Okhuma 23:1 - Emakhuwa Bible

¹ Ahikhale aneera amwaramwaxe ihaali soowootha. Muhimukhavihere namatakhala munkhalelaka namoona moota woowootha.

Okhuma 23:1 Iomraidhean Croise

Epacerero 39:17

Vano yaahaaphitela mwaha ole: “Murumeiyi ole muHeberi muniruuhenlaanyu, ookaattamela weera akiruwane.

2 Samuweli 16:3

Mwene aamukoha: “Ori woowi osuulu wa pwiiyaanyu?” Ziba aamwaakhula: “Ori oYerusaleemu niwoko onuupuwela: ‘Olelo aYixrayeli anookihokoloxera omwene wa nikholonaka.’”

2 Samuweli 19:27

Owo ookitapanyiha ni nyuwo pwiiyaaka mwene. Pwiiyaaka mwene ori ntoko ndyelo a Muluku. Vano mpake yeeyo muntthunaanyu.

Icipo 101:5

Kinoommaaliha yoowo ommuuluma wiiphiini mukhwaawe; yoowo ooweemexa maitho ni murima woowiixoona nkinimvilela.

Icipo 120:3

Ii! Anamootha, anoopakeeni eheeni Muluku? Nttaruxo heeni aneeraawe oophwanyiheni!

Icipo 15:3

Mutthu owo khanaaluxa, ahimpakelaka yoonanara mukhwaawe naari khanimuuluma mukina.

Icipo 27:12

Muhikinnyerere otthuna wa amwiittanaaka, niwoko anamoona oowootha ankoothera oosareyeene nipuhero.

Icipo 35:11

Anamoona oonanara murima ankeemelela; awosa ankikohakoha sa itthu kihisuwenlaaka.

Okhuma 20:16

Muhikhale namoona oowootha a mukhwiinyu.

Okhuma 23:7

Musembe milatthu soowoothera ni muhimwiive mutthu oororomeleya ni oohikhalano mulattu, niwoko nkinimulevelela nanthowa.

Masu a Miruku 10:18

Yoowo oniipithiha othanya ookhalano iyano soowootha, ni yoowo ommwaramwaxa waapanana ti mulolo.

Masu a Miruku 12:17

Namoona a nnene onkhalela onamoona woororomeleya, vaheera namoona oohiroromeleya onthaliha soowootha.

Masu a Miruku 14:5

Namoona a ekhaikhai khanlokottha, vaheera namoona oowootha onsareya soowootha.

Masu a Miruku 17:4

Mutakhali ompwattha iyano soonanara; namootha oniiwelela nlumi noosareya sootakhala.

Masu a Miruku 19:28

Namoona oowootha ontthebwa ekhaikhai, ni eyano ya atakhali emmira sootakhala.

Masu a Miruku 19:5

Namoona oowootha khakhala oohittaruxiwa, ni yoole ommwaramwaraxa soowootha khavenya ootapuxeyeene.

Masu a Miruku 19:9

Namoona oowootha khakhala woohittaruxiwa, ni yoole ommwaramwara soowootha onooriheya.

Masu a Miruku 21:28

Namoona oowootha onooriheya, vaheera namoona a ekhaikhai onoopwaherera wuuluma.

Masu a Miruku 24:28

Muhimoothere mukhwiinyu woohinthowa, naari muhivarele muteko iyanosanyu weera mulokotthe.

Masu a Miruku 25:18

Ntoko mwaakopo, ekatana hoye hoye muupa woowiitha ti yoole onimukhalela namoona oowootha mukhwaawe.

Masu a Miruku 25:23

Mooteene yoowo epheyo enrweela ottuttuwani enruuhaaya epula, hiihotho nlumi noowootha ninruuha oweha woosareya isara.

Masu a Miruku 6:19

namoona oowootha ommwaraxa soowootha ni yoole ontannyera minyakunyaku eriyari ya axunna.

Yeremiya 20:10

Kiniiwa soowaapa sincipale: “Woova wa mipatta sootheene! Munthoonye! Nrowe Nimuthoonye!” Asinthamwenaaka ootheene angweherera weera kitapanye, yeeraka: “Apaale onoolokhotteya, ni vano ninoongwina ni nimwiinleleke ikukuttula.”

Levitiku 19:11

Muhiiye, muhoothe; muhilokotthane.

Levitiku 19:16

Muhimwaramwaxe soowaapa eriyari ya mulokwaanyu. Muhipakeru etthu enoopopiha okumi wa mukhwiinyu. Miyo ti Yave.

Matheyo 19:18

“Taavi?” aamukoha. Yeesu aamwaakhula: “Muhiive, muhiraruwe, muhiiye, muhoothe,

Luuka 19:8

Zakaiyo aavenya ni aaweerela Apwiya: “Moone, Apwiya, kinimwaavaha atthu oohaawa eriyari ya sooreelasaka, ni kaamwiiyenre mutthu etthu emoha, kinoomuhokoloxera imaara ixexetho.”

Luuka 3:14

Vano anakhotto akina yaamukoha: “Ni hiyo, nneereke hai?” Owo aawaakhula: “Muhipake etthu ni makhwaankwa, hata muhimoothere mukina moota woowootha, ni muhakalalele nlivonanyu.”

Yohaane 7:51

“Nlamulonahu nnimuthoriha mukina ohinaaye omwiiwa, naari osuwela yeeyo oneeraawe?”

aRooma 3:8

Heeni muhineeraanyu yeeyo anamwaapa akina annootheraaya ninghimaahu: “Nipakeke yoonanara weera ekhumemo yooreera?” Othorihiwa wa atthweene yaawo ti woophwanela.

awEfeso 4:25

Tivawo khula mutthu a nyuwo ahiye wootha ni uulume ekhaikhai wa mukhwaawe, niwoko ootheene nri mipatta sa erutthu emoharu yeeyo.

Deuteronomiyo 5:20

Muhikhale namoona oowootha a mukhwiinyu.

2 Timootheyo 3:3

oohaasivela amusaaya, oohiiraana, anamwaapa, oohiisuumaaliha asineenaaya, ootakhala, amwiittana a yooreera,

1 Pedru 3:16

Mpaketho yeeyo ni wiiyeviha murima ni nttittimiho, mukhalanaka murima wooreera. Hiiho, yaawo anuuluma soonanara sa mweettelowaanyu wooreera mwa Kristu, eniiyuuliwe muru mwa sowaapasaya.

Ethupululo 12:10

Kaahiiwa nsu ntokotoko na wiirimu neera: “Vano woophiya ovuluwa, ikuru ni omwene wa Mulukwaahu, ni olamula wa Kristuwaawe, niwoko aavonyeriwa vaate namoothera a axunnihu, mwa yoowo ongwoothera axunnihu ohoolo wa Muluku othana ni ohiyu.