Nuumeru 19:9 - Emakhuwa Bible

⁹ Mutthu ori ootteeleene akhupeke ettuura ya mwaamombe ni iikaathiki vaNipuroni Nootteela*, okerekhere wa okonelingwe. Ethokororiweke ni muloko wa aYixrayeli weera evareliwe muteko mmaahini a otteelihera – wa oorapihela soottheka.

Nuumeru 19:9 Iomraidhean Croise

Levitiku 15:20

Yakhalaru etthu aneeraawe akonele mweehuhuni ya mpingwaawe enookhala yoohitteela ni yakhalaru etthu aneeraawe akilaathele enookhalatho yoohitteela.

Zakariya 13:1

“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela.

Nuumeru 19:13

Yoowo aneera atave muttembo ahiniitteeliha, onoovaliha etabernaakulu* ya Yave. Owo amalamalihiweke mmulokoni wa aYixrayeli. Onookhala oohitteela niwoko khamiseriweno maahi ootteelihera; ohitteelawawe onoopwaherera.

Nuumeru 19:17

Wa mutthu oohitteela aheliweke ettuura vakhaani ya yooveleela yoohisa yootteelihera muxaaruni ni amiineliwekemo maahi ooluusi.

Nuumeru 19:18

Vano mutthu ori ootteeleene, akuxeke hisopo*, axuweyeke mmaahini ni amiserekeno eheema, ikaruma sootheene ni atthu ootheene yaarimo. Ammisereketho akhalaru mutthu otamve nikhuva na mutthu, hoye hoye nihiye, hata mukina okhwiiye naari ohaangwe okhwa onkhweliwaaya.

Nuumeru 19:3

Nyuwosa mumvaheke musaserdoti* Eleyazari; owo aronghiweke okerekhere wa okonelingwe ni iiveliweke vamaithoniwawe.

Nuumeru 19:8

Yoowo aneera amuhise mwaamombe acapeketho soowarasawe ni arapeke; onookhalatho oohitteela nihuku nootheene.

Nuumeru 6:12

Owo iitteelihereleke Yave mweehuhuni ya wiimwalanyiherawawe ni aruuheke eputtiputthi ya eyaakha emoha ntoko yooveleelela nthowa. Khayaalikeliwa mahuku a khalayi niwoko oovaliheya mweehuhuni ya omwalanyihereyawawe.

Nuumeru 8:7

Otteelihiwawaya okhaleke ha: nyuwo mwaamisereke maahi a otteelihera; vahoolowaya mpakihe weera emetthe erutthu yootheene ni ecape soowarasaya weera yiitteelihe.

Nuumeru 9:13

Wa soothesene, mulopwana akhala ootteela ahinarakamela niwoko na mukwaha, ni hiiho aahipaka efesta ya mPaska*, owo oomoliweke eriyari ya mulokwaawe eenre ahimpakelaka yooveleela Yave mweehuhuni yootthuneya. Owo onoohaawa ni makacamiho a sootthekasawe.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

aHeberi 9:13

Waari weera ephome ya ipuri ni ya imombe ilopwana ni ettuura ya emombe exaana ethiyana emisiweene wa yaawo ari oohitteela enimwaatteeliha, mooteene yoowo weera awo anthatuwa ootteela omokoni,