Obadiya 1:10 - Emakhuwa Bible

¹⁰ “Munimuulihiheya muru niwoko na nipuhero na omwiiva munninyu Yakobe; munoophwatiwa woomalela.

Obadiya 1:10 Iomraidhean Croise

Epacerero 27:11

Yakobetho aaweerela amayawe: “Moone, amunnaka Esawu ti mulopwana a mapururu, mene miyo nkinono.

Epacerero 27:41

Esawu aamunyoonyeriwa munneiye Yakobe mwaha wa mareelihoweene yaale atithawe yaamureelinghaaya. Vano Esawu aahiixeerela: “Annikhuveela mahuku a olalamikela okhwa wa atiithi ni vahoolowaya nkimwiive munnaka Yakobe.”

2 Nyaha 28:17

awEdomi yaahokoleelatho owana oYuda yaavaraka atthu,

Icipo 109:29

Anamootheraaka waasareye wuulihiheya muru; ekhuneeliweno ntoko mukaandyo.

Icipo 132:18

Kinimwaawariha amwiittanaawe sa wuulihiwa muru, vaheera ecireemba vamuruwawe eniikhale yoowaaraxa.”

Icipo 137:7

Ii! Yave muupuwelele yeeyo awEdomi yaapankaaya nihuku nenenenne Yerusaleemu aawiniwaawe. Awosa yaakhuwela: “Mumphwate! Muphwate moota woomalela!”

Icipo 69:7

Vano kooramusiwa niwoko na Nyuwo ni ekhovaaka yoosareya wuuliwa muru.

Icipo 89:45

Moovukula mahuku a emirawaawe moomukhuneelano mukaandyo woowuuliheya muru.

Masu a Miruku 10:6

Mareeliho ti ecireemba mmuru mwa oororomeleya, vaheera masu a atakhali aniipithiha nipuhero.

Masu a Miruku 17:5

Yoowo onaatheya oohaawa onoonihera ohimoonelamo Mpattuxaawe; yoowo onghakalalela erisa khakhala oohittaruxiwa.

Yeremiya 12:14

Yave oneera ha mwaha wa amwaattamanaaka ootheene, miloko sootakhala sinaakamela yoohiyeriwa kaavanghaaka aYixrayeli mulokwaaka: “Kinoowaakha mweelaponimwaya ni kinoovenxa oYuda eriyaraaya.

Yeremiya 3:25

Niixaatalele oowuulihiheyeene muru ni omora ekhove onikhuneele. Noomutthekela Yave Mulukwaahu – hiyo nitho makholowaahu; okhuma enamwanaahu mpaka olelo khanimwiiwelenle Yave Mulukwaahu.”

Yeremiya 49:13

Miyo kiniilipela muneenaaka,“ onghima Yave, “weera Bozera onookhala mathala oohimakiwa; owo onoothatuwa eneneero ya munyakunyaku, otthebwiwa ni nlapho, ni isidadesawe sootheene sinookhala mathala oohimala.”

Yeremiya 51:51

Nyuwosa mmweere: “Nohuulihiheya muru niwoko nooruwaniwa ni wuuliheya muru woosareya mukhovenimwahu, yeenre anamarwa ephutula mmapuroni ootteela a Empa ya Yave.

Icipo Soolalamika 4:21

Muhakalale, mwaana muthiyana a Edomi, munkhala mulaponi ya wUzi. Vaheera munoowuratho ekoomixi yoowaawa ya nttaruxo eneera yoohapaliheni yoohiyakani pwitipwiti.

Icipo Soolalamika 4:22

Ii! Esidade ya oSiyoni, nttaruxonanyu nnoomala; Yave khapwahereriha oroihiwawanyu wootthukiwani. Vaheera, ii! Nyuwo mwaana muthiyana a Edomi, Owo onoottaruxa yootthekaanyu ni onimoonihera yootakhalaanyu.

Ezekiyeli 35:9

Kimmoophwatani wa mahuku ootheene; isidadesanyu khasimakeyaru. Hiiho, nyuwo munoosuwela weera Miyo ti Yave.

Ezekiyeli 7:18

Awosa eniyiikhuneele ikuwo soolalamikano ni eniiwarele ikuwo sootteengula. Ikhovesaya sinimuulihiheyaxa muru, ni mayihaaya eniimetthiwe.

Yoweli 3:19

Wa soothesene, wExipitu onuuheleye nthala ni wEdomi nnipakeye nikare noowuumelela, niwoko na mapuhero yaapakenlaaya atthu a oYuda, mwa weiwo yaawiivalaayawo atthu oohinthowa.

Amosi 1:11

Yave oneera ha: “Niwoko na sootakhala sincipale seereiye wEdomi, nkirwa kihiya ottaruxa. Vano owo oomuttharatthara munneiye, ni ohooceeliha ikharari, amunyoonyeraxiwaka ni apwahererihaka isarasawe.

Mikeyasi 7:10

Vano mwiittanaaka anoone yeeyo uulihiheyaxeke muru, yoole aakeerenle: “Ori woowi Yave, Mulukwaanyu?” Maithwaaka animoona omorawawe; owo onoonyikalasiwa ntoko nttoko na munseweni.

Deuteronomiyo 23:7

Muhimuthanye ngwEdomi, niwoko ti munninyu. Muhimuthanyetho ngwExipitu, niwoko mwaari anamarwa mweelaponimwawe.

Deuteronomiyo 23:8

Anamwane a ekhapiwaraaya yanaararu evoloweke mmuthukumanoni mwa Yave.