Obadiya 1:17 - Emakhuwa Bible

¹⁷ Vaheera vamwaako Siyoni onuukhale woopowa; mwaako ole onuukhale wootteela ni ekhapira ya Yakobe enookhalano yoohiyeriwaaya.

Obadiya 1:17 Iomraidhean Croise

Icipo 69:35

niwoko Yave onoovuluxa oSiyoni, onoorasela isidade sa oYuda. Vahoolowaya mulokwaawe onimwiitekihawo okuxaka elapo.

Yesaya 1:27

oSiyoni onoovuluxeya mweekhaikhaiyini ni yaale oorukunxa murima ni oororomeleya.

Yesaya 4:2

Vanihukuni nenenenno ephandi ya Yave eniikhale yooreeraxa ni yoovuwaxa ni soowiima sa elapo nsikhale ovuwa ni nttittimiho na yaawo eniihalahale oYixrayeli.

Yesaya 46:13

Kinkhuveeliha ororomeleyawaka; khoonkhala ottaiwene; ni ovuluxawaka khawooceelihiwa. Kinoovaha oSiyoni ovuluxa ni waarawaka wa oYixrayeli.”

Yesaya 60:21

Vanonto mulokwaanyu wootheene onookhala woororomeleya ni onookuxa elapo wa mahuku ootheene. Awosa ti niphuwa kiphatteiyaaka, muteko wa matataaka ntoko eyoonihero ya ovuwawaka.

Yesaya 65:9

Kinimwaaruuha akina a ekhapira ya Yakobe ni ya Yuda weera ekuxe nyaakosaka; mulokwaaka woothanliwa onimwaakhela ntoko yoohiyeriwa ni arumeiyaaka anookhalawo.

Yeremiya 31:23

Yave a ikuru sootheene, Muluku a oYixrayeli oneera ha: “Miyo kaahokoloxaka wootthukiwani, muloko wa oYuda ni mittetthesaya onimweeratho: ‘Ii! Wookhala woororomeleya, ii! Mwaako wootteela – Yave ooreeliheni.’

Yeremiya 44:14

Khawoworu a ahalahanle a oYuda orongwe okhala wExipitu anoopowe hoye hoye anookhowe weera ahokoleele mulaponi ya oYuda, mwa weiwo anghaawelaaya ohokoleela ni okhalawo; khawoworu anaahokolowe, ehikhanle paahi vakhaani a anamatthawa.”

Yeremiya 44:28

Eniyoopowe ni ekatana ni eniihokolowe wExipitu erowaka elapo ya oYuda khayaatta. Vano ahalahanle ootheene a oYuda arwiiye okhala wExipitu anoosuwela masu a yoole ompwaherera – awaka hoye hoye awayasa.

Yeremiya 46:28

Ii! Murumeiyaaka Yakobe, muhoove! Miyo kiri ni nyuwo,” onghima Yave. “Kinoophwata woomalela miloko sootheene eriyari ya seiyo koomwaraxenlaakani; vaheera wa nyuwo nkoophwatani woomalela. Miyo kinimoolakani ntoko mumphwanelaanyu; nkookhalelaxani oxilili.”

Ezekiyeli 36:12

Nyuwosa mulokwaaka wa oYixrayeli, kinoopakiha weera muhokoleeletho mulaponimwanyu, weera mwakhalemotho. Elapo eyo enookhalatho yawinyu ni khangwiiyeratho anamwanaaya.

Ezekiyeli 7:16

Ootheene eneera ehale ni eneera yoopowe, anookhala mmanyaakoni yiipulelaka ntoko ikhunda sireene mmareyareyani, khula mutthu niwoko na yootakhalaawe.

Daniyeli 7:18

Vaheera ootteela a Muluku a Musulusulu animwaakhela omwene ni anookuxa yoowo wa mahuku ootheene – aani, wa mahuku ootheene.’

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Yoweli 3:5

Mookiiyera iyuumasaka soorikaxa ni iparathasaka, munarongha mpaani mwa milukusanyu mihakhusaka sootthuneyaxa.

Amosi 9:8

Woohihovela Yave a ikuru sootheene ongwehexexa omwene ola wootthekeya. Miyo kinoohonona mulaponi, mene nkiphwata woomalela ekhapira ya Yakobe,” onghima Yave.

Zakariya 8:12

Onimwaattaxa mmiso ni imatta sa iwuuva* sinooruwera soowiimasaya, etthaya enooruwera soohephasaya ni erimu enimwiimiha nikame. Kinimwaavaha itthu sootheene iya yaawo ahalahanle a muloko ola.

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.