Nuumeru 8:12 - Emakhuwa Bible

¹² aLeevi yiikaathenreene matata mmuru mwa aximombe, nyuwo mumveleeleke mwaamombe mmoha ntoko yoomveleelela yoottheka ni mukinoowo ntoko yoomveleelela yoohisa weera aareherereleke wiiwanana ni Yave aLeevi.

Nuumeru 8:12 Iomraidhean Croise

Okhuma 29:10

Munruuhe mwaamombe ohoolo wa Eheema ya Muthukumano*. Aharoni ni anamwanaawe asilopwana emwiikaathere matata vamuruwawe.

Levitiku 1:4

Owo iikaathiki ntatanawe vamuru wa mwaamunama a yooveleela yoohisa, ni eyo enimwaakhuleliwa ntoko yoorehererela wiiwanana ni Yave.

Levitiku 14:22

ni aximasiya meeli hoye hoye makhinda meeli ntoko ongwerelaawe – nimoha wa yooveleelela yoottheka ni nikina wa yooveleela yoohisa.

Levitiku 16:11

Aharoni amuruuheke mwaamombe ntoko yooveleelela sootthekasawe weera iirehererele yoowo ni emusaawe wiiwanana ni Yave ni owo amwiiveke ntoko yooveleelela yootthekaawe.

Levitiku 16:21

Owo iikaathereke matataawe oomeeli mmuru mwa napunci mukumi, alapeke sootakhala sootheene ni ovaanya wootheene wa aYixrayeli – sootthekasaya sootheene – ni iikaathiki seiyo mmuru mwa napunci. Vahoolowaya amurumiheleke napunci munikareni awehawehiwaka ni mulopwana othanleliwe yeeyo.

Levitiku 16:6

Aharoni amwiiveke mwaamombe ntoko yooveleelela sootthekasawe iirehererelaka owo ni emusaawe wiiwanana ni Yave.

Levitiku 4:15

Asitokweene a mulokweene yoowo yiikaathiki matata vamuru wa emombe vamaithoni wa Yave, ni emombe yiiviweke ohoolo wa Yave.

Levitiku 4:20

apakelaka emombe mooteene yoowo aapakenlaaweno emombe ya yooveleelela yoottheka. Moota hiiho musaserdoti* onoorehererela wiiwanana ni Yave, ni owo onooleveleliwa.

Levitiku 4:35

Owo avenxeke makhura ootheene a eputtiputthi ya yooveleelela murettele. Vanonto musaserdoti* ahiseke seiyo valtaarini* vasulu wa soomveleelela Yave soorehereriwa vayikho. Moota hiiho musaserdoti* onoomurehererela wiiwanana ni Yave, ni mulopwana owo onooleveleliwa.

Levitiku 4:4

Owo amuroihele Yave emombe vamulako wa Eheema ya Muthukumano*. Owo iikaathiki ntata vamuru wa emombe eneera yiiviwe vamaithoni wa Yave.

Levitiku 5:7

Owo aahikhalano meerelo a yooveleela ya eputtiputthi, amuruuheleke Yave aximasiya meeli hoye hoye makhinda meeli ntoko yooveleelela yoottheka – nimoha wa yooveleelela yoottheka ni nikina nno wa yooveleela yoohisa.

Levitiku 8:14

Woottharelana aamuruuha mwaamombe wa yooveleelela yoottheka, ni Aharoni vamoha ni anamwane asilopwana yaahiikaathera matata vamuru wa mwaamombe ole.

Levitiku 8:15

Moisesi aamuhita mwaamombe, anaxuweya ekatha mphomeni, anahinga manyaka ootheene a altaari* weera aatteelihe. Ephome yaahanle eyo ayeehera vathi wa altaari*. Hiiho ahaarehererela wiiwanana ni Yave.

Levitiku 8:18

Vahoolowaya Moisesi aalamulela oruuhiwa napunci a yooveleela yoohisa, ni Aharoni vamoha ni anamwane asilopwana yaahiikaathera matata vamuruwawe.

Levitiku 8:34

Yeeyo epakeiye olelo elamuleliwe ni Yave weera yooreherereleni wiiwanana ni Yoowo.

Levitiku 9:7

Moisesi aamweerela Aharoni: “Murweeke valtaarini*, mwapakele yooveleelelaanyu yoottheka ni yooveleelaanyu yoohisa, mwiirehererele wiiwanana ni Yave, mwareherereletho muloko; mwapakele yooveleela muloko ni mwarehererele wiiwanana ni Yave, ntoko Owo aamulamulenlaawe Moisesi.”

Nuumeru 6:14

Vano amuruuhelekewo Yave yooveleelaawe: Eputtiputthi elopwana ya eyaakha emoha ni yoohirakala ntoko yooveleela yoohisa, eputtiputthi ethiyana ya eyaakha emoha ni yoohirakala ntoko yooveleelela yoottheka, napunci oohirakala ntoko yooveleelela murettele,

Nuumeru 6:16

Musaserdoti* amuruuheleke Yave ni apakeke yooveleelela yoottheka ni yoohisa.

Nuumeru 8:13

Ngwiikaathi aLeevi ohoolo wa Aharoni ni wa anamwanaawe asilopwana ngwooniheraka ntoko yooveleela yoowiinainiheriwa Yave.

Nuumeru 8:8

Woottharelana awosa emuruuheke mwaamombe ni sooveleela sa irooro sa ephepa yooreerela yooweetheeliwa makhura, ni nyuwo munruuheke mwaamombe anaaveeli ntoko yooveleelela yoottheka.

aHeberi 9:22

Mwa yeeyo, nlamulo ninnyesereriha weera itthu sootheene sitteelihiwe ni ephome, ni ohikhanle ovuuviha wa ephome, kheewowo elevelelo.