Okhuma 21:13 - Emakhuwa Bible

¹³ Wa soothesene, aahipaka mwayiini, yapakeya ni erisa, atthaweleke nipuro Miyo kineeraaka kimoonihere.

Okhuma 21:13 Iomraidhean Croise

2 Samuweli 16:10

Wa soothesene, mwene aamwaakhula: “Mumpwatthela heeni yeeyo anamwane a Zeruha? Aari Yave omulamulenle okinyohola, vano nyuwo taani oomuhiiha?”

Yesaya 10:7

Vaheera kheehiyono ti yeeyo owo ontthunaaya hata oomvaanelaaya; otthunawaya waari ophwata ni omaliha miloko sincipale.

Mikeyasi 7:2

Yaawo a murima woororomeleya aalakaseya mulaponi; khawoworu oororomeleya. Ootheene aniipithela weera eyeehe ephome; khula mutthu onimulupattha munneiye ni ntapha.

Nuumeru 35:6

Isidade ithannamosa sa seiyo muneeranyu mwaavahe aLeevi nsikhale isidade sootthawela, aneeraawe atthaweleke yoowo anaamwiive mutthu. Ohiya isidadesene seiyo, mwaavahase isidade miloko mixexe ni piili sikina.

Deuteronomiyo 19:14

Muhiceendye ikanyero sa nyiinano sa mwaattamwanaanyu yiikaathiyaaya makholowaanyu mwa yoohiyeriwaanyu mweelaponi Yave Mulukwaanyu onoovahaaweni weera mwakuxe.

Yoxuwa 20:1

Vano Yave aamweerela Yoxuwa:

1 Samuweli 24:10

Olelo mohoona ni maithwaanyu moota Yave owinnyerenraaweni mmatatanimwaka munikhukuni. Akina yaakivekela owiivani, mene miyo kohuurela okumaanyu keeraka: ‘Nkirwa kimvulaliha pwiiyaaka, niwoko owo ti oottikittheliwa a Yave.’

1 Samuweli 24:18

Olelo wookoonihera murimaawo wooreera. Yave ookinnyerera mmatatanimwawo, mene weyo khookiivale.

1 Samuweli 24:4

Asilopwana yaamweerela: “Ti nna nihuku Yave aahimmaawe eenraawe: ‘kinoomwinnyerera mwiittanaanyu mmatatanimwanyu weera mumpake yeeyo muntthunaanyu.’” Vano Davide aamwiitela, anathikila nnleembe na mukaandyo wa Sawuli, owo ahisuwelaka.