Nuumeru 31:6 - Emakhuwa Bible

⁶ Moisesi aahaarumihasa okhottoni asilopwana macira muloko a khula epuumba, vamoha ni Pinehasi, mwaana mulopwana a musaserdoti* Eleyazari, aakuxale ikaruma sa Nipuro Nootteela* ni mapalapatta oowiipa okhottoni.

Nuumeru 31:6 Iomraidhean Croise

2 Samuweli 11:11

Uriya aamwaakhula: “Arka* ni asilopwana a oYixrayeli ni oYuda aniitthuuwa muheemani ni pwiiyaaka Yowabe ni anakhotto a pwiiyaaka akonelanse vattendereni. Vekhaikhai nkingwera orowa owaani weera kace, kawure ni kamukoneno mwaaraka! Kinlipela mwa okumaanyu weera nkipaka siiyeeyo!”

Ezera 7:5

mwaana mulopwana a Abixuwa, mwaana mulopwana a Pinehasi, mwaana mulopwana a Eleyazari, mwaana mulopwana a Aharoni, Musaserdoti* mutokweene.

Okhuma 25:9

Mwateke etabernaakulu* vamoha ni itthusaya sootheene muttharaka nnenesene ekhalelo kineeraaka kiwoonihereni.

Nuumeru 14:44

Waarookhalaru hiiho, awosa yaawela moovaanyanimwaya vasulu wa elapo ya nyaako, mene okhuma Moisesi mpaka Arka* a wiiraana a Yave yaahanle waakonelingwe.

Nuumeru 31:5

Asilopwana 12 000 oolikaneene orowa okhottoni, macira muloko wa khula epuumba, yaarumihiwa mmahimoni a aYixrayeli.

Deuteronomiyo 20:2

Nyuwosa yaaphiyeraka ehuhu yoowana, musaserdoti* aroweke ohoolo wa anakhotto ni aweereleke:

Yoxuwa 22:13

aYixrayeli yaamurumiha Pinehasi, mwaana mulopwana a musaserdoti* Eleyazari, mweelaponi ya oGiliyade, wa aRubeni, aGadi ni eriyari ya epuumba ya Manaxe.

1 Samuweli 14:18

Vanonto Sawuli aamweerela Abiya: “Mukiruuhele Arka* a Muluku.” (Ehuhuweene yeele Arka* yaari ni aYixrayeli.)

1 Samuweli 23:9

Iiwakaru Davide weera Sawuli ohiireherera ongwanano, aamweerela musaserdoti*, Abiyatari: “Mukiruuhele mooxikootti a esaseredoti.”

1 Samuweli 4:17

Namutthenga ole aamwaakhula: “aYixrayeli ahaatthawa aFilisti ni anakhotto ancipale ahookhwa. Mpaka anamwaniinyu eeli, Hofeni ni Pinehasi ahookhwa ni Arka* a Muluku aakuxiwa.”