Nuumeru 21:7 - Emakhuwa Bible

⁷ Muloko waarowa wa Moisesi oneera: “Noottheka woomukhupanya Yave ni nyuwo. Mumvekele Yave weera avenxe inowa eriyaraahu.” Moisesi aavekelela muloko.

Nuumeru 21:7 Iomraidhean Croise

Epacerero 20:17

Abrahaamu aamvekela Muluku ni Owo aamulamiha Abimeleki, amwaariye ni mpaka ipotthasawe ni hiiho yaaweratho oyara.

Epacerero 20:7

Vano, omuhokoloxere mwaneene a muthiyana owo. Owo mprofeeti, onimoovekelela weera weyo ohikhwe. Mene waahimuhokoloxera, osuwele nnenesene weera weyo vamoha ni amusaawo onimookhwa.”

1 Mamwene 13:6

Vanonto mwene aamweerela mulopwana a Muluku: “Dyontte, mumvekele Yave Mulukwaanyu mwaha wa miyo weera moonowaaka olame.” Mwaana mulopwana a Muluku aamvekela Yave ni moono wa mwene waalama, onakhala weerenlaaya.

2 Mamwene 13:4

Vano Yehowazi aahaasaasa murima wooreera wa Yave ni Yave aamwiiwa, niwoko aahoona moota wootepaxa mwene a awArami aahooxaawe aYixrayeli.

Yobi 42:10

Yobi aavekelenleene asinthamwenaawe, Yave aamweettiherelatho nnenesene, anamvaha iphura sa seiye aarinaawe khalayi.

Yobi 42:8

Vano murowase mpaka wa murumeiyaaka Yobi, mwaakuxe aximombe athanneeli, ni anapunci a ikhondoolo athanneeli, ni mwaapakele sooveleela soohisa mwiixeerelaka asineenaanyu. Murumeiyaaka Yobi onimoovekelelasani ni Miyo kinimwaakhulela nivekelonawe ni nkinoopakelasani yeeyo mumphwanelaanyu moololoni mpankaanyu. Nyuwosa khamuulumme yeeyo eri ya ekhaikhai mwaha wa Miyo, ntoko opankaawe murumeiyaaka Yobi.”

Icipo 106:23

Vano Muluku aaheera weera onimwaaphwata, mene Moisesi, oothanliwaawe, aaheemela ohoolowawe vaniproniwaya weera isara sa Muluku sihaaphwate.

Icipo 78:34

Khula emaara Muluku aattaruxelaawe okhwa, aYixrayeli ti yaapaceraaya omwaasaasa emuhokoleelakatho ni nthiti.

Okhuma 10:17

Vano, mukileveleletho yootthekaaka ni mumvekele Yave Mulukwaanyu weera aronghe ottaiwaka nihooxo nna noowiiva.”

Okhuma 32:11

Wa soothesene, Moisesi aamudyoonttelela Yave, Mulukwaawe, akhuwelaka: “Yave, heeni munnyoonyeriwaanyu mulokwaanyu owo, mwa yoowo mukhumihalaanyu wExipitu ni ikuru sitokotoko ni ntatananyu noolipaxa?

Okhuma 32:30

Oxaawaya Moisesi aaheerela muloko: “Nyuwosa mootthekaxa, mene kinoowela wa Yave. Apaale kinoowera wiiraanyiha wa yootthekaanyu.”

Okhuma 8:28

Farawu* aamweerela: “Kinimootthuniherani orowa munikareni ompakela sooveleela Yave, Mulukwaanyu. Mene muhirakamelaxe ni mwakivekeleletho miyo.”

Okhuma 8:4

Vano anaphulu animootuphelani nyuwo, anamalakaanyu ni mulokwaanyu.’”

Okhuma 8:8

Farawu* aarumiha wiitthaniwa Moisesi ni Aharoni aweerelaka: “Mumvekele Yave weera akivenxere anaphulu ni wa mulokwaakatho; ni vahoolowaya kinoohiya muloko orowaka weera wampakele sooveleela Yave.”

Yesaya 26:16

Yave awosa yaawaattamelani moovalavelanimwaya; Nyuwo mwaattaruxaanyu, awosa yaaxuuvekela.

Yeremiya 15:1

Vano Yave aakeerela: “Naari Moisesi ni Samuweli yaakhanle ohoolowaka evekelelaka muloko ola, hata hiiho nkaamorela ikharari muloko. Moomole ohoolowaka. Muloko owo opwaheke!

Yeremiya 37:3

Wa soothesene, mwene Zedekiya, aamuruma Yehukali, mwaana mulopwana a Xelemeya, ni musaserdoti* Zefaniya, mwaana mulopwana a Maaseya, wa mprofeeti Yeremiya ni mutthenga ola: “Mwanivekelele wa Yave Mulukwaahu.”

Hoxeya 5:15

Vahoolowaya, kinoohokoleela vanipuronivaka mpaka awosa eneeraaya yaakhulele nthowanaya. Ni awosa animwaasa ekhovaaka; moohaawanimwaya anookaasa ni murima wootheene.”

Nuumeru 11:2

Vano muloko waamukhuwelela Moisesi ni owo aamvekela Yave, mooro onacipha.

Matheyo 27:4

ni aaweerela: “Koottheka, niwoko koovariha ephome yoohikhala ni milattu.” Ni awo yaamwaakhula: “Hiyo khanimwaha. Ikuru ti sawinyu.”

Miteko 8:24

Vano Simeyoni aamwaakhula: “Mukivekelele miyo wa Apwiya weera ehikikhumelele naari etthu emoha ya seiyo munuulumaanyu.”

aRooma 10:1

Axunnaka, ohaawela wa murimaaka ni nivekelonaka wa Muluku mwaha wa aYixrayeli, ti weera awo evuluxiwe.

Deuteronomiyo 9:20

Yave aamunyoonyeriwa Aharoni mpaka ohaleela omphwata, mene ehuhuweene yeele kaamvekelelatho Aharoni.

Yakobe 5:16

Tivawo mulapelane sootthekasanyu mukina ni mukhwaawe, ni muvekelelane mukina ni mukhwaawe weera mukhale oolamihiwa. Nivekelo na mutthu oororomeleya ti na ikuruxa ni noowereya.

1 Samuweli 15:24

Vano Sawuli aamweerela Samuweli: “Koottheka. Kootupha malamulo a Yave ni ikanosanyu. Kaawoova anakhotto, tivawo kiwaakhulenlaaka.

1 Samuweli 15:30

Sawuli aamwaakhula: “Koottheka. Mene dyoontte, mukittittimihe vamaithoni wa asitokweene a mulokwaaka ni wa aYixrayeli; muhokolowe ni miyo weera kamulape Yave Mulukwaanyu.”