Okhuma 2:23 - Emakhuwa Bible

²³ Vahoolo wa ehuhu yincipale, aahookhwa mwene a wExipitu. aYixrayeli yanniixiinlela ekhuwelaka niwoko na opottha. Ni Muluku aahiiwa okhuwelawaya.

Okhuma 2:23 Iomraidhean Croise

Epacerero 16:11

Ndyelo a Yave aaheeratho: “Nyuwo moorupala ni mmungyare mwaana mulopwana muneeraanyu munttehe nsinanawe Iximayeli, niwoko Yave ohoona ohaawawanyu.

Epacerero 4:10

Yave aamukoha: “Mpanke eheeni? Mwiiwe, ephome ya munninyu enkikhuwelela Miyo vatthayani.

Nehemiya 9:9

Mwaahoona ohaawa wa asitithihu wExipitu ni mwaahiiwa okhuwelawaya mphareiyani Yooxeera.

Yobi 35:9

Atthu aniikhupanyera elemeliweene ni mahooxo; andyoonttelela weera yaatapuxe mmatatani mwa aweri.

Icipo 102:1

Mwiiwe nivekelonaka Yave; okhuwelelawaka ekhavihero woophiyereni.

Icipo 102:2

Muhikihuluwe miyo kaakhalaka moohaawani. Mukiiweke ni kaakhuwelaka, mukaakhuleke woowaakuveya.

Icipo 12:5

Yave oneera: “Kinoovenya vaanaanova niwoko na ohasuliwa wa oohilipa ni okhuwela wa oohaawa. Kinimwaapakela ekhaviheroweene yeeyo antthunaxaaya.”

Icipo 18:6

Ngwoovanimwaka kaamwiitthana Yave; kaamukhuwelela Mulukwaaka weera akikhavihere. Mpaanimwawe aahiiwa nsunaka; okhuwelawaka woophiya ohoolowawe; ohiiwa.

Okhuma 1:14

Awo yaahaawaawiherasa okumaaya, yaavahasaka muteko woovihaxa weetheya ittoko ni opaka indyerwa ni khula muteko woolima yaamvara. Mmitekoni sootheene awExipitu yannaakhalela oxilili mpotthani.

Okhuma 4:19

Moisesi nlelo areene oMidiyani, Yave aamweerela: “Muhokoleele wExipitu, niwoko ootheene yaale yaasaasa owiivani ahookhwa.”

Okhuma 6:5

Vano, kohiiwa wiikhupanyera wa aYixrayeli mwa yaawo awExipitu anaapakaaya ipottha ni kohuupuwelela wiiraanyihawaka.

Okhuma 6:9

Moisesi aahaathalihera yeeyo aYixrayeli, mene awosa khayaamwiiwelenle niwoko na othanana ni mitekosaya soovihaxa.

Okhuma 7:7

Moisesi aarino iyaakha miloko mithannamiraru ni Aharoni miloko mithannamiraru ni tthaaru yuulumasaaya ni Farawu*.

Yesaya 19:20

Eyo eniikhale eneneero ni namoona wa Yave a ikuru sootheene mweelaponi ya wExipitu. Awosa yaamukhuwelelaka Yave niwoko na anamahasulaaya, Owo onimwaarumihela Mvuluxa ni Namwaakiha ni Owo onoowoopola.

Yesaya 5:7

Ematta ya iwuuva* ya Yave a ikuru sootheene ti ekhapira ya Yixrayeli ni asilopwana a oYuda ti nttimbe Owo aasivelaawe. Owo aaweherera ekhaikhai, mene oona oyeehiwa wa ephome; aasaasa wookoleleya, mene iiwale sookhuwela sa ohasula.

Nuumeru 20:16

vaheera naamukhuwelenlaahu Yave, Owo aahiiwa okhuwelawahu, anamurumiha namutthenga, ananikhumiha wExipitu. Vano nri oKadexi, esidade ehelanne mwiinano ni elapwaanyu.

Miteko 7:30

Siviraka iyaakha miloko mixexe, areene owo munikareni vakhiviru wa mwaako Sinayi, aahiixoonihera wa Moisesi ndyelo mmoha mmalumini a niphuwa nivarelaka.

Deuteronomiyo 24:15

Munlive khula nihuku ohinaaye wiila, niwoko owo namahaawa onkhalela yeeyo. Ohiyanawaya, owo onoomudyoonttelela Yave niwoko na nyuwo ni hiiho nyuwo munookhalano nthowa na yoottheka.

Yakobe 5:4

Moone, nlivo na anamiteko ahemphe mmattamwanyu nyuwo muhaalimvaanyu ninniitthanaxa. Olalamika wa anamahepha wohiiwiwa ni Apwiya a ikuru sootheene.

Ahooleli 4:3

Aarino ikaaro sa iyuuma macira mathannamaxexe annaahooxa woonanara aYixrayeli wookwana iyaakha miloko miili, tivawo aYixrayeli yaamukhuwelenlaaya Yave weera aakhavihere.

1 Samuweli 12:8

Avolongweene Yakobe wExipitu, aYixrayeli yaamukhuwelela Yave ni Owo aamurumiha Moisesi ni Aharoni, weera aakhumihe makholowaanyu wExipitu ni awiikaathi nipuro nna.

1 Samuweli 9:16

“Omaalo ehuhuweene yeela, kinimooruuhelani mulopwana mmoha a elapo ya oBenyamini. Mumvare omwene wa aYixrayeli. Owo onimoopola mulokwaaka mmatatani mwa aFilisti. Kohaakhulela mulokwaaka, niwoko okhuwelawaya wookiphwanya.”