Okhuma 13:12 - Emakhuwa Bible

¹² vano muntteelihere Yave ntthaara na khula engyariwa. Mwaxaana napunci a mihuwo sootheene ti a Yave.

Okhuma 13:12 Iomraidhean Croise

Nehemiya 10:36

Nnooruuhelatho Empa ya Muluku ni asaserdoti* anrumeelamo matthaara a anamwanaahu asilopwana ni a ikhondoolosahu ni imombesahu, ntoko elempwalaaya munlamuloni.

Nehemiya 10:37

Ohiya sikina iyo, nnooruuhela matatha a Empa ya Mulukwaahu ni asaserdoti* mpatta woopacera wa ephepa, mipatta soopacera sa sooveleela sa etrigu, sa soowiima sa nyirisahu sootheene, sa eviinyuwaahu enyowani, ni sa makhura. Nnimwaaruuhelatho aLeevi mpatta wanaamuloko wa soohephasahu, niwoko ti yaawosa anaakhelela mpatta wanaamuloko mmasidadeni moothemwene nimvaraahumo muteko.

Okhuma 13:1

Yave aamweerela Moisesi:

Okhuma 13:2

“Mukitteelihere matthaara ootheene. Khula ntthaara na muloko ti nawaka; khaahiyono paahi atthuru, menetho axinama.”

Okhuma 22:28

Muhimveihe Muluku naari muhimulaphe muhooleli a mulokwaanyu.

Okhuma 22:29

Muhikiimane sooveleela sa matathaanyu naari nipuronanyu noowaama iwuuva*. Mukitteelihere mwaanaanyu a ntthaara,

Okhuma 34:19

Matthaara ootheene ti awaka, mpakatho matthaara asilopwana a mihuwosanyu sootheene, hata imombe naari ikhondoolo.

Okhuma 34:20

Matthaara ootheene a abuuru yoopoliwe ni eputtiputthi, mene mwaahitthuna woopola, vano mwintake exiko. Moopoleletho matthaara ootheene a anamwaniinyu. Ahikhale anaaphiye ohoolowaka matataru.

Ezekiyeli 16:20

Vano nyuwo mohaakuxatho anamwaniinyu asilopwana ni asithiyana mwaakiyarenlaanyu, munaaveleela ntoko sooca wa miluku sikina. Opuutaanyu khawookwanneni?

Ezekiyeli 44:30

Sooreerela sootheene sa soowiima soopacera, ni micaango sootheene muneeraanyu mpake, ti sa asaserdoti*. Nyuwosa mwaavahaseke mpatta woopacera wa yooca ya irooro sooxiliwa weera ekhale mareeliho mmampaanimwanyu.

Levitiku 27:26

Ahikhaleru aneera atteelihe ntthaara na muhuwo, yeenre matthaara ootheene ekhalaka a Yave; ekhalaka emobe hoye hoye epuri naari ekhondoolo, ti a Yave.

Nuumeru 18:15

Matthaara ootheene eneera eveleeleliwe Yave, akhalaka mutthu, hata mwaamunama, anaakhale awinyu. Vaheera nyuwo mmoopoleke akhalaru mwaana mulopwana a ntthaara, mpakatho matthaara ootheene a mihuwo soohitteela.

Nuumeru 3:12

“Miyo muneenaaka kinaathanla aLeevi eriyari ya aYixrayeli vanipuroni na mwaana a ntthaara na khula muthiyana muYixrayeli. aLeevi ti awaka,

Nuumeru 3:13

niwoko matthaara ootheene ti awaka. Kiivalaaka matthaara ootheene a wExipitu, kaahiimwalamwalihera matthaara ootheene a aYixrayeli, okhuma eriyari ya atthu mpaka ya mihuwo. Anookhala awaka. Miyo ti Yave.”

Nuumeru 8:17

Matthaara asilopwana ootheene a aYixrayeli a eriyari ya atthu ni axinama, ti awaka. Miyo kimwalamwalihenre kaavulalinghaaka matthaara ootheene a wExipitu.

Luuka 2:23

Ntoko elempwalaaya munlamuloni na Apwiya: “Asilopwana ootheene a matthaara ekhaleke oovahereriwa wa Apwiya.”

Deuteronomiyo 15:19

Mumvahe Yave Mulukwaanyu khula napunci a ntthaara na mihuwosanyu. Muhivarihe muteko matthaara a imombesanyu naari muhimetthe matthaara a ikhondoolosanyu.