Nuumeru 19:11 - Emakhuwa Bible

¹¹ Yoowo aneera atave muttembo onookhala oohitteela mweehuhuni ya mahuku mathannameeli.

Nuumeru 19:11 Iomraidhean Croise

Yesaya 52:11

Mususe, mususe! Mvenye va! Muhitaveru etthu yoohitteela! Muhiyeke ni mukhaleke ootteela, nyuwosa munteexa ikaruma sa Yave.

Icipo Soolalamika 4:14

Olelo, awosa anxoraxora mmiseweni ntoko oohoona. Erampeene ephome, khaawo aneera eerere otava soowarasaya.

Ezekiyeli 39:12

Mweehuhuni ya nyeeri mithannamiili muloko wa oYixrayeli onimwaavitha weera elapo etteelihiwe.

Ezekiyeli 44:26

Iitteelihaleene, aweherereke mahuku mathannameeli.

Levitiku 11:31

Eriyari ya axinama aniipurula ti ari oohitteela wa nyuwo. Yoole aneera amutave ookhwa mmoha a yaawo onookhala oohitteela mpaka oxekuwa.

Levitiku 21:1

Yave aamweerela Moisesi: “Mwaaleele ha asaserdoti*, anamwane asilopwana a Aharoni: ‘Musaserdoti* ahithatuwe oohitteela niwoko na mukina a mulokwaawe aneera akhwe,

Levitiku 21:11

Owo ahivolowe oraayamo muttembo. Ahiitatuxe oohitteela – naari mwaha wa atithawe hoye hoye amayawe,

Levitiku 22:4

Ahikhaleru a ekhapira ya Aharoni orino makokho hoye hoye enimukhuma ephome, aneera ace yooveleela yootteela mpaka aneeraawe atteelihiwe. Owo onookhalatho oohitteela atava etthu yookhwa hoye hoye ni yamukhuma elopwana,

Levitiku 5:2

Mukina atava yakhalaru etthu yoohitteela, hata akhalaka mwaamunama ookhwa a mutuphini hoye hoye mihuwo soohitteela, hoye hoye soopattuxiwa soohitteela siniipurula – naari ahisuwelaka, owo onoothatuwa oohitteela ni ookhalano nthowa.

Axewu 2:13

Woottharelana Axewu aahaakoha: “Mukina aahitteela niwoko na otava muttembo, vahoolowaya anatava ikina ikina sa itthusene seiya, vano iyo sinookhala soohitteela?” Asaserdoti* yaamwaakhula: “Aani, khasitteela.”

Nuumeru 19:16

Yoowo anaakhale mmatta, anamutava mutthu iiviwe ni ekatana, hoye hoye mukina ohaawiye mookhwaani onkhweliwaaya naari vanikhuvani na mutthu, hata munihiyeni, onookhala oohitteela mmahukuni mathannameeli.

Nuumeru 31:19

Ootheene nyuwo mmwiivale mutthu hoye hoye mutamve muttembo, mukhale okerekhere wa okonelingwe wa mahuku mathannameeli. Vanihukuni nanaararu ni nanaathannameeli, ontthuneya wiitteeliha nyuwo ni anamatthukiwaanyu.

Nuumeru 5:2

“Mwaalamulele aYixrayeli weera yaakhumihere okerekhere wa okonelingwe ootheene eniikhaleno makokho, hoye hoye yakhalaru enaakhuma ephome, naari anaakhale oohitteela niwoko na otava muttembo.

Nuumeru 6:6

Mweehuhuni yootheene ya omwalamwaliheriwa Yave, ahaattameleru muttembo.

Nuumeru 9:10

Mwaaleele aYixrayeli weera mukina a nyuwo hoye hoye a ekhapiraanyu athatuwa oohitteela wootava muttembo hoye hoye arakamela niwoko na mukwaha, hata hiiho apakeke efesta ya mPaska* a Yave.

Nuumeru 9:6

Vaheera akina akina a yaawo khayaawenre opaka efesta ya mPaska* nihuku nne yeenre yathatuwaka oohiitteela wootava muttembo. Tivawo yaamwaattamenlaaya Moisesi ni Aharoni nihuku nenenenne,

Miteko 21:26

Oxaawaya Pawulo aahaakuxa asilopwana ale ni aahiirapiha vamoha ni yaale. Vahoolowaya aarowa Empa ya Muluku weera aaleele ehuhu orapiha eneeraaya ekwanihere ni nihuku nlivo nneeraaya nipakiwe wa mutthu ti mutthu.

Miteko 21:27

Ekhuveelaka omaliha mahuku mathannameeli, aYuda akina a elapo ya wAsiya, emoonaka Pawulo Mpaani mwa Muluku, yaahaasesera atthu ancipale ni yaamvara

aRooma 5:12

Tivawo, mooteene yoowo yoottheka yaavolongwaaya mweelaponi niwoko na mulopwana mmoha, ni vahoolowaya okhwa niwoko na yoottheka ele, hiihotho okhwa waaweenle atthu ootheene, niwoko ootheene aattheka.

2 aKorinto 6:17

Tivawo: “muvenye wa yaawo ni mususeke,” aneera Apwiya. “Muhitave itthu soohitteela, ni Miyo nkiwaakheleni.

awEfeso 2:1

Nyuwo mwaari ookhweene mwa sootakhalasanyu ni sootthekasanyu,

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.