Okhuma 2:24 - Emakhuwa Bible

²⁴ Vano Muluku aahiiwa wiikhupanyerawaya, anuupuwelela wiiraana aapankaawe ni Abrahamu, Isaki ni Yakobe.

Okhuma 2:24 Iomraidhean Croise

Epacerero 26:3

Mpwaherereke okhala elapweene yeela mahuku vakhaani. Miyo nkikhale ni nyuwo, nitho nkooreeliheni. Nkoovaheeni, nyuwo vamoha ni ekhapiraanyu yootheene elapo yootheene ela ni nkikwanihere nlipelo kaapakenlaaka atithinyu, Abrahaamu.

Icipo 105:42

Vano aahuupuwelela yoororomeliha yootteela aampakenlaawe murumeiyaawe Abrahaamu.

Okhuma 6:5

Vano, kohiiwa wiikhupanyera wa aYixrayeli mwa yaawo awExipitu anaapakaaya ipottha ni kohuupuwelela wiiraanyihawaka.

Icipo 106:45

Aahuupuwelela owiiraananawawe ni niwoko na waasivelawawe otokotoko aahiya waattaruxa.

Icipo 102:20

weera iiwe ottaandawula wa ootthukiwa ni aataphule athoriheliwe okhwa.”

Icipo 22:24

Owo khanramusa hata khaanyoosa oohaawa wa oohooxiwa; Khaamuhulungwe yoowo, mene ohiiwa okhuwelelawawe ekhavihero.

Icipo 138:3

Miyo kookhuwelenlaakani, Nyuwo mwaakaakhula; mookitatuxa oolipa murima ni oosareya ikuru.

Epacerero 26:24

Ohiyuweene yoole Yave aahiixoonihera wa yoole, anamweerela: “Miyo ti Muluku a atithinyu Abrahaamu. Muhoove, niwoko Miyo kiri ni nyuwo. Nkooreeliheni, ni nkaandyeerere ekhapiraanyu niwoko na omusivela murumeiyaaka Abrahaamu.”

Icipo 22:5

Awosa yaahookhuwelelani ekhavihero, enavuluxiwa; yaahoororomelani enapwaneya.

Ahooleli 2:18

Imaara sootheene Yave aarumihelaawe muhooleli, Owo aakhala ni muhooleli aavuluxaka mmatatani mwa amwiittanaaya, muhooleli areene nlelo ni okumi. Yave aahaamorela ikharari mwaha wa wiinlawaya ohoolo wa yaale yaahooxa ni yaathananiha.

Epacerero 18:18

Abrahaamu anaakhale tiithi a muloko mutokotoko ni woolipaxa, ni mwaha wa yoowo miloko sootheene sa mweelaponi nsireelihiwe.

Epacerero 17:7

Kinookhaliha wiiraanawaka ni nyuwo, ni ekhapiraanyutho ya muhoolo, ntoko wiiraana woohimala. Miyo nkikhale Mulukwaanyu, ni Muluku a ekhapiraanyu.

Icipo 79:11

Okhuwela wa anamatthukiwa ophiyeke wa Nyuwo; ngwoopole oothoriheliwa okhwa ni ikuru sa moonowaanyu.

Epacerero 32:28

Vano mulopwana ole aaheera: “Nsinananyu khanirwa niitthaniwatho Yakobe, mene Yixrayeli, niwoko nyuwo moowana ni Muluku, nitho atthu, munawina,”

Miteko 7:34

Kaahoona ohaawa wa mulokwaaka wExipitu. Kaahiiwa wiikhupanyerawaya ni kaakhuruwela weera kivuluxe. Ngwe vaanaano va, ni kinimoorumihani ohokoleela wExipitu.’

Epacerero 8:1

Vano Muluku aamuupuwelela Nowe ni inama sootheene sa ntuphini ni soohuwiwa saari vamoha ni yoowo munikulani, anarumiha epheyo mweelaponi yootheene ni maahi yaapacera owelela.

Epacerero 15:13

Vano Muluku aamweerela: “Musuwele weera anamwane a ekhapiraanyu eniikhale ntoko anamarwa mweelaponi yoohikhala yawaya ni eniyeereke opuheriwa ni ohasuliwa wookwana ehuhu ya iyaakha macira maxexe.

Epacerero 16:11

Ndyelo a Yave aaheeratho: “Nyuwo moorupala ni mmungyare mwaana mulopwana muneeraanyu munttehe nsinanawe Iximayeli, niwoko Yave ohoona ohaawawanyu.

Epacerero 22:16

“Kiniilipela Miyo muneenaaka: Mweenre mpakaka yeeyo, muhikikhoottiheraka mwaninyu mmoharu,

Epacerero 26:2

Yave aahiixoonihera wa Isaki anamweerela: “Muhirowe wExipitu, mene murowe elapo yeeyo Miyo kineeraaka koothoonyereni.

Epacerero 35:11

Aamweerelatho: “Miyo ti Muluku a ikuru sootheene. Muyaraneke ni mwaandyeereraneke. Vano muloko, aani mpaka miloko sincipale, nsikhumelele mwa nyuwo, ni eniikhale mamwene variyari wa ekhapiraanyu.

Epacerero 35:12

Elapo kaamvanghaaka Abrahaamu ni Isaki, kinoovahanitho nyuwo, ni kinoovaha mooteene yoowo ekhapirwaanyu.”

Nuumeru 20:16

vaheera naamukhuwelenlaahu Yave, Owo aahiiwa okhuwelawahu, anamurumiha namutthenga, ananikhumiha wExipitu. Vano nri oKadexi, esidade ehelanne mwiinano ni elapwaanyu.

1 Samuweli 9:16

“Omaalo ehuhuweene yeela, kinimooruuhelani mulopwana mmoha a elapo ya oBenyamini. Mumvare omwene wa aYixrayeli. Owo onimoopola mulokwaaka mmatatani mwa aFilisti. Kohaakhulela mulokwaaka, niwoko okhuwelawaya wookiphwanya.”

2 Mamwene 13:23

Wa soothesene, Yave aawoonihera murimaawe wooreera, aamorelaka ikharari aapwatthaka niwoko na wiiraanawawe ni Abrahaamu, Isaki ni Yakobe. Mpaka olelo Owo khantthuna waaphwata hata owoomola vamaithoniwawe.

Icipo 102:2

Muhikihuluwe miyo kaakhalaka moohaawani. Mukiiweke ni kaakhuwelaka, mukaakhuleke woowaakuveya.