Nuumeru 16:29 - Emakhuwa Bible

²⁹ Alasa yakhwa onkhweliwaaya eneereya paahi yeele engweereela atthu ootheene, eyo ti eneneero yooweera Muluku khakiruminghe.

Nuumeru 16:29 Iomraidhean Croise

1 Mamwene 18:36

Mweehuhuni ya yooveleela mprofeeti Eliya aaheemela, anavekela ohoolo wa altaari*: “Ii! Yave, Muluku a Abrahaamu, Isaki ni Yakobe, ootheene olelo esuwelihiweke weera Nyuwo muri Muluku a oYixrayeli ni weera miyo ti murumeiyaanyu kimpaka sootthene iya niwoko na nlamulonanyu.

1 Mamwene 22:28

Mikaya aamwaakhula: “Nyuwo mwahokolowa oolipeene, Yave khuulumme mwa miyo.” Aapwaherera weera: “Mwiiwe nnenesene, atthu ootheene nyuwo yeeyo kinghimaaka!”

2 Nyaha 18:27

Mikaya aahima: “Nyuwo mwahokolowa oolipeene, Yave khuulumme mwa miyo.” Aahaandyeereratho: “Ootheene nyuwo, mwiiwe yeeyo kinghimaaka!”

Yobi 35:15

Ohiya toko yeeyo, nyuwo muneera weera isarasawe khasinttaruxa ni Owo khampwattharu sootakhala.

Okhuma 20:5

Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

Okhuma 32:34

Vano, murowe, mwahoolele muloko wa nipuro Miyo kooleenlaakani, ni ndyelowaaka onimoohoolelani. Wa soothesene, yaphiyera ehuhu yoottaruxa, kinimwaattaruxa niwoko na yootthekaaya.”

Namalaleiya 3:19

Ommaleloni wa mutthu onoolikana wa mwaamunama. Ommaleloniwene weiwo onimwaaweherera. Mooteene yoowo onkhwaawe mmoha, onkhwatho mukinoowo. Ootheene arino ngwiya mmohamoharu wa okumi; mutthu khanooneleyaxa ompwaha mwaamunama. Eyo kheentaphulelaru etthu.

Yesaya 10:3

Mmwipakeni nyuwosa munihukuni na nthorihelo, erisa yaarweelaka ottai? Wa taani muneeraanyu mutthimakele weera ookhavihereni? Mmwahiye woowi mihakhusanyu?

Yeremiya 5:9

Vekhaikhai ontthuneya waattaruxela yeeyo!,” onghima Yave. “Vekhaikhai ontthuneya wiinlela ikukuttula muloko ntoko ola!

Icipo Soolalamika 4:22

Ii! Esidade ya oSiyoni, nttaruxonanyu nnoomala; Yave khapwahereriha oroihiwawanyu wootthukiwani. Vaheera, ii! Nyuwo mwaana muthiyana a Edomi, Owo onoottaruxa yootthekaanyu ni onimoonihera yootakhalaanyu.

Ethupululo 11:5

Akhala mukina ontthuna waananariha, mmwaanomwaya onuukhume mooro oneera waahise amwiittanaaya. Awo antthuna weerera waapaka yoonanara, eniikhwe mooteene yoowo.