Okhuma 19:5 - Emakhuwa Bible

⁵ Vano mwakiiwelela oororomeleyeene ni mwathokorora wiiraanyihawaka, munookhala atthu ootthuneyaaka variyari wa miloko sootheene. Erookhalaru elapo yootheene yawaka,

Okhuma 19:5 Iomraidhean Croise

Epacerero 17:9

Muluku aamweerela Abrahaamu: “Wa mpattaanyu muthokorore wiiraanyihawaka, okhuma nyuwo mpaka ekhapiraanyu yootheene.

1 Mamwene 8:53

Vano ti Nyuwo Yave Muluku muthanlale variyari wa miloko sootheene sa elapo ya vathi weera okhale yoohiyeraanyu, ntoko mweenraanyu mwa murumeiyaanyu Moisesi, mwaakhumihaleene makholowaahu wExipitu.”

1 Nyaha 17:22

Nyuwo mohaakhaliha aYixrayeli mulokwaanyu wooreera wa mahuku ootheene, ni Nyuwo, Yave, mohiitatuxa Mulukwaaya.

Yobi 41:11

Taani opacenre okivaha etthu, weera kimuhokoloxere? Sootheene siri vathi, ti sawaka.

Yobi 41:3

Nyuwo munuupuwela weera owo onimoodyoonttelelani ikharari ni owuulumelani masu oosiveleya?

Icipo 135:4

Vano Yave oomuthanla Yakobe weera akhale awawe; Yixrayeli weera akhale muhakhwaawe.

Icipo 24:1

Elapo ya vathi ti ya Yave vamoha ni sootheene sirimo; hiihotho elapo ni ootheene ankhalamo,

Icipo 25:10

Iphiro sootheene sa Yave ti soosiveleya ni soororomeleya wa yaale ankwanihera soonyesererihiwa sa wiiraanawawe.

Okhuma 15:26

aweerelaka: “Nyuwosa mwamwiiwelela Yave, Mulukwaanyu, ni mwapaka yeeyo onaakhulelaawe ni mwiiwelela malamulowaawe muttharaka ikanosawe sootheene, nkoorumihelasani hata eretta emoha sa seiye kaarumihenlaaka awExipitu, niwoko Miyo ti Yave onoolamihani.”

Okhuma 23:22

Mwiiwelela nnenesene yeeyo aneeraawe ahime ni mwapaka sootheene kinoolamulelaakani, nkikhale mwiittana a amwiittanaanyu ni ngwanani a awananaanyu.

Okhuma 24:7

Vahoolowaya aasomela muloko Elivuru ya Wiiraana. Awo yaamwaakhula: “Nnoopaka moororomeleyani sootheene Yave olamulenlaawe.”

Okhuma 34:9

amweerelaka: “Yave, mwatthuna okoonihera murima wooreera, munihoole. Orimweeraru muloko owo oreene woottiyamaaru, mulevelele sootakhalasahu ni sootthekasahu ni munaakhele ntoko yoohiyeraanyu.”

Okhuma 6:7

Miyo kinimookhalihani mulokwaaka ni kinookhala Mulukwaanyusa. Vano nyuwosa mmwisuwele weera Miyo ti Yave Mulukwaanyu mwa Yoowo onootapuxani mmutekoni mumvarihiwaanyu ni awExipitu.

Okhuma 8:22

Mene nihuku nno kinoovirikanyiha elapo ya oGoxeni, onkhalaayawo mulokwaaka. Kharwa akhala naari nasope mmoha a amunkaanga weera nyuwo musuwele weera Miyo, Yave, kiri elapweene yeele.

Okhuma 9:29

Moisesi aamweerela: “Vaava kimvenyaaka, musidade, kinimweemexa matata kimvekaka Yave. Itari nsimaale ni kheemoratho maralala. Hiiho mmusuwele weera elapo ya vathi ti ya Yave.

Ecipo Yooreeraxa 8:12

Vaheera wa emattaaka ya iwuuva* – ti yawakaxa; Ixekeli* macira muloko sa eparatha* ti sawinyu, Salomoni, ni ixekeli* macira meeli sa eparatha* ti sa yaale yaawehaweha soowiimasaya.

Yesaya 1:19

Nyuwosa mwakhala oolikaneene wiiwelela, munimooca soowiima sooreerela sa elapo ela;

Yesaya 41:8

“Wa soothesene, nyuwo, Yixrayeli, murumeiyaaka, Yakobe kimuthanlalaaka, nyuwosa ekhapira ya Abrahaamu, nthamwenaaka,

Yesaya 43:1

Vano Yave mwa Yoowo oopattunxeni nyuwo Yakobe ni oopankeni nyuwo Yixrayeli, oneera ha: “Muhoove, niwoko koowoopolani; koowiitthanani ni nsinananyu; nyuwo ti awaka.

Yesaya 56:4

Vano Yave oneera ha: “Wa inoko* anttittimihera iSaabadusaka ni anthanla yeeyo enkisiveliha ni aniiwelela wiiraanawaka –

Yeremiya 10:16

Yoole ori a mpatta wa Yakobe khanlikana ni icaambulo iyo, niwoko Owo ti Mpattuxa a sootheene, ni aYixrayeli ti epuumbaaweene – Yave a ikuru sootheene ti Nsinanawe.

Yeremiya 13:11

Vano mooteene yoowo laamba onlipihaawe eyuunu ya mutthu, hiihotho koolipiha oYuda ni oYixrayeli wootheene weera okivarexexe, ni weera okhale mulokwaaka wa epilaaka, ottottopelawaka ni nttittimihonaka,’ onghima Yave. ‘Wa soothesene awosa khayaakiiwale.’

Yeremiya 7:23

Ohiyanawaya, nlamulo kaavanghaaka ti nna: mukiiwelele ni kinookhala Mulukwaanyu ni nyuwosa munookhala mulokwaaka. Mweette mphironi kinoolamulelaakani weera itthu siweetteleni nnene.

Ezekiyeli 16:8

Evinreene ehuhu ekina, kiviravirakarutho mukhivirumwanyu, kaahoowehani, kinoona weera mohunnuwa mungweraanyu osivela, ni kaawaatalelani malayaaka, kinakuttelela etiriyaanyu. Kaalipela, kinakhaliha wiiraana ni nyuwo, onghima Yave onlamula sootheene, ni nyuwo moothatuwa awaka.

Levitiku 20:24

Vaheera kaaweerelani: “Munookuxa elapwaaya; kinimoovahani ntoko yoohiyeriwa; elapo yoosareya mukaka ni oravo.” Miyo ti Yave Mulukwaanyu koothanlaleni eriyari ya miloko.

Amosi 3:2

“Wa imusi sootheene sa mulaponi koothanlaleni nyuwo paahi; tivawo Miyo kineeraaka koottaruxeleni sootakhala sootheene.”

Amosi 6:1

Ii! Nyuwosa munkhala muhipwatthaka etthu oSiyoni, ni muniixoona okhala oolipeene vamwaakoni wa oSamariya; nyuwosa atthu oosuwanyeyaxa mwiixuupuwelaka weera muri ooreerela eriyari ya miloko, mwa seiyo ontthimakelaayawo muloko wa oYixrayeli!

Malekiya 3:17

“Vanihukuni kineeraaka kireherere muhakhwaaka” oneera Yave a ikuru sootheene, “awosa anookhala yawaka xaxaxa. Miyo kinoowuurela ntoko tiithi onimuurelaawe mwaniye ommwiiwelela.

1 aKorinto 10:26

niwoko elapo ya vathi ni waattawaya wootheene ti wa Apwiya.

1 aKorinto 10:28

Vano, mukina aweerelani: “Ela yoovahiwa wa miluku,” muhice, hiiho niwoko na mutthu ooleenleni, hiihotho niwoko na murima,

Deuteronomiyo 10:14

Wiirimu wootheene ni elapo ya vathi vamoha ni sootheene sirimo ti sa Yave Mulukwaanyu.

Deuteronomiyo 11:27

Nyuwosa munooreelihiwa mwiiwelela malamulo a Yave Mulukwaanyu miyo kinoovahasaakani olelo,

Deuteronomiyo 14:2

Nyuwosa ti muloko wootteeliheriwa Yave Mulukwaanyu. Yave ohoothanlani nyuwosa variyari wa miloko sootheene sa elapo ya vathi weera mukhale mulokwaawe woosiveleyaxa.

Deuteronomiyo 14:21

Muhikhuureru yakhalaru enama yoowiikhwela. Mumvaheke namarwa onkhala musidadenimwanyu weera akhuure hoye hoye munthumihere mmalapo mukina. Wa soothesene, nyuwosa ti muloko wootteeliheriwa Yave Mulukwaanyu. Muhimwaapeye mwaaxaana a epuri mmukakani wa amayawe.

Deuteronomiyo 26:18

Olelo Yave oohimatho weera nyuwo ti mulokwaawe xaxaxa ntoko Owo aaroromelinghaawe ni weera nyuwosa mwiiwelelaseke malamulowaawe ootheene.

Deuteronomiyo 26:19

Owo oohima weera onimoowelihani moovuwani epiili ni nttittimiho ntokotoko opwaha miloko sootheene opankaawe. Mmwikhale muloko wootteeliheriwa Yave Mulukwaanyu, ntoko aaroromelinghaawe.

Deuteronomiyo 28:1

Nyuwosa mwamwiiwelela oororomeleyeene Yave Mulukwaanyu muttharaka malamulo ootheene kinoovahakani olelo, Owo onimoowelihaxani opwaha miloko sootheene sa elapo ya vathi.

Deuteronomiyo 28:9

Yave onimookhalihani mulokwaawe wootteela, ntoko oororomelinghaaweni ni nlipelo, nyuwosa mwiiwelela malamulowaawe ni mwatthara ephirowaawe.

Deuteronomiyo 4:20

Wa nyuwo, Yave aahookuxani, ookhumihakani muttukutthani enghaniwa eyuuma, eyo tiiyo wExipitu, weera mukhalase muloko wa yoohiyeraawe, ntoko onooneyaaya olelo.

Deuteronomiyo 5:2

Yave Mulukwaahu aanikhalihera wiiraana oHorebi.

Deuteronomiyo 7:6

Nyuwosa ti muloko wootteeliheriwa Yave Mulukwaanyu. Owo ohoothanlani nyuwosa variyari wa miloko sootheene sa elapo ya vathi weera mukhale mulokwaawe wootthuneyaxa.

Deuteronomiyo 9:29

Vaheera ola mulokwaanyu, yoohiyeraanyu, mwa yoowo mukhumihalaanyu wexipitu ni ikurusanyu sitokotoko ni moonowaanyu woolipaxa.”

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

aHeberi 11:8

Munroromeloni Abrahaamu, iitthaniweene, aahiiwelela ni aarowa vanipuroni, mwa nenno vahoolowaya eeraawe aakhele ntoko nawawe, aari mweeraru ahisuwenle aarowaawewo.

aHeberi 8:9

Khoorwa okhala ntoko wiiraana kaapankaaka ni makholowaaya nihuku kaavarenlaaka ni matata weera kaavenxe wExipitu. Niwoko awo khayaapwaherenre ngwiiraanyihanimwaka, Miyo koosusa wa yaawo, anghima Apwiya.

Yoxuwa 24:24

Atthu yaamweerela: “Hiyo nnimurumeela ni nnimwiiwelela Yave Mulukwaahu.”

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Samuweli 15:22

Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.