Nuumeru 18:24 - Emakhuwa Bible

²⁴ Ohiya yeeyo, yoohiyeriwa kinaavahaaka aLeevi ti sanaamuloko aYixrayeli eneeraaya eveleeleke ntoko mucaango wa Yave. Tivawo Miyo keenraaka weera awosa kheekhalanoru yoohiyeriwa eriyari ya aYixrayeli.”

Nuumeru 18:24 Iomraidhean Croise

Nehemiya 10:38

Musaserdoti* mmoha a ekhapira ya Aharoni aahooleke aLeevi yaakhelasaka mpatta wanaamuloko. Vano aLeevi eruuheleke Empa ya Mulukwaahu mpatta wanaamuloko sanaamuloko iyo, munsungiwamo.

Nehemiya 13:12

Atthu ootheene a oYuda yaaruuhela mwaasungiwamo sanaamuloko sa etrigu, eviinyu enyowani ni makhura.

Levitiku 27:30

Mpatta wanaamuloko wa sootheene siri mulaponi – ekhalaka etrigu hoye hoye soowiima sa nyiri – ti sa Yave; ti sootteeliheriwa Yave.

Nuumeru 18:25

Vahoolowaya, Yave aamweerela Moisesi:

Nuumeru 18:26

“Mwaaleele ha aLeevi: ‘Mwaakhelaka wa aYixrayeli sanaamuloko kinoovahasaakani ntoko yoohiyeriwa, nyuwosa mveleeleke yanaamuloko emoha sa sanaamuloko iyo ntoko yooveleela wa Yave.

Nuumeru 26:62

aLeevi asilopwana ootheene, a mweeri mmoha woorowa ohoolo, yaalikeliwe yaari 23 000. Khayaalikeliwe vamoha ni aYixrayeli akina niwoko khayaakhenle yoohiyeriwa eriyaraaya.

Deuteronomiyo 10:9

Tivawo aLeevi ahikhalannaaya ettima hoye hoye yoohiyeriwa variyari wa axunnaya eenre Yave akhalaka yoohiyeriwaaya, ntoko Owo aaroromelinghaawe.

Deuteronomiyo 26:12

Mwaavahaka mpatta wanaamuloko wa soothesene, munruweraanyu khula eyaakha yanaararu, eyo tiiyo eyaakha ya sanaamuloko, mmwinnyerereke muLeevi, namarwa, mukwaasuni ni naamukhweli weera awo ecaase mmasidadenimwanyu mpaka ovona.

Yoxuwa 13:14

Vanonto epuumba ya aLeevi khayaahiyenre etthu woonaka weera sooveleela soohisa soopakeliwa Yave, Muluku a aYixrayeli, ti yoohiyeriwaaya, ntoko aaleenlaawe.