Okhuma 20:3 - Emakhuwa Bible

³ Muhikhalane miluku sikina okihiya Miyo.

Okhuma 20:3 Iomraidhean Croise

1 Mamwene 11:4

Ehuhu uuluvalaawe Salomoni, axaarawe yaamuhuluxeriha miluku sikina ni murimaawe khawaamukhalela nthiti Yave Mulukwaawe, ntoko waaraaya murima wa atithawe Davide.

Icipo 29:2

Mvuwihe Nsina na Yave noophwaneleya. Munttottopele Yave moovuwani mwa Nipuronawe Nootteela*.

Icipo 73:25

Khawowo mukina kiraakano wiirimu muhikhanle Nyuwo. Mweelaponi kheewoworu kinghaawelaaka ohikhanle okhala ni Nyuwo.

Icipo 81:10

Miyo ti Yave Mulukwaanyu, mwa Yoowo ookhumihaleni wExipitu. Mwaathame ni kinimoocihani.

Icipo 81:9

Muhikhalenoru miluku sikina variyariwanyu; muhikokhoreleru miluku sa amalapo.

Okhuma 15:11

Taani a miluku sikina ori ntoko Nyuwo, Yave? Taani onlikana Nyuwo? Mutokweene mootteelanimwanyu; ooweraxa mmutekoni woovuwa, Muneene a sootikhiniha.

Okhuma 20:23

Muhipake miluku sa eparatha* naari eyuuma yoorikaxa weera mukilikanxerele.

Okhuma 22:19

Akhalaru mutthu onimukonano mwaamunama, iiviweke.

Okhuma 23:24

Muhikokhorele ohoolo wa milukusaya, hata muhilape naari muhitakihe epakelowaaya. Mphwate miluku iyo ni mwaakankhaanyule amarimbwaaya ootteela.

Okhuma 32:8

Woowaakuveya aahiya yeele kaalamulenlaaka ni ahiipakela muluku oowootha mmukhaleloni wa mwaamombe. Awo aamuuramela empakelaka sooveleela, yeeraka: ‘aYixrayeli, iya va milukusanyu sookhumihaleni wExipitu.’”

Okhuma 34:14

Muhilaperu miluku sikina, niwoko Yave, mwa yoowo Nsinanawe ti Ehace, Owo ti Muluku a ehace.

Yesaya 26:4

Munroromele Yave wa mahuku ootheene, niwoko Yave, aani Yave paahi ti Mwala woohimala.

Yesaya 42:8

Miyo ti Yave – nna ti Nsinanaka! Nkirwa kimuvaha mukina ovuwawaka naari otthapelawaka wa miluku sikina.

Yesaya 43:10

Yave onghima: “Nyuwosa ti anamoonaaka; nyuwo ti murumeiyaaka kimuthanlalaaka weera musuwele ni mukiroromele ni weera mwiiwexexe: Miyo ti Yoowo. Khoowowo muluku kihinaaye Miyo, naari khookhala vahoolowaka.

Yesaya 44:8

Muhithukumele, hata muhoove. Khalayeene Miyo kaalaleiye yeeyo ni kaathalihera. Nyuwosa ti anamoonaaka. Khoowowo muluku mukina kihikhanle Miyo. Hoye! Khawowo Mwala mukina; nkimusuwenle hata mmoha.”

Yesaya 46:9

Muupuwelele itthu sa khalayi, seiye sa ihuhu sivinre; Miyo Muluku ni khawowo mukina; Miyo Muluku ni khawowo mukina onlikana ni Miyo.

Yeremiya 25:6

Muhitthare miluku sikina weera mukokhorele ni mulape; muhitannye isarasaka ni miluku soopakiwa ni nyuwo. Hiiho Miyo nkinooruuhelani erisa.”

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 7:9

Munuupuwela weera onoowereya wiiya, wiiva, oraruwa, wootha, omuhisera erubani* Bahali* ni otthara miluku sikina muhisuwenlaanyu,

Daniyeli 3:18

Ni waaheereya hiiho, vano musuwele nnenesene amwene weera hiyo khaninlapa milukusanyu naari ecaambulo ya eyuuma yoorikaxa mweemenxaanyu.”

Hoxeya 13:4

“Vaheera Miyo ti Yave Mulukwaanyu ookhumihaleni wExipitu. Nyuwosa muhaakhuleleru muluku mukina okihiya Miyo. Khawoworu mvuluxa mukina.

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

1 aKorinto 8:4

Tivawo, mwaha wa yooca yootteeliheriwa miluku soowootha, noosuwela weera muluku oowootha khahiyono etthu mweelaponi, ni ookhala Muluku mmoha paahi.

1 aKorinto 8:6

mene wa hiyo ookhala Muluku mmoharu paahi, Atiithi, mwa Yaawo sinkhumelela itthu sootheene, nitho wa Yaawo hiyo nnaakhalelaahu. Aritho Apwiya Yeesu Kristu amoharu paahi, mwa Yaawo saakhumelenle itthu sootheene, ni niwoko na Yaawo hiyo ninkhalaahu.

awEfeso 5:5

Vano nyuwo musuweleke nnenesene yeeyo: Khaawo namahuureya, hata oohitteela, naari namwiinlela mihakhu (eyo tiiyo olapa miluku sikina) anaakhele omwene wa Kristu ni Muluku.

Deuteronomiyo 5:7

Muhikhalane miluku sikina okihiya Miyo.

Deuteronomiyo 6:14

Muhitthare miluku sikina sa miloko sa mukhwipimwanyu,

Deuteronomiyo 6:5

Munsivele Yave Mulukwaanyu ni murimaanyu wootheene, okumaanyu wootheene ni ikurusanyu sootheene.

aFilipi 3:19

Mwaha wa yaawo, ommaleloniwaya ti oriheya; mulukwaaya ti nipwiipwi, ni ovuwawaya ori mwa yeeyo eri yoowuuliha muru; awo anuupuwela paahi itthu sa elapo ya vathi.

aKolosi 2:18

Muhimuhiye mukina oniixeera oowiiyeviha ni onaalapa andyelo awooceelihakani owina ntthuvelo. Mutthweene yoowo onthaliha nnenesene nyoonelosawe ni soowuupuwelasawe sa erutthu sinthatuwa soowiixoona.

Ethupululo 19:10

Kaamorela inaawosawe weera kimulape, mene owo aakeerela: “Muhipake yeeyo! Kiri murumeiyi ntoko nyuwo, ni ntoko axunninyu anlipihera moota woororomeleya onamoona wa Yeesu. Mmulape Muluku! Vano, okhalela onamoona mwaha wa Yeesu ti othalihera otthuna wa Muluku mmunepani.”

Ethupululo 22:9

Mene owo aakeerela: “Muhipake yeeyo! Kiri murumeiyi ntoko nyuwo ni axunninyu, maprofeeti, ni ntoko yaawo anthokorora masu a elivuru ela. Mmulape Muluku!”

Ahooleli 6:10

Kooweerelasanitho: ‘Miyo ti Yave Mulukwaanyu; muhilape miluku sa awAmori a elapweene yeela munkhalaanyu. Wa soothesene, khamukiiwale.’”