Nuumeru 16:46 - Emakhuwa Bible

⁴⁶ ni Moisesi aamweerela Aharoni: “Mukuxe yoohiseraanyu erubani* ni muhelemo erubani* vamoha ni mooro woovaliwa valtaarini*, ni murowe woowaakuveya omulokoni weera mwarehererele wiiwanana ni Yave, niwoko wa Yave sookhumelela isara sitokotoko ni nihooxo noopacera.”

Nuumeru 16:46 Iomraidhean Croise

1 Nyaha 27:24

Yowabe, mwaana mulopwana a Zeruha, aapacera owaalikela atthu, mene khaawenre waamaliha. Isara sa Muluku saahaamorela aYixrayeli mwaha wa namalepela ole, tivawo waalikeliwawaya ohitakanseriwaaya munamalepelani a nyaha sa mwene Davide.

Icipo 106:29

Yaatannya isara sa Yave ni mitekosaya ni naakhumelela nihooxo eriyaraaya.

Icipo 141:2

Nivekelonaka nikhale ntoko erubani* ohoolowanyu; otheteyawaka matata okhaleke ntoko yooveleela ya ohiyu.

Levitiku 10:6

Vanonto Moisesi aamweerela Aharoni ni anamwanaawe asilopwana Eleyazari ni Ithamari: “Muhimetthe mayihaanyu hata muhaahule soowarasanyu mwiinanelaka weera muhikhwe ni Yave ahinyoonyeriwe muloko wootheene. Vaheera imusisanyu, ipuumba sootheene sa aYixrayeli ewiinleleke yaale Yave aaphwantaawe ni mooro.

Levitiku 9:24

Yave aarumiha mooro onahisa yooveleela yoohisa ni mipatta sa makhura valtaarini*. Muloko wootheene woonakaru yeeyo, waakhuwela ni ohakalala, onuuramihela vathi ekhovaaya.

Habakuki 3:5

Mahooxo onrumihela ohoolowawe; iretta soowoopiha sintthara ottuliwawe.

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Nuumeru 1:53

Wa soothesene, aLeevi ekungeke iheemasaya muxerexere wa etabernaakulu* enthokorora itthaabwa sa wiiraana, weera isara sa Muluku sihimorele muloko wa aYixrayeli. Ti aLeevi eniikosoope etabernaakulu* enthokorora itthaabwa sa wiiraana.

Nuumeru 11:33

Vaheera ekhuuraka nlelo enama ni ehinaaye omira, isara sa Yave saapattela eriyari ya muloko, ni owo aavulaliha ni nihooxo noowoopiha.

Nuumeru 18:5

Nyuwosa munookhalano muteko wookosoopa Nipuro Nootteela* ni altaari*, weera sihaamoreletho aYixrayeli isara sa Yave.

Nuumeru 25:13

Okhuma vanaano vaava owo mpaka ikhapirasawe onookhala wiiraana wa osaserdoti* woohimala, niwoko owo oomukhalela nthiti Mulukwaawe aarehererelaka aYixrayeli wiiwanana ni Muluku.

Nuumeru 25:8

anamutthara muYixrayeli mpaka oheemani, anaahomasa ooweeli ni nivaka; aamuhoma muYixrayeli ni muthiyana. Hiiho naamala nihooxo naarweenle aYixrayeli.

Nuumeru 8:19

Eriyari ya aYixrayeli ootheene, kohaatteeliha aLeevi ntoko yoomvaha Aharoni ni anamwanaawe asilopwana; awosa anoorumeela Muheemani ya Muthukumano* mwa nsina na aYixrayeli ni animwaarehererela wiiwanana ni Yave weera nihikhaleru nihooxo nneera naaphwanye aYixrayeli yaattamelaka Nipuro Nootteela*.

Deuteronomiyo 9:22

Ohiya yeeyo, nyuwosa mwaatannyatho isara sa Yave oTibera, oMasa ni oKiberoti-Hataava.