Nuumeru 5:27 - Emakhuwa Bible

²⁷ Muthiyana owo avaliheya, akhalaka oohiroromeleya wa iyawe, musaserdoti* angwurihaleene maahi anruuha nlapho, maahi awo anoovolowa mweerutthunimwawe ni anoomutannyera ohaawaxa; erukulwaawe enoosara ni owo khaweraru oyara; onoothatuwa oolaphiwa eriyari ya mulokwaawe.

Nuumeru 5:27 Iomraidhean Croise

Icipo 109:18

Aawara nlapho ntoko ekuwo; nlapho nno noovolowa mweerutthunimwawe ntoko maahi, mmakhuvani ntoko makhura.

Namalaleiya 7:26

Kohoonelela weera yootepaxa owaawa opwaha okhwa ti muthiyaya ori muraakho, mwa yoowo murimaawe ti ntapha ni matataawe ti onyooro. Vano mulopwana onimusiveliha Muluku, onimoopowa mwa yoowo, vaheera namattheka onoovariwa ni yoowo.

Yesaya 65:15

Munimwaahiyera oothanliwaaka nsinananyu ntoko nlapho; Yave onlamula sootheene onoowiivasani, mene onimwaavaha arumeiyaawe nsina nikina.

Yeremiya 24:9

Miyo kinimwaatatuxa etthu yoowoopopihera ni ya mwiikho wa omwene wootheene wa mulaponi. Khula nipuro kineeraaka kiwoomolele, anoothanliwa, anootthebwiwa, animuulihiwa muru ni anoolaphiwa.

Yeremiya 29:18

Miyo kinimwaattharelela ni ekhotto, etala ni nihooxo; kinimwaapaka moopopihero wa imwene sootheene sa mulaponi, nlapho, ethoonyero, otthebwa ni munyakunyaku eriyari ya miloko sootheene mwa weiwo Miyo kaamwaraxenlaaka.

Yeremiya 29:22

Mwaha wa yeeyo, anamatthukiwa ootheene a oYuda ari oBabiloniya anoovarela muteko nlapho nna: ‘Yave oopakeleni ntoko aampakenlaawe Zedekiya ni Ahabi, mwa yaawo mwene a oBabiloniya aahinsaawe ereene nlelo ni okumi.’

Yeremiya 42:18

Yave a ikuru sootheene, Muluku a oYixrayeli oneera ha: ‘Mooteene yoowo onyoonyiwawaka oyeeheriwaaya oYerusaleemu, isarasakatho munooyeeheriwa nyuwosa, mwaarowaka wExipitu. Nyuwosa munookhala eneneero ya nlapho ni moopopihero, woonyooserano ni otthebwiwa. Nyuwosa khamoonatho nipuro nna.’

Yeremiya 44:12

Kinoomvenxa oohalahala a oYuda, aalakenle orowa okhala wExipitu. Ootheene awosa anookhwela wExipitu; animwiiviwa ni ekatana hoye hoye etala. Okhuma mukhaani mpaka mutokweene, animwiiviwa ni ekatana hoye hoye etala. Awosa anoothatuwa eneneero ya nlapho ni moopopihero, onyoosiwa ni otthebwiwa.

Zakariya 8:13

Ii! Yuda ni Yixrayeli, mooteene yoowo mwaalaphiwaanyu variyari wa miloko, hiihotho Miyo kinimoovuluxani ni munookhala nreeliho. Muhoove ni mukhale toko oolipeene.’

Nuumeru 5:20

Vaheera, mwaahiroromeleiye mutheliweene ni mwiivalingheene woomukonano mulopwana ohoothenleni,…”

Nuumeru 5:28

Wa soothesene, muthiyana aahivaliheya, anakhala ootteeleene, khahaawa nttaruxo ni onoowera oyara.

aRooma 6:21

Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa!

2 aKorinto 2:16

Wa oopacera, nri wunkhela wa okumi, wa anaaveeli, wunkha wookhwa. Vano, taani owenre yeeyo?

Deuteronomiyo 28:37

Mmwikhale oottiyeya iphumu, ootthebwiwa ni ootheiwa wa miloko sootheene weiwo aneerawe oorongheni Yave.

2 Pedru 2:10

wootepaxa yaale antthara soohaawela soonanara sa erutthu ni anramusa ikuru. Ereene oowuuma murima ni oowiixoona, atthweene yaawo khaanoova oveiha ikhalelo sa wiirimu.