Nuumeru 20:5 - Emakhuwa Bible

⁵ Munikhumiheranseni wExipitu muniruuhaka nipuro nna noowoopiha? Mu khasimomo irooro, hata ifiigu, naari iwuuva* hoye hoye irooma*, naari maahi oowura!”

Nuumeru 20:5 Iomraidhean Croise

Nehemiya 9:21

Wookwana iyaakha miloko mixexe Nyuwo mwaahaaciha munikareni. Yaakhalano sootheene saatthuneya ni soowarasaya khasaathaalaru ni inawosaya khasiiparu.

Yeremiya 2:2

“Murowe mwalaleere maaru a oYerusaleemu: Miyo kinuupuwelela ororomeleyawanyu mwaaraanyu mmiravo: ‘Ntoko ootthomeriwa nyuwo mwannakisivela, mukittharaka munikareni, mulaponi yoohaaleya.

Yeremiya 2:6

Awosa khayaakonghe: Ori woowi Yave, onikhumihale wExipitu ananeettiha munikareni, mulaponi moowuumelela ni moothipeyasa, elapo yoothowa maahi ni ya epiphi, mwa yeeyo ehimviriwaru ni ehinkhaliwaru?

Ezekiyeli 20:36

Kinimoothorihasani mooteene yoole kaathoringhaaka makholowaanyu munikareni na wExipitu, onghima Yave onlamula sootheene.

Nuumeru 16:14

Ohiya yeeyo, nyuwo khamunikunxe mulaponi oraayawo mukaka ni oravo hata khamunivangheru yoohiyeriwa ya imatta ni imatta sa iwuuva*. Nyuwo munuupuwela weera munoowera waalokottha asilopwana ala? Hiyo, khaninrowa!”

Nuumeru 20:24

“Aharoni onoothukumanyihiwa ni makholowaawe. Khavolowa mulaponi kinaavahaaka aYixrayeli, niwoko nyuwosa ooweeli moovaanya Nlamulonaka mukerekhere maahi a oMeriba.

Nuumeru 27:14

niwoko muloko waavaanyaaya mmaahini a munikareni na oZini, nyuwosa ooweeli khamwiiwelenle Nlamulonaka na ottittimiha otteelawaka ohoolowayasa. Vano eyo yeereiye mmaahini a oMeriba, oKadexi, munikareni na oZini.

Deuteronomiyo 8:15

Owo aaweettihasani munikareni ntokotoko ni noowoopiha; elapweene yeele yoowuuma ni yoohikhala maahi erino inowa ni awalisi oohapala. Owo aahokhumiherasani maahi vamwala