Okhuma 14:10 - Emakhuwa Bible

¹⁰ Farawu* awaattamelaka, aYixrayeli yaaweha, enawoona awExipitu yaarweelasaka. Yaahoova vancipale, enamukhuwelela Yave.

Okhuma 14:10 Iomraidhean Croise

2 Nyaha 18:31

Asitokweene a ikaaro emoonakaru Yehoxafati, yuupuwela: “Ola ti mwene a oYixrayeli.” Vano yaarukunuwa weera emuwanane, vaheera Yehoxafati aakhuwela, ni Yave aamukhavihera. Muluku aahaasusihasa wa yoowo,

Nehemiya 9:9

Mwaahoona ohaawa wa asitithihu wExipitu ni mwaahiiwa okhuwelawaya mphareiyani Yooxeera.

Icipo 106:44

Vaheera iiwaka okhuwelawaya, Owo aapwattha othananawaya.

Icipo 107:13

Vano yaamukhuwelela Yave mmahooxonimwaya ni Owo aawoopola moothanananimwaya.

Icipo 107:19

Vano yaamukhuwelela Yave mmahooxonimwaya ni Owo aawoopola moothanananimwaya.

Icipo 107:28

Vano yaamukhuwelela Yave mmakacamihonimwaya ni Owo aawoopola moohaawanimwaya.

Icipo 107:6

Moohaawanimwaya yaamukhuwelela Yave ni Owo aawoopola moothanananimwaya.

Icipo 34:17

Atthu oororomeleya ankhuwela ni Yave ongwiiwa; Owo ongwoopola mwa sookacamihasaya sootheene.

Icipo 53:5

Moone, aatteenguwaxa oroohiphwanelaru woova. Muluku oommwaramwaxa makhuva a yaale yoowananneni; nyuwo mohaayeviha niwoko Muluku ohaakhootta.

Icipo 81:7

Moothanananimwanyu mwaahiitthana ni kaawoopolani, kaawaakhulani mookukutteyani wa mmahutteni; kaawootani murima mmaahini a oMeriba. Sela*

Okhuma 13:17

Farawu* aatthuniheraawe muloko orowa, Muluku khaavirihale mpatta wa aFilisti yaarookhalaru ephiro yoothikila, niwoko Muluku eenre: “Awosa yavolowa mukhottoni, kapena eniirukunuwe, ehokoleelaka wExipitu.”

Okhuma 15:25

Moisesi aamukhuwelela Yave ni Owo aamuthoonyera nthatu noowuuma. Moisesi aavonyera mmaahini ni awo yaathatuwa ooreera. oMara Yave aahaavaha aYixrayeli ikano ni malamulo ni aawoota murima,

Yesaya 26:16

Yave awosa yaawaattamelani moovalavelanimwaya; Nyuwo mwaattaruxaanyu, awosa yaaxuuvekela.

Yesaya 7:2

Vano mwene aaleeliwa: “awArami aawiiraanano awEfrayimi.” Hiiho murima wa Ahazi ni mulokwaawe waathukumela, ntoko nyiri sa moothakoni siniinihiwaaya ni epheyo.

Yeremiya 22:23

Nyuwo munkhala oLebanoni, oolipeene mpaani mwa esidari* – moota muneeraanyu mwiipulele woorweelakani ovoreya wa oyara ntoko wa muthiyana onghaleela oyara!”

Deuteronomiyo 9:7

Muupuwele yeeyo ni muhittiwale moota mwaantannyenraanyu isara Yave Mulukwaanyu munikareni. Okhuma nihuku mwaakhumalaanyu wExipitu mpaka ophiyawanyu nno nyuwosa moonttiyelamaaru Yave.

Yoxuwa 24:6

Kikhumihakaru makholowaanyu wExipitu, nyuwosa mwaaphiya mphareiya ni awExipitu yaahoottharelelasani ni ikaaro sa ikavalu* ni anamweettiha ikavalu* mpaka Ephareiya Yooxeera.

Yoxuwa 24:7

Vaheera makholowaanyu yaakiitthana, vano Miyo kaahela epiphi variyari wa nyuwo ni awExipitu. Kaahaakumanyihera ephareiya, enamireya. Nyuwosa mwaahoona ni maithwaanyu yeeyo kaapakenlaaka awExipitu. Vahoolowaya mwaakhala munikareni ehuhu yincipale.

1 Yohaane 4:18

Moosivelani khoowowo woova. Ohiyanawaya, osivela wookwanela onoomola woova, niwoko woova okumanyihiwe ni ottaruxa. Yoole onoova, khankwanelihiwa moosivelani.