Okhuma 10:21 - Emakhuwa Bible

²¹ Yave aamweerela Moisesi: “Mweemexere matata osulu ni epiphi enoosareya elapo ya wExipitu; epiphi yoohoonaniwa.”

Okhuma 10:21 Iomraidhean Croise

Yobi 5:14

Enaarweela epiphi othana; anaapapela nsuwa nri vamuru ntoko waari ohiyu.

Icipo 105:28

Aarumihela epiphi mweelaponi ni yaakhala, niwoko awosa yaavaanya maswaawe.

Icipo 35:6

Ephirowaaya ekhaleke yoowiilihana ni yootherera, ndyelo a Yave aattharattharaka.

Icipo 78:49

Aahaakuruxela isarasawe sitokotoko, onyoonyiwawawe, othananawawe ni owiittawawe aarumihelaka nakupa a andyelo oophwata.

Okhuma 7:19

Vano, Yave aamweerelatho Moisesi: “Munlamulele Aharoni: ‘Mukuxe ekopwaanyu ni mookolele moonowaanyu mmaahini a wExiptu – mmanyoolokoni, mmipopeni, mmarattani ni mmapuroni moothemwene araayamo maahi weera ethatuwe ephome. Eniikhale ephome mweelaponi yootheene ya wExipitu – mpaka mmikubuni sa itthaabwa ni sa maluku.

Okhuma 9:22

Vano Yave aamweerela Moisesi: “Mweemexere moonowaanyu osulu weera emorele maralala mweelaponi yootheene ya wExipitu – mwaatthuni, mwaaxinamani ni mmapoondani ootheene a wExipitu.

Masu a Miruku 4:19

Vaheera ephiro ya atakhali eri ntoko epiphi yootepaxa; mpaka awosa khaansuwela yeeyo enaakwattula.

Namalaleiya 2:14

Mutthu a miruku ookhalano maitho anoona, vaheera mulolo oneetta mpiphini; wa soothesene, kaahoona weera ooweeli arino ommaleloni omoharu.

Namalaleiya 6:4

Owo omvirela weiwo, analakaseera mpiphini, ni mmo nsinanawe nnimwiipithiheya.

Ezekiyeli 32:7

Koophwatakani, kinookuttelela erimu kirimiheke ithenyeeri; kinookuttelela nsuwa ni nihutte, ni mweeri khawaara.

Matheyo 27:45

Yaakhala epiphi mweelaponi yootheene wa iwoora tthaaru okhuma nsuwa vamuru.

Marku 15:33

Okhuma nsuwa vamuru yaakhala epiphi mweelaponi yootheene wookwana iwoora tthaaru.

Luuka 23:44

Yaari wookwanaka ewoora ya ophiya nsuwa vamuru, ni epiphi yaakhuneela elapo ya vathi yootheene wa iwoora tthaaru.

Deuteronomiyo 1:30

Yave Mulukwaanyu onrowa ohoolowanyu onimoowanelasani nyuwo moonaka ntoko aapankaawe wExipitu.

Deuteronomiyo 28:29

Nyuwo mmweereke waapapela mukhwipi othana eriyari, ntoko oohoona areene mpiphini. Khasiweettelani nnene sootheene muneeraanyu mpake. Khula nihuku mmweereke ohooxiwa ni wiiyeriwa ahikhalaka oowootapuxani.

Deuteronomiyo 4:34

Khoowowo muluku mukina olakenle okhumiha muloko mmoha variyari wa mukina weera okhale wawawe ovarelaka muteko woota murima, ineneero sootikhiniheya, owana, ntata nooweraxa, moono woolipa ni miteko sitokotoko ni sooweraxa. Itthu sootheene iye oopakenlaaweni Yave Mulukwaanyu wExipitu, ntoko moonnaanyu ni maithwaanyu!

2 Pedru 2:17

Atthu awo ari anaattuuttu oohikhalano maahi, etthapwe yeettihiwe ni ettheku. Oriipa wa epiphi onimwaaweherera.

2 Pedru 2:4

Vano, Muluku khaawuurenle andyelo yaatthenkaaya, mene aahaavonyera mmooroni aahiyaka ootthukiweene mpiphini mpaka nihuku na othorihiwa.

Yuda 1:13

Ari mitekuteku sa owali sa mphareiyani, sikhumihaka nipheru na mitekosaya soowuuliha muru; ithenyeeri sithweelenle, mwa yaawo aathokororeliwa epiphi etokotokoxa yoohimala.

Yuda 1:6

Apwiya ahaatthuka mpiphini ni onyooro woohimala wa othorihiwa wa nihuku ntokweene andyelo yahaakosoompe mikhalelosaya sa ikuru, mene yaahiya nipuronaya.

Ethupululo 8:12

Ndyelo anaaxexe aahiipa nipalapattanawe, ni mpatta wanaararu wa nsuwa, wa mweeri, ni wa ithenyeeri waamaniwa, moota wooweera mpatta wanaararuwaaya waariipa ni mpatta wanaararu wa othana ni wa ohiyu khawaanre.