Obadiya 1:21 - Emakhuwa Bible

²¹ Yaale yoopongwe anoowela vamwaako wa oSiyoni weera elamule nyaako sa Esawu. Ni omwene onuukhale wa Yave.

Obadiya 1:21 Iomraidhean Croise

Epacerero 25:23

Yave aamweerela: “Miloko miili sa atthu siri mmirimanimwanyu. Miloko miili sa atthu sinookhuma murukulunimwanyu. Mmoha wa seiyo onuukhale woolipaxa, mene mutokweene anamurumeele mukhaani.”

2 Mamwene 13:5

Yave aahaavaha aYixrayeli namatapuxa ni awo yaahoopoliwa yaalamuliwaaya ni awArami. Hiiho aYixrayeli yaakhala mmawannyaya ntoko yaakhalelaaya.

Nehemiya 9:27

Tivawo mwaawinnyerenraanyu mmatatani mwa amwiittanaaya weera ehooxiwe. Vano ehooxiwakaru, yaahookhuwelelani Nyuwo. Mwaawiiwa muri wiirimu ni ikhararisanyu sitokotoko munaavahasa anamatapuxa, mwa yaawo yaatapunxe mmatatani mwa amwiittanaaya.

Icipo 102:15

Miloko sootheene sinimoova Nsina na Yave; mamwene ootheene a elapo anoottittimiha ovuwawanyu.

Icipo 22:28

niwoko omwene ti wa Yave ni Owo onlamula miloko sootheene.

Icipo 22:29

Anamapuha ootheene a mulaponi animooca ni anoottottopela. Ootheene eneera ehokoleele muntthupini anoomukokhorela – yaawo avithingwe.

Icipo 47:7

Eenre Muluku akhala Mwene a elapo yootheene; mmwiipele ecipo yootthapela.

Icipo 67:4

Miloko sihakalaleke ni siipeke ni ohakalala, niwoko Nyuwo munlamula miloko moota wa ekhaikhai ni munghoolela miloko sa elapo ya vathi. Sela*

Yesaya 19:20

Eyo eniikhale eneneero ni namoona wa Yave a ikuru sootheene mweelaponi ya wExipitu. Awosa yaamukhuwelelaka Yave niwoko na anamahasulaaya, Owo onimwaarumihela Mvuluxa ni Namwaakiha ni Owo onoowoopola.

Yesaya 24:23

Mweeri onooyeviheya ni nsuwa nnimuulihiheya muru niwoko Yave a ikuru sootheene onoolamula vamwaako Siyoni ni oYerusaleemu – oovuwihiweene vamaithoni wa asitokweenaawe.

Daniyeli 12:3

Yaawosa ari a miruku animwaara ntoko waaraxa wa wiirimu ni yaawo angweettiha ancipale weera yaakhuleliwe ni Muluku, anooceremela ntoko ithenyeeri wa mahuku ootheene.

Daniyeli 2:35

Vano eyuuma, oloko, ebronze*, eparatha* ni eyuuma yoorikaxa saanyaanyiwa sinakhala ntthupi ntoko makamba vanipuroni nimveeriwa* etrigu ehuhu ya elimwe. Epheyo yaavaviha seiyo sihihiyaka eneneero ya okhalawaya. Vaheera nluku naaswannye ecaambulo naathatuwa mwaako woorakamelaxa osulu ni waasareya elapo ya vathi yootheene.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Zakariya 14:9

Yave onookhala Mwene a elapo ya vathi yootheene. Vanihukuni nenenenno onookhala Yave mmoha ni Nsinanawe nimoharu paahi.

Matheyo 6:10

omwenaanyu orwe; otthunawanyu opakiwe vathi va, hiiho ntoko wiirimu.

Matheyo 6:13

Muhinihiye nivolowaka ngweereriwani, mene munivuluxe mwa soonanara.’

Luuka 22:30

weera muceeke ni muwureke vameesaniwaka mureene moomwenenimwaka ni weera mukilaathi muhiceni, muthorihaka ipuumba* muloko ni piili sa aYixrayeli.

1 Timootheyo 4:16

Othokorore nnenesene mweettelowaawo ni nihusihonawo, opwahereraka ovilela mwa itthusene seiyo, niwoko opakaka yeeyo, onoovuluxiwa weyo mwaneenaawo ni yaawo angwiiwa.

Yakobe 5:20

muupuwelele yeeyo: Yoowo onimurukunxiha murima namattheka weera ahiye ephirowaawe ya yoottheka, anaavuluxe okumi wa mutthu owo, ni anaawere elevelelo ya soottheka sincipale.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 19:6

Kaahiiwa etthu yoolikana ni onyakula wa atthu ancipale, yoolikana ni oruma wa maahi mancipale ni itari sitokotoko, ekhuwelaka: “Haleluya*, niwoko Apwiya Mulukwaahu a ikuru sootheene anlamula.

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.

Ahooleli 2:16

Vano Yave aahaakhaliha ahooleli, mwa yaawo yaatapunxe mmatatani mwa yaale yaawanano.

Ahooleli 3:9

Vaheera, emwiitthanakaru Yave, Owo aahaakhalihera namatapuxa mmoha iitthaniwa Oteniyeli, mwaana mulopwana a Kenazi, munneiye mukhaani Kalebi, ni owo aahaatapuxa.