Okhuma 18:12 - Emakhuwa Bible

¹² Yethero, atatawe Moisesi, yaampakela Muluku sooveleela soohisa ni sooveleela sikina. Vano Aharoni vamoha ni asitokweene ootheene a aYixrayeli yaahoorwa weera ece ni atatawe Moisesi vamaithoni wa Muluku.

Okhuma 18:12 Iomraidhean Croise

Epacerero 12:7

Vano vaavaale Yave aahiixoonihera wa Abraamu, anamweerela: “Kinoovahani elapo ela ni wa ekhapiraanyu yootheene.” Vanonto Abraamu aamutekela Yave altaari* vanipuroni nne iixoonihenraawe.

Epacerero 26:25

Vano aahaatekawo altaari*, aniitthana Nsina na Yave, anakunga eheemaawe ni arumeiyi a Isaki yaathipawo ehime.

Epacerero 26:30

Isaki aahaarehererela efesta, enaca, enawura.

Epacerero 31:54

Vano Yakobe aapaka yooveleela vamwaakoni, anaalattula amusaawe yaari vaavaale weera eceno. Vano ecaakaru, yaakonelawo.

Epacerero 4:4

Abelitho aamuruuhela Yave mipatta sooneneva sa ikhondoolo ntoko yooveleela wa seiye saari matthaara. Yave aasivelihiwa ni Abeli ni sooveleelasawe

Epacerero 43:25

Awosa yaareherera soovahasaya, ewehereraka orwa wa Yoseefe othana eriyari, niwoko yaasuwela weera yaarowa oca vaavaale.

Epacerero 8:20

Vahoolowaya, Nowe aampakela altaari* Yave ni aakuxaka axinama akina ootteela ni ipalame sikina sootteela, aaveleela ntoko sooveleela ahisaka vasulu wa altaari*.

2 Samuweli 9:7

Davide aamweerela: “Muhoove. Vekhaikhayini kinoowooniherani murima wooreera niwoko na waasivelawaka atithinyu Yonatani. Kinimoohokoloxerani ilapo sootheene saari sa apwiyaanyu Sawuli ni munimooca ni miyo mahuku ootheene.

2 Nyaha 30:22

Hezekiya aahaavaha masu ooreeraxa aLeevi ootheene yoonihenre wiiwexexa wooreera wa moota woomurumeela Yave. Mmahukuni mathannameeli awosa yaahooca sa sooveleela, enapaka sooveleelela murettele, enamutthapela Yave, Muluku a makholowaaya.

Yobi 1:5

Yaamalaaya ehuhu ya ifesta, Yobi aalamulela wiitthanasiwa ni aapakiha weera etteelihiwe. Annapeherera opaka sooveleela soohisa aweerelaka yaawosa, niwoko uupuwela: “Apaale anamwanaaka aampahula Muluku mpuwamwaya, emutthekelaka ni emulaphaka Yoowo.” Eyo yaari epakelo ya Yobi.

Yobi 42:11

Axunneiye ni axirokoriye ootheene ni yaale yaamusuwenle khalayi yaarowa oca ni yoowo owannyawe. Awosa yaampembesa, enamulipiha murima mwa makacamiho ootheene aamuruuhenlaawe Yave, ni khula mutthu aamvaha mpatta wa eparatha* ni munela a eyuuma yoorikaxa.

Yobi 42:8

Vano murowase mpaka wa murumeiyaaka Yobi, mwaakuxe aximombe athanneeli, ni anapunci a ikhondoolo athanneeli, ni mwaapakele sooveleela soohisa mwiixeerelaka asineenaanyu. Murumeiyaaka Yobi onimoovekelelasani ni Miyo kinimwaakhulela nivekelonawe ni nkinoopakelasani yeeyo mumphwanelaanyu moololoni mpankaanyu. Nyuwosa khamuulumme yeeyo eri ya ekhaikhai mwaha wa Miyo, ntoko opankaawe murumeiyaaka Yobi.”

Okhuma 18:13

Oxaawaya Moisesi aakilaathi weera athalihe mikhalelo sa muloko ni atthu yaamurukureera okhuma oxeexelo mpaka oxekuwa.

Okhuma 2:16

Vano musaserdoti* mukina a oMidiyani aakhalano anamwane asithiyana athanneeli ni awosa yaarowa orika maahi weera esarihe maahi moowurelamo ni ewurihe muhuwo wa atithaya.

Okhuma 2:20

Vano aahaakoha: “Ori woowi mulopwana owo? Heeni munghiyenreniwo? Mwamwiitthane weera ace ni hiyo.”

Okhuma 20:24

Mwakitekele altaari* a etthaya ni mwa yaawo mukipakeleno sooveleela soohisa ni sa murettele, eyo tiiyo ikhondoolosanyu ni imombesanyu. Weiwo kineeraka kitthunihere ovuwihiwa Nsinanaka, kinimoorweelani ni kinimooreelihani.

Okhuma 24:11

Wa soothesene, Muluku khaattarunxe asitokweene a muloko wa aYixrayeli. Yaamoona Muluku, vahoolowaya yaahooca, enawura.

Okhuma 24:5

Vahoolowaya aahaarumiha amiravo aYixrayeli yaapanke sooveleela soohisa ni yaawiiva axaana a imombe ntoko sooveleelela murettele wa Yave.

Okhuma 3:1

Moisesi eera akukhulaka muhuwo wa atatawe oowaathelela, Yethero, musaserdoti* a oMidiyani. Nihuku nimoha aakuxa muhuwo arowanaka mpatta mukina wa nikare, anaphiya oHorebi, mwaako wa Muluku.

Okhuma 33:7

Vano Moisesi aakhovelela okunga eheema okerekhere wa waakhoneliwa yiitthaniwaka eyo “Eheema ya Muthukumano*.” Akhalaru mutthu aatthuna omukoha Yave aarowa eHeemeene yeeyo okerekhere wa waakhoneliwa.

Daniyeli 10:3

Nkaaciiyeru yooca yooreeraxa; enama ni eviinyu nkaalawingheru ni nkaavarenleru muteko soowunkhela mpaka omala isimana tthaaru.

Nuumeru 10:29

Vano Moisesi aamweerela Hobabi, mwaana mulopwana a mMidiyani Rewuyeli, atatawe oowaathelela Moisesi: “Ninttimula nirowaka vanipuroni mwa nenne Yave eenraawe: ‘Miyo kinimoovahasani.’ Murowe ni hiyo, ni nnimookosoopani nnenesene niwoko Yave oororomeliha itthu sooreera wa aYixrayeli.”

Luuka 14:1

eSaabadu emoha, woovolowani mpaani mwa muFarisi* oottittimiheya weera ace, ootheene yannangwehexexa.

Luuka 14:15

Iiwaka yeeyo, mmoha a yaawo yaari vameesa vamoha ni Yeesu, aamweerela: “Ooreelihiwa yoole aneera ace yooca moomweneni wa Muluku.”

1 aKorinto 10:18

Muupuwelele muloko wa aYixrayeli: Yaawo ankhuura ya enama yootteelihiwa valtaarini*, khaaniiwanana ni altaari*?

1 aKorinto 10:21

Nyuwo khamungwera owura ekoomixi ya Apwiya nitho ya minepa soonanara. Khamungwera wiiwanana vameesa a Apwiya nitho a minepa soonanara.

1 aKorinto 10:31

Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku.

Deuteronomiyo 12:7

Weiwo mmwace ni ohakalala vamaithoni wa Yave Mulukwaanyu, nyuwosa ni imusisanyu, niwoko na mitekosanyu sooreera sootheene eenre Yave Mulukwaanyu ooreelihakani.

Deuteronomiyo 27:7

Mwapakewotho sooveleelela murettele mucaaka ni muhakalalaka vamaithoni wa Yave Mulukwaanyu.