Nuumeru 28:2 - Emakhuwa Bible

² “Mwaalamulele aYixrayeli ni mwaaleele: ‘Mwiipasoope wookivaha yooca mweehuhuni ethanleliwe sooveleeleliwasaka soorehereriwa vayikho, ntoko yoowunkhela eniikhale yookisiveliha.’

Nuumeru 28:2 Iomraidhean Croise

Epacerero 8:21

Vano Yave aahoona wunkhela wooreeraxa ni aahiixeerela: “Nkirwa kilaphatho etthaya niwoko na mutthu, orookhalaru murimaawe woosareya ni soonanara okhuma oyariwawawe. Nkirwatho kiphwata itthu sootheene siri ni okumi ntoko kipankaaka emaara ela.

1 Nyaha 23:31

ni imaara sootheene sapakiwaaya sooveleela soohisa wa Yave muSaabaduni, mufestani sa mweeri munyowani ni mufestani soothanliwa. Waatthuneya orumeela imaara sootheene ohoolo wa Yave, ottharihiwaka waatta ni moota yaalepeliwaaya.

2 Nyaha 23:18

Yehoyada aahaavaha asaserdoti* aLeevi miteko sa Mpaani mwa Muluku, mwa yaawosa Davide aavanghaawe miteko Mpaani mwa Muluku. Mitekosaya saari ompakela Yave sooveleela soohisa, ntoko elempwalaaya munlamuloni na Moisesi, etthapaka ni yiipaka, ntoko Davide aalamulenlaawe.

2 Nyaha 31:3

Mwene aacaanga sooreelasawe wa sooveleela soohisa sa oxeexelo ni oxekuwa, ni wa sooveleela soohisa, wa iSaabadu, wa nyeeri sinyowani ni wa ifesta soothanliwa, ntoko elempwalaaya munlamuloni na Yave.

Ezera 3:2

Vano Yexuwa, mwaana mulopwana a Yozadaki, vamoha ni asaserdoti* akina, ni Zerubabeli, mwaana mulopwana a Xeyaletiyeli ni yaale yaarumeenle ni yoowo, yaapacera waateka altaari* a Muluku a oYixrayeli weera yapakemo sooveleela soohisa ettharihaka yeeyo elempwale munlamunoni na Moisesi, mulopwana a Muluku.

Ezera 3:3

Yaamoovelaru miloko saarukureenre, yaahaateka altaari* vasulu wa mathipelowaaya, enampakelamo Yave sooveleela soohisa – okhuma sooxeexelo mpaka sa wiilaka.

Nehemiya 10:34

Hiyo ntoko asaserdoti*, aLeevi ni muloko nnimwaasaaseratho khula eyaakha osuwela taani aneera aruuhele ikhuuni Empa ya Mulukwaahu weera sihisiwe valtaarini* a Yave Mulukwaahu, ntoko elempwalaaya munlamuloni.

Icipo 81:3

Mwiipele nipalapatta wooneya wa mweeri munyowani ni wa mweeri woowunnuwa, vanihukuni na efestaahu.

Okhuma 23:15

Mpake efesta ya epaawu yoohikhalano eferementu. Muceeke epaawu yoohikhalano eferementu wa mahuku mathanameeli ntoko koolamulenlaakani. Mpake yeeyo mweehuhuni yoothanliwa mmweerini wa Abibi, niwoko mweereene yoowo mwaakhumihingwaanyu wExipitu. Ahikhale anaaphiye ohoolowaka matataru.

Okhuma 29:18

Vano munghise napunci mpurukuma valtaarini*. Ti yooveleela yoohisa wa Yave, yoowunkhela yooreeraxa; yooveleela yoopakeliwa Yave vamooroni.

Ezekiyeli 16:19

Hiihotho yoocaakeene koovanghaakani – ephepa yooreerela, makhura a sooliveira* ni oravo – nyuwo mooveleelela sootheene vamoha ni erubani* yoowunkhelaxa ohoolowaya. Ti yeeyo yeereiye, onghima Yave onlamula sootheene.

Ezekiyeli 20:41

Miyo kinoowaakhulelasani ntoko erubani* yoowunkhelaxa, kookhumihasakani eriyari ya miloko ni koothukumanyihasakani eriyari ya ilapo, mwa seiyo nyuwosa mwamwaraxeliwaanyu, ni kinimwiixoonihera ootteeleene eriyaraanyusa vamaithoni wa miloko.

Ezekiyeli 45:17

Ekhaleke yootthuneya ya mwaana a mwene ovaha sooveleela soohisa, sooveleela sa irooro ni sooveleela soowura mufestani, nyeeri sinyowani ni muSaabaduni, aani mufestani soothanliwa sootheene sa muloko wa oYixrayeli. Owo avaheke sooveleelela yoottheka, sa irooro, soohisa ni sa murettele weera oreherereliwe wiiwanana ni Muluku weereliwaka muloko wa oYixrayeli.’”

Levitiku 1:13

Marupo ni nyetto sirapihiweke toko, ni musaserdoti* aruuheke ntoko yoovaha ni ahiseke valtaarini*. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave.

Levitiku 1:17

Owo amuthaleke mwaapalame eriyariru ahimukawanyiheke, ni vano musaserdoti* amuhiseke vayikho vakhuunini mooro ovarelaka. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave.

Levitiku 1:9

Marupo ni nyetto sirapihiweke toko, ni musaserdoti* ahiseke sootheene iyo valtaarini*. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave.

Levitiku 21:6

Asaserdoti* ekhaleke ootteela wa Mulukwaaya ehiveihaka Nsina na Mulukwaaya. Awosa ekhaleke ootteela, niwoko ampaka soomveleelela Yave soorehereriwe vayikho; sooveleela siri sooca wa Mulukwaaya.

Levitiku 21:8

Mmoonele okhala ootteela, niwoko awosa anreherera sooca sa Mulukwaanyu. Mmoonele okhala ootteela, niwoko Miyo, Yave kinootteelihani, kiri ootteela.

Levitiku 3:11

Musaserdoti* ahiseke valtaarini* ntoko yooca yoovahiwa Yave, yooveleela erehereriwe vayikho.

Malekiya 1:12

“Vaheera nyuwosa munghiiriha mweeraka weera meesa a Yave ti oohitteela, ni yoocaawe ti yoonyooseya.

Malekiya 1:7

Munruuha valtaariniwaka* yooca yoohitteela! Orookhalaru hiiho, munkoha: ‘Nihoottittimihaleni moota heeni?’ Muneera weera khoontthuneya ottittimiha meesa a Yave!

Nuumeru 15:24

ni eyo yapakiwa mweerisani ni yaahisuweliwa ni muloko, vano muloko wootheene omveleeleke mwaamombe ntoko sooveleela soohisa soowunkhela soomusiveliha Yave. Emveleeleketho vamoha ni yooveleelaaya ya irooro ni yooveleela yoowura, ntoko olamuleliwaaya, nitho napunci a epuri ntoko yooveleelela yoottheka.

Nuumeru 15:3

ni mwaamuruuhelaka Yave yooveleela ya imombe hoye hoye ikhondoolo – yoorehereriwa vayikho ntoko yoowunkhela yoomusiveliha Yave, ekhalaka yooveleela yoohisa hoye hoye ekina, ekhalaka weera mukwanihere yoororomeliha, hoye hoye ntoko yooveleela ya otthunawanyu naari yooveleela ya yakhalaru efesta,

Nuumeru 15:7

nitho eliitru* emoha ya eviinyu ntoko yooveleela yoowura. Mveleele ntoko yoowunkhela yoomusiveliha Yave.

Nuumeru 28:1

Yave aamweerela Moisesi:

Nuumeru 29:39

Ohiya sooveleela soororomeliha muneeraanyu mpake ni seiyo sa otthunawanyu, munrehererele yeeyo Yave mmafestani muthanleliwaanyu: Sooveleelasanyu soohisa, sooveleelasanyu sa irooro; sooveleelasanyu soowura ni sa murettele.”

Nuumeru 9:13

Wa soothesene, mulopwana akhala ootteela ahinarakamela niwoko na mukwaha, ni hiiho aahipaka efesta ya mPaska*, owo oomoliweke eriyari ya mulokwaawe eenre ahimpakelaka yooveleela Yave mweehuhuni yootthuneya. Owo onoohaawa ni makacamiho a sootthekasawe.

Nuumeru 9:7

enamweerela Moisesi: “Hiyo noothatuwa oohitteela wootava muttembo, vano heeni neeraahu nihiihiwe omoonihera yooveleelaahu Yave mweehuhunimwaya, ntoko aYixrayeli akinaawo?”

2 aKorinto 2:15

Wa Muluku, hiyo nri wunkhela wa Kristu variyari wa yaawo amvuluxiwa ni yaawo anriheya.

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

aFilipi 4:18

Kohaakhela sootheene ni sookaattela. Kohaattano woowaakhela wa Epafrodito soovaha seiyo nyuwo mwaarumihalaanyu. Iyo siri yoovaha yoowunkhela yooreera, yooveleela emoha yoowaakhuleliwa ni yoomusiveliha Muluku.