Nuumeru 28:28 - Emakhuwa Bible

²⁸ Wa khula mwaamombe ekhaleke yooveleela ya irooro ya iliitru* ithannamosa ni nttikha sa ephepa ya etrigu yooreerela yooweetheeliwa makhura; wa napunci a ikhondoolo iliitru* ixexe;

Nuumeru 28:28 Iomraidhean Croise

2 Nyaha 23:18

Yehoyada aahaavaha asaserdoti* aLeevi miteko sa Mpaani mwa Muluku, mwa yaawosa Davide aavanghaawe miteko Mpaani mwa Muluku. Mitekosaya saari ompakela Yave sooveleela soohisa, ntoko elempwalaaya munlamuloni na Moisesi, etthapaka ni yiipaka, ntoko Davide aalamulenlaawe.

2 Nyaha 31:3

Mwene aacaanga sooreelasawe wa sooveleela soohisa sa oxeexelo ni oxekuwa, ni wa sooveleela soohisa, wa iSaabadu, wa nyeeri sinyowani ni wa ifesta soothanliwa, ntoko elempwalaaya munlamuloni na Yave.

Ezera 3:2

Vano Yexuwa, mwaana mulopwana a Yozadaki, vamoha ni asaserdoti* akina, ni Zerubabeli, mwaana mulopwana a Xeyaletiyeli ni yaale yaarumeenle ni yoowo, yaapacera waateka altaari* a Muluku a oYixrayeli weera yapakemo sooveleela soohisa ettharihaka yeeyo elempwale munlamunoni na Moisesi, mulopwana a Muluku.

Yeremiya 48:35

oMowabe kinimwaamalamaliha yaale ampakela sooveleela mwaaltaarini a miluku sikina ni anghisera erubani* milukusaya,” onghima Yave.

Ezekiyeli 45:17

Ekhaleke yootthuneya ya mwaana a mwene ovaha sooveleela soohisa, sooveleela sa irooro ni sooveleela soowura mufestani, nyeeri sinyowani ni muSaabaduni, aani mufestani soothanliwa sootheene sa muloko wa oYixrayeli. Owo avaheke sooveleelela yoottheka, sa irooro, soohisa ni sa murettele weera oreherereliwe wiiwanana ni Muluku weereliwaka muloko wa oYixrayeli.’”

Levitiku 14:10

Vanihukuni nanaathannamararu aruuheke iputtiputthi ilopwana piili ni yoothiyana emoha ya eyaakha emoha ni soohirakala vamoha ni iliitru* ithannamosa ni nttikha sa ephepa ya etrigu yooreerela yooweetheeliwa makhura ntoko yooveleela ya irooro nitho nttikha na eliitru* emoha ya makhura.

Nuumeru 28:27

Mpake yooveleela yoohisa ya aximombe piili, napunci a ikhondoolo mmoha ni iputtiputthi ithannapiili sa eyaakha emoha, ntoko yoowunkhela yoomusiveliha Yave.

Nuumeru 28:29

ni iliitru* piili wa khula eputtiputthi.