Nuumeru 18:20 - Emakhuwa Bible

²⁰ Yave aamweerelatho Aharoni: “Nyuwo khamukhalano yoohiyeriwa mulaponimwaya, hata khamukhalano ettima eriyaraayasa; Miyo ti ettimaanyu ni yoohiyeriwaanyu eriyari ya aYixrayeli.

Nuumeru 18:20 Iomraidhean Croise

Epacerero 15:1

Vano, vahoolo wa yeeyo Yave aahiixoonihera wa Abraamu, anamweerela: “Muhoove Abraamu, Miyo ti yoowiixaakiheraanyu, ni munookhalano ntthuvelo ntokotoko.”

Icipo 142:5

Miyo kinookhuwelelani Nyuwo Yave, keeraka: “Nyuwo ti Wootthawelawaka; mweelaponi ya akumi kinoororomelani Nyuwo paahi.”

Icipo 16:5

Yave, Nyuwo mookivaha mpattaaka ni ekoomixaaka; ti Nyuwo munlipiha sa muhoolomwaka.

Icipo 73:26

Enoowereya erutthwaaka ni murimaaka olosowa, mene Muluku ti ikuru sa murimaaka ni yoohiyeriwaaka wa mahuku ootheene.

Icipo Soolalamika 3:24

Kiniixeerela: Ettimaaka ti Yave; tivawo, mwa Yoowo kinoohela owehererawaka.

Ezekiyeli 44:28

Miyo kinookhala yoohiyeriwa emoharu avahiwe asaserdoti*. Nyuwosa muhaavaheru aYixrayeli yakhalaru ettima; Miyo kinookhala yoohiyeriwaaya.

Nuumeru 18:7

Vaheera nyuwo ni anamwaniinyu paahi murumeeleke ntoko asaserdoti* mwa sootheene sa valtaarini* siri wiithela eluttu. Kinoovahani nyuwo muteko wa esaserdoti ntoko yoovaha. Akhalaru mutthu ohitthuniheriwe anaattamele Nipuro Nootteela* iiviweke.”

Nuumeru 26:62

aLeevi asilopwana ootheene, a mweeri mmoha woorowa ohoolo, yaalikeliwe yaari 23 000. Khayaalikeliwe vamoha ni aYixrayeli akina niwoko khayaakhenle yoohiyeriwa eriyaraaya.

Deuteronomiyo 10:9

Tivawo aLeevi ahikhalannaaya ettima hoye hoye yoohiyeriwa variyari wa axunnaya eenre Yave akhalaka yoohiyeriwaaya, ntoko Owo aaroromelinghaawe.

Deuteronomiyo 12:12

Mwahakalalewo ohoolo wa Yave Mulukwaanyu – nyuwosa, anamwaniinyu asilopwana ni asithiyana, ipotthasanyu asilopwana ni asithiyana ni aLeevi ankhala mmittetthenimwanyu mwa yaawo ahikhanleno elapo hoye hoye yoohiyeriwa.

Deuteronomiyo 14:27

Muhaattiwaleru aLeevi ankhala musidadenimwanyu, niwoko awosa khaanono nipuro hata yoohiyeriwaaya.

Deuteronomiyo 14:29

Hiiho aLeevi ahikhalanne nipuro hoye hoye yoohiyeriwaaya ni anamarwa, akwaasuni ni asinaamukhweli ankhala mmasidadenimwanyu eceeke mpaka ovona ni Yave Mulukwaanyu onimooreelihani mmitekoni mumvaraanyu.

Yoxuwa 13:14

Vanonto epuumba ya aLeevi khayaahiyenre etthu woonaka weera sooveleela soohisa soopakeliwa Yave, Muluku a aYixrayeli, ti yoohiyeriwaaya, ntoko aaleenlaawe.

Yoxuwa 13:33

Wa soothesene, epuumba ya aLeevi Moisesi khaavangheru yoohiyeriwa woonaka weera Yave, Muluku a aYixrayeli, ti yoohiyeriwaaya, ntoko aaleenlaawe.

Yoxuwa 14:3

Moisesi aakawela ipuumba piili ni eriyari ya epuumba yoohiyeriwaaya mpatta ninkhuma nsuwa oYordanu, vaheera khaavanghe aLeevi yoohiyeriwa variyariwaya.

Yoxuwa 18:7

Wa soothesene, aLeevi khayaakhela etthu variyariwaanyu, niwoko osaserdoti* wa Yave ti yoohiyeriwaaya. Vanonto, Gadi, Rubeni ni eriyari ya epuumba ya Manaxe yaahaakhela yoohiyeriwaaya mpatta wa ninkhuma nsuwa wa oYordanu. Moisesi, murumeiyi a Yave, aahaavaha elapo ele.

Ethupululo 21:3

Kaahiiwa nsu ntokotoko naarweela vahiceni neeraka: “Vano etabernaakulu* ya Muluku eri ni atthu, ni Owo anaakhale ni yaawo. Awo eniikhale mulokwaawe ni Muluku muneenaawe anaakhale ni yaawo, ni anaakhaletho Mulukwaaya.