Nuumeru 28:7 - Emakhuwa Bible

⁷ Vano eliitru* emoha ya soowura yooheliwa eferementu evareliweke muteko vamoha ni khula eputtiputthi. Yoomveleelela Yave yooveleela yoowura vaNipuroni Nootteela*.

Nuumeru 28:7 Iomraidhean Croise

Okhuma 29:40

Vano ni yooveleela yoopacera, mveleeletho ikiilu* piili sa ephepa ya etrigu yooreeraxa yoowootoweleliwa eliitru* emoha ya makhura a sooliveira* ni eliitru* emoha ya eviinyu ntoko yooveleela yoomiineliwa.

Okhuma 29:42

Khula ekhapira epake yooveleela yoohisa ela khula nihuku vamulako wa Eheema ya Muthukumano* ohoolo wa Yave. Nipuro nno kinimoophwanyasani ni kinimuuluma ni nyuwo.

Okhuma 30:9

Muhiveleele valtaareene yaala wakhalaru moota mukina wa erubani*, hoye hoye sooveleela soohisa, naari sooveleela sa etrigu ni muhimiinelewo sooveleela sa soowura.

Yesaya 57:6

Miluku variyari wa maluku oovilikeya a maxaapwa ti mpattaanyu; muniithukumanyiha ni seiyo. Aani, munlapa seiyo ni sooveleela soowura ni sa etrigu. Vano, Miyo kinoowera ohakalalela yeeyo?

Yoweli 1:13

Ngware isaakho, nyuwosa asaserdoti* ni mulalamike nyuwosa munrumeela ohoolo wa altaari*. Murwe, mvirihe ohiyu ngwanreene isaakho, nyuwosa munrumeela vamaithoni wa Mulukwaaka, niwoko sooveleela sa etrigu ni soowura soorakamelihiwa Mpaani mwa Mulukwaanyu.

Yoweli 1:9

Khasiwowotho sooveleela sa etrigu naari soowura Mpaani mwa Yave. Asaserdoti*, anrumeelamo vamaithoni wa Yave ammwiinanela.

Yoweli 2:14

Apaale Owo onooceendya olakelawawe aruuhaka nreeliho ohikhanle nihooxo. Hiiho nyuwo munoowera ompakelatho Yave Mulukwaanyu sooveleela sa etrigu ni soowura.

Levitiku 1:9

Marupo ni nyetto sirapihiweke toko, ni musaserdoti* ahiseke sootheene iyo valtaarini*. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave.

Levitiku 23:13

Mumveleeleletho Yave yooveleela ya irooro ya ikiilu* ixexe ya ephepa yooreerela yooweetheeliwa makhura yoorehereriwa vayikho, yoowunkhela yooreeraxa nitho yooveleela yoowura ya eliitru* emoha ya eviinyu.

Nuumeru 15:10

Muruuhetho iliitru* piili sa eviinyu wa yooveleela yoowura. Eyo eniikhale yooveleela erehereriwe vayikho, yooveleela yoowunkhelaxa enimusiveliha Yave.

Nuumeru 15:5

Wa khula eputtiputthi ya yooveleela yoohisa hoye hoye yooveleela, mureherere yooveleela ya eliitru* emoha ya eviinyu ntoko yooveleela yoowura.

Nuumeru 15:7

nitho eliitru* emoha ya eviinyu ntoko yooveleela yoowura. Mveleele ntoko yoowunkhela yoomusiveliha Yave.

Nuumeru 28:14

Wa khula mwaamombe ekhaleke yooveleela yoowura ya iliitru* piili, eliitru* ni nttikha wa khula napunci a ikhondoolo ni eliitru* emoha wa khula eputtiputthi. Ela ti yooveleela yoohisa eneeneene ya nihuku noopacera na khula mweeri munyowani, wa eyaakha yootheene.

Nuumeru 28:31

Sootheene iyo mureherere vamoha ni yooveleela yoowura, ohiya sooveleela soohisa sa khula nihuku ni sooveleelasaya sa irooro. Mwaawehaweheke toko axinama weera ehikhale oorakala.

Nuumeru 28:6

Ela ti yooveleela yoohisa ya khula nihuku, epacerihiwe omwaako Sinayi ntoko yoowunkhela yoosiveliha, yoomveleelela Yave ni yoorehereriwa vayikho.

Nuumeru 28:8

Mveleele eputtiputthi yanaaveeli oxekuwa, vamoha ni mooteene yoowo wa yooveleela ya irooro ni yoowura munrehereraanyu oxeexelo. Ti yooveleela yoorehereriwa vayikho, yoowunkhela yoomusivelha Yave.

aFilipi 2:17

Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.