
Muhithorihe ni nthalu, mene mmwaakhulele okhuma mutokweene mpaka mukhaani. Muhimoove akhalaru mutthu, niwoko othoriha ti wa Muluku. Yakhala makacamiho oowoorikaxani, mukiruuhele. Kinooreherera.”
Muhivirikanyihe ekhaikhai naari muhipake nthalu. Muhaakhulele makhwankwa, niwoko awo anaaphuta owiitho anamiruku ni anghenyengera masu a oororomeleya.
Mirukutho sinrweela wiirimu siri toko sootteela; vahoolowaya siri sa murettele, soosiveleya, sowiiwexexeiya, soosareya ikharari ni soowiima sooreera, soohikhala ni nthalu ni sa ekhaikhai.
