Nuumeru 18:13 - Emakhuwa Bible

¹³ Soowiima soopacera sootheene sa mulaponi eneeraaya emuruuhele Yave, ti sawinyu. Ootheene a emusaanyu eneera ekhale ootteeleene, eceeke.

Nuumeru 18:13 Iomraidhean Croise

2 Mamwene 4:42

Aahoowa mulopwana mmoha a oBahali-Xalixa, amuruuhelaka mulopwana a Muluku ipaawu miloko miili sa esevada* saapakiwe ni soohepha soopacera sa etrigu nitho makala makithi makina. Elixa aamweerela murumeiyaawe: “Waarumeele ootheene.”

2 Nyaha 31:5

Alaleiyeene nlamulo nna, aYixrayeli yaavahaxa mpatta woopacera wa etrigu, eviinyu, makhura, oravo ni sootheene saaruweriwe mmatta. Yaaruuha sanaamuloko sa sootheene. Iyo saari sincipalexa.

Okhuma 22:29

Muhikiimane sooveleela sa matathaanyu naari nipuronanyu noowaama iwuuva*. Mukitteelihere mwaanaanyu a ntthaara,

Okhuma 23:19

Muruuhe Empa ya Yave Mulukwaanyu mpatta woopacera wooreerelaxa wa soohephasanyu. Muhimwaapeye mwaaxaana a epuri mmukakani wa amayawe.

Okhuma 34:26

Muruuhele Empa ya Yave Mulukwaanyu mpatta woopacera wooreerelaxa wa soohephasanyu. Muhimwaapeye mwaaxaana a epuri mmukakani wa amayawe.”

Yeremiya 24:2

Mpapara mmoha waakhalano ifiigu sooreeraxa, ntoko seiye siniitthwa mweehuhuni ya ohepha; ifiigu sa mpapara mukinoowo saari soonanara ni soohiceya.

Ezekiyeli 44:30

Sooreerela sootheene sa soowiima soopacera, ni micaango sootheene muneeraanyu mpake, ti sa asaserdoti*. Nyuwosa mwaavahaseke mpatta woopacera wa yooca ya irooro sooxiliwa weera ekhale mareeliho mmampaanimwanyu.

Hoxeya 9:10

“Kaaphwanyaaka aYixrayeli, waari ntoko ophwanya iwuuva* munikareni; koonaaka makholowaanyu, waari ntoko woona soowiima soopacera sa ifiigu. Vaheera awosa yaaphiyaaya oBahali-Peyori, yaahiitteeliherasa muluku owo oowuulihaxa muru, enathatuwa oohiira ntoko yeele yaasivelaaya.

Levitiku 22:7

Wiilaleene, onookhala ootteela ni vahoolowaya aceeke yooveleela yootteela, niwoko ti yoocaawe.

Levitiku 23:17

Muneeraanyu mmakeru, murwaaneke owaani ipaawu piili soopakiwa ni eferementu ya ikiilu* ixexe sa ephepa yooreerela soowooxiwa ntoko yooveleela yoowiinainihera ya soowiima soopacera wa Yave.

Mikeyasi 7:1

Moota kinghaawaaka! Kinlikana ni yoole onrukula soowiima mweelimweni singhalahala mmatta mwa iwuuva*; kheewoworu ekhuce ya iwuuva* weera kilawihe, kheewoworu efiigu* enyowani kinghaawelaxaaka.

Deuteronomiyo 18:4

Mwaavahetho mpatta wa ohepha woopacera wa etrigu, eviinyu enyowani, makhura ni mapururu a ikhondoolosanyu soopacera ometthiwa.

Deuteronomiyo 26:2

mwarukule soowiima soopacera sikina sikina sootheene muneeraanyu mwaruwere mweelaponi Yave Mulukwaanyu onoovahaaweni ni mwaheleke sootheene mumpaparani. Vahoolowaya mwarowaseke vanipuroni Yave Mulukwaanyu aneeraawe athanle ntoko woomakawo Nsinanawe.