Okhuma 12:41 - Emakhuwa Bible

⁴¹ Nihuku yaakwaniheraaya iyaakha macira maxexe ni miloko miraru, anakhotto ootheene a Yave yaavenya wExipitu.

Okhuma 12:41 Iomraidhean Croise

Epacerero 50:24

Ahinaaye okhwa, Yoseefe aaweerela axunneiye: “Miyo kihanle vakhaani okhwa. Vekhaikhai, Muluku anookhavihereni ni anoovenxeni mweelaponi ela, ooronghakani elapo aamuroromelinghaawe ni nlipelo Abrahaamu, Isaki ni Yakobe.

1 Mamwene 6:1

Vayaakhani ya macira maxexe ni miloko mithannamiraru vahoolo wookhuma aYixrayeli wExipitu, eyaakha yanaaxexe ya olamula wa Salomoni oYixrayeli, mmweerini wanaaveeli wa eyaakha oniitthaniwa Zivi, Salomoni aapacera oteka Empa ya Yave.

2 Nyaha 14:12

Yave ahaawina aKuxe ohoolo wa Asa ni Yuda. aKuxe yaatthawasa,

Icipo 102:13

Munoovenya, mmorelaka ikharari oSiyoni, niwoko yoophiya ehuhu yoomoonihera murimaanyu wooreera; yoophiya ehuhu yootthuneya.

Icipo 114:1

aYixrayeli ekhumaleene wExipitu, ekhapira ya Yakobe ekhumaleenetho eriyari ya muloko wa nuulumo na elapo ekina,

Icipo 136:11

Ti Yoowo aakhumihale aYixrayeli variyariwaya – osivelawawe ompwaherera wa mahuku ootheene,

Okhuma 12:17

Muupuwelele efesta eyo ya epaawu yoohikhalano eferementu, niwoko naari nihuku nenenenno Miyo khaakhuminghaaka anakhottwaanyu wExipitu. Muupuwelele nihuku nno ntoko nlamulo noohimala wa ikhapirasanyu sootheene.

Okhuma 12:51

Nihuku nenenenne Yave aahaakhumiha aYixrayeli wExipitu attharihaka mipatta soohiyanahiyana sa anakhottwaaya.

Okhuma 13:14

Muhoolommo anamwaniinyu yookohani: ‘entaphulela eheeni yeela?,’ vano mwaaleele: ‘Yave onikhuminghe wExipitu, elapo ya okaporo ni ntata nooweraxa.

Okhuma 13:16

Eyo eniyookhaleleni eneneero mmatatanimwanyu ni yoowuupuwelela vayuuciwanyu, weera Yave oonikhumiha wExipitu ni ntatanawe nooweraxa.”

Okhuma 13:3

Vano Moisesi aaheerela muloko: “Muupuwelele nihuku nna nyuwo mwaakhumalaanyu wExipitu, elapo ya okaporwaanyu, niwoko Yave ohookhumihani iwe ni ntatanawe nooweraxa. Muhiceru yooheliwa eferementu.

Okhuma 13:9

Eyo eniyookhaleleni eneneero mmatatanimwanyu ni yoowuupuwelela vayuuciwanyu, weera Nlamulo na Yave nikhale vayanoniwanyu, niwoko Yave ohookhumihani wExipitu ni ntatanawe nooweraxa.

Okhuma 3:10

Vano muroweke. Kinoorumihani wa Farawu* weera mwakhumihewo mulokwaaka aYixrayeli mwExipitu.”

Okhuma 3:8

Tivawo kikhurungwaaka weera kaatapuxe mmatatani mwa awExipitu ni weera kaavenxeke nno kaaronghaka elapo yooreera ni yoowunnuwa, yoosareya ni mukaka ni oravo, eyo tiiyo elapo ya aKanaani, awAmori, aHiti, aPerizi, aHivi ni aYebusi.

Okhuma 6:26

Vano aari Aharoneene yoowo ni Moiseseene yoowo Yave aaweerelansaawe: “Mwaakhumihe aYixrayeli mwExipitu mwaarehereraka muttharihaka okawanyeyawaya.”

Okhuma 6:6

Tivawo: Mwaaleele aYixrayeli: ‘Miyo ti Yave. Kinimootapuxani mwa miteko sooviha sa awExipitu. Miyo kinimootapuxani mpotthani ni kinoowoopolani ni moono woolipa ni miteko sitokotoko sa nthoriho.

Okhuma 7:4

owo kharwa awiiwaani. Vano, kinimwiikaathera Ntatanaka wExipitu ni kinimwaakhumiha anakhottwaaka, mulokwaaka, aYixrayeli ni owera miteko sa nthoriho.

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Levitiku 23:43

weera ikhapirasanyu sisuwele weera Miyo kaahaapakiha aYixrayeli okhala mmikotthani kaakhumihaleene wExipitu. Miyo ti Yave Mulukwaanyu.’”

Habakuki 2:3

Vanonto moonelo oniweereiye mweehuhuni yootthuneya; onghima sa ommaleloni ni ti wa ekhaikhai. Naari opisaka, ngweherere yoowo, niwoko vekhaikhai enoophiya ehuhuwaaya.

Nuumeru 23:22

Muluku onaakhumiha wExipitu; awosa aakhalano ikuru sa enari.

Nuumeru 33:1

Iya ti ihuhu sa mukwaha wa aYixrayeli ekhumelo wExipitu, otthariheleyaka okawanyeyawaya, ehooliwaka ni Moisesi ni Aharoni.

Yohaane 7:8

Murowe ofestani. Miyo va nlelo nkinrowa ofestani eyo, niwoko wa Miyo kheenaaye ophiya ehuhu yootthuneya.”

Miteko 1:7

Owo aaweerela: “Khoontthuneya nyuwo osuwela ehuhu, hata nihuku Atiithi alakenlaaya ni ikurusaya aneenaaya,

Miteko 7:36

Owo aahaakhumiha weiwo, apakaka sootikhiniha ni ineneero wExipitu, mphareiyani yooxeera ni munikareni wa iyaakha miloko mixexe.

Deuteronomiyo 16:1

Muupuwelele mweeri wa Abibi mumpakelaka Yave Mulukwaanyu efesta ya mPaska*, niwoko ohiyu wa mweeri wa Abibi ookhumihalaaweeni wExipitu.

Deuteronomiyo 4:37

Aahookhumihani wExipitu ni owerawawe otokotoko niwoko na waasivelawawe makholowaanyu ni othanlawawe ikhapirasaya.

Yoxuwa 24:5

Vanonto, kaamurumiha Moisesi ni Aharoni kaahasulaka awExipitu ni yeeyo kaapankaaka variyariwaya ni vahoolowaya kaahookhumihasaniwo.

Yoxuwa 5:14

Owo aamwaakhula: “Nkinthalu, kirwiiye ntoko mutokweene a anakhotto a Yave.” Yoxuwa aahuuramihela ekhovaawe vathi munttittimihoni, anamukoha: “Apwiyaaka mutthenga heeni araayano wa murumeiyaaya?”