Okhuma 12:16 - Emakhuwa Bible

¹⁶ Mulattule muthukumano wootteela munihukuni noopacera ni mukina nihuku nanaathanameeli. Muhivareru muteko mahukweene yaawo erehereriweke paahi yooca ya atthu ootheene. Ti yeeyo paahi mutthuniheriwaanyu opaka.

Okhuma 12:16 Iomraidhean Croise

Okhuma 16:23

Owo aahaathalihera: “Nlamulo na Yave ti nna: ‘Omaalo nnikhale nihuku na wiitthuuwa; eSaabadu yootteeliheriwa Yave. Mooxeke ni mwaapeyeke muntthunelaanyu. Muthokororeke enghala mpaka waaxiiye.”

Okhuma 16:29

Muupuwelele weera Yave ohoovahani nihuku na eSaabadu, tivawo nihuku nanaathannamosa Owo onnoovahani sooca sa mahuku meeli. Nihuku na eSaabadu, khula mutthu akhaleke vanipuroniwawe; ahikhale aneera avenye.

Okhuma 16:5

Vano, vanihukuni nanaathannamosa, yiittotteleke ya mahuku meeli weera erehereriwe.”

Okhuma 20:10

mene nihuku nanaathannameeli ti eSaabadu ya Yave Mulukwaanyu. Nihuku nno muhivareru muteko nyuwo, hata anamwaniinyu asilopwana naari asithiyana, hata arumeiyaanyu asilopwana hoye hoye asithiyana, naari axinamaanyu, hata anamarwa ankhala musidadenimwanyu.

Okhuma 34:18

Muupuwelele efesta ya epaawu yoohikhalano eferementu. Muceeke ipaawu soohikhalano eferementu wa mahuku mathannameeli, ntoko koolamulenlaakani. Mpake yeeyo mweehuhuni yoothanliwa, mmweerini wa Abibi, niwoko waari mweereene yoowo mwaakhummaanyu wExipitu.

Yesaya 1:13

Muhiyerere okiruuhela sooveleela soohimuteko. Erubanaanyu ti ya mwiikho wa Miyo. Nyeeri sinyowani, iSaabadu ni mithukumano – nkingwera ovilela iyo soosareya soonanara!

Levitiku 23:21

Nihuku nenenenno mpakeke muthukumano wootteela ni muhivareru muteko. Nna nikhaleke nlamulo noohimala wa ikhapirasanyu sootheene nakhalaru nipuro muneeraanyu mmake.

Levitiku 23:27

Nihuku nanaamuloko na mweeri wanaathannamiili ti nihuku na orehererela wiiwanana ni Yave. Mpakeke muthukumano wootteela, mwiiyevihe ni mumveleelele Yave yooveleela yoorehereriwa vayikho.

Levitiku 23:35

Nihuku noopacera okhaleke muthukumano wootteela; muhivareru muteko.

Nuumeru 28:18

Vanihukuni noopacera na efesta eyo mpake muthukumano wootteela ni muhivareru muteko.

Nuumeru 28:25

Vanihukuni nanaathannameeli, mpake muthukumano wootteela ni muhivareru muteko.

Nuumeru 28:26

Vanihukuni na ohepha wa soowiima soopacera, mwaampakelaka Yave sooveleela sa irooro inyowani mufestani ya isimana, mpake muthukumano wootteela ni muhivareru muteko.

Nuumeru 29:1

Vanihukuni noopacera na mweeri wanaathannamiili, mpake muthukumano wootteela ni muhivareru muteko. Nihuku nno nyuwosa mwiipe mapalapatta.

Nuumeru 29:12

Vanihukuni nanaamuloko ni mathanu na mweeri wanaathannamiili mpake muthukumano wootteela ni muhivareru muteko. Mumpakele efesta Yave mmahukuni mathannameeli.

Yohaane 19:31

Nne naari nihuku nooreherera ni oxaawaya waarowa okhala eSaabadu, nihuku nimoha noottittimiheyaxa. aYuda khayaatthuna weera mittembo sikhale vamittandani eSaabadu. Tivawo, yaamvekenlaaya Pilatu weera aalamulele anakhotto owiintaka nyettosaya ni sivenxiwe mittembo vamittandani.

Deuteronomiyo 16:8

Muceeke ipaawu soohikhalano eferementu wa mahuku mathannamosa, vaheera munihukuni nanaathannameeli muthukumane vamaithoni wa Yave Mulukwaanyu muhivarakaru muteko.