Nuumeru 19:13 - Emakhuwa Bible

¹³ Yoowo aneera atave muttembo ahiniitteeliha, onoovaliha etabernaakulu* ya Yave. Owo amalamalihiweke mmulokoni wa aYixrayeli. Onookhala oohitteela niwoko khamiseriweno maahi ootteelihera; ohitteelawawe onoopwaherera.

Nuumeru 19:13 Iomraidhean Croise

Okhuma 30:33

Akhalaru mutthu aneera eeke makhura ntoko yaala hoye hoye anaammiinele mukina ahikhanle musaserdoti*, oomoliweke munlokonimwawe.’”

Masu a Miruku 14:32

Yaaphiyaka ehasara, atakhali anoophwatiwa; wa soothesene, mpakatho mookhwaani oororomeleya anoophwanya ntthawelo.

Ezekiyeli 44:26

Iitteelihaleene, aweherereke mahuku mathannameeli.

Levitiku 15:31

Nyuwo mwaalamule aYixrayeli weera ekhale ottai wa itthu sineera saatatuxe oohitteela weera ehikhwe moohitteelanimwaya enanarihaka Nipuronaka kimankaaka variyariwaya.’”

Levitiku 20:3

Miyo kinoothatuwa Mwiittana a mulopwana owo ni kinoommalamaliha mmulokonimwawe, niwoko oowinnyerera anamwanaawe Molekhi, avalihaka Nipuronaka Nootteela* ni aramusaka Nsinanaka Nootteela.

Levitiku 22:3

Mwawooperere: Wa ikhapira sootheene sa muhoolo, mukina a ekhapiraawe akhala oohitteela aakhuveelaka sooveleela sootteela aYixrayeli animutteeliheraaya Yave, mulopwana owo amalamalihiwe vamaithoniwaka. Miyo ti Yave.

Levitiku 22:4

Ahikhaleru a ekhapira ya Aharoni orino makokho hoye hoye enimukhuma ephome, aneera ace yooveleela yootteela mpaka aneeraawe atteelihiwe. Owo onookhalatho oohitteela atava etthu yookhwa hoye hoye ni yamukhuma elopwana,

Levitiku 5:17

Mutthu attheka apakaka ninghiihaaya nakhalaru Nlamulo na Yave, naari ahisuwelaka, onookhalano nthowa ni onoohaawa nthorihelo.

Levitiku 5:3

Hoye hoye owo atava etthu yoohitteela ya omutthu, yakhalaru etthu eneera emutatuxe oohitteela – naari ahisuwelaka, owo oonelela, onookhalano nthowa.

Levitiku 5:6

Owo amuruuheleke Yave ekhondoolo hoye hoye epuri ethiyana ya muhuwaawe ntoko nlivo niwoko na yoottheka opankaawe, eyo tiiyo yooveleelela yoottheka. Vano musaserdoti* onoomurehererela wiiwanana ni Yave wa yootthekaawe.

Levitiku 7:20

Vaheera mukina ori oohitteela akhuura enama ya yooveleelela murettele eri ya Yave, vano mutthu owo amalamalihiweke mmulokonimwawe.

Levitiku 7:21

Yoowo aneera ataveru etthu yoohitteela – ekhalaka yoohitteela ya omutthu, ya axinama naari yakhalaru etthu yoohitteela ya mwiikho – ni akhuura enama ya yooveleelela murettele eri ya Yave, mutthu owo amalamalihiweke mmulokonimwawe.’”

Nuumeru 15:30

Vaheera yoowo onttheka mwayiini akhalaka neethi, hata namarwa onkhala ni nyuwo, onimuruwana Yave, ni amalamalihiweke eriyari ya mulokwaawe.

Nuumeru 19:14

Nlamulo nimvareliwa muteko mukina aakhwelaka muheemani ti nna: Yoowo anaavolowe muheemani ni yoowo anaakhalemo, onookhala oohitteela mmahukuni mathannameeli,

Nuumeru 19:18

Vano mutthu ori ootteeleene, akuxeke hisopo*, axuweyeke mmaahini ni amiserekeno eheema, ikaruma sootheene ni atthu ootheene yaarimo. Ammisereketho akhalaru mutthu otamve nikhuva na mutthu, hoye hoye nihiye, hata mukina okhwiiye naari ohaangwe okhwa onkhweliwaaya.

Nuumeru 19:19

Yoowo ori ootteeleene ammisereke mutthu oohitteela munihukuni nanaararu ni nanaathannameeli, ni munihukuni nanaathannameeli owo amutteeliheke. Yoowo ontteelihiwa acapeke soowarasawe ni arapeke, hiiho oxekuwa wa nihuku nno onookhala ootteeleene.

Nuumeru 19:20

Vaheera, yoowo ori oohitteela aahiitteeliha, amalamalihiweke mmuthukumanoni, niwoko oovaliha Nipuro Nootteela* na Yave. Khamiseriwe maahi ootteelihera ni owo khatteenle.

Nuumeru 19:9

Mutthu ori ootteeleene akhupeke ettuura ya mwaamombe ni iikaathiki vaNipuroni Nootteela*, okerekhere wa okonelingwe. Ethokororiweke ni muloko wa aYixrayeli weera evareliwe muteko mmaahini a otteelihera – wa oorapihela soottheka.

Nuumeru 8:7

Otteelihiwawaya okhaleke ha: nyuwo mwaamisereke maahi a otteelihera; vahoolowaya mpakihe weera emetthe erutthu yootheene ni ecape soowarasaya weera yiitteelihe.

Nuumeru 9:13

Wa soothesene, mulopwana akhala ootteela ahinarakamela niwoko na mukwaha, ni hiiho aahipaka efesta ya mPaska*, owo oomoliweke eriyari ya mulokwaawe eenre ahimpakelaka yooveleela Yave mweehuhuni yootthuneya. Owo onoohaawa ni makacamiho a sootthekasawe.

Yohaane 8:24

Miyo kohooleelani weera mmwikhwe mootthekanimwanyu. Nyuwo mwaahiroromela weera Miyo kiri, vekhaikhai mmwikhwe mootthekanimwanyu.”

aHeberi 10:29

Munuupuwela hai? Ottaruxiwa heeni wootepaxa omphwanela yoole omunyikanlaawe ni inaawo Mwaana a Muluku, yoole oveihale ephome ya wiiraana emutteelihale ni ooruwana Munepa wa mahala?

aHeberi 9:10

woonaka weera saapwatthela paahi sooca, soowura, miteko soohiyanahiyana sa orapiha ni maahi, malamulo oomokoni soolamuliwa paahi, mpaka ehuhu ya wiiraana onyowani.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ethupululo 22:11

Yoowo ompaka yoonanara, atepe opaka yoonanara; yoowo ori mutakhali, atepe okhala mutakhali; yoowo ori a ekhaikhai, atepe okhala a ekhaikhai, ni ootteela atepe okhala ootteelihiwa.”

Ethupululo 22:15

Omokoni wa esidade ankhala alapwa, akhwiri, anamararuwa, anamwiiva, anamalapa a miluku sikina ni ootheene yaawo ansivela ni ampaka soowootha.