Nuumeru 15:4 - Emakhuwa Bible

⁴ vano yoowo anaaruuhe yooveleelaawe, amuruuheleketho Yave yooveleela ya irooro ya ikiilu* piili sa ephepa yooreerela yooweetheeliwa eliitru* emoha ya makhura.

Nuumeru 15:4 Iomraidhean Croise

Ezera 7:17

Ni musurukhu owo mwathumele imombe ilopwana, anapunci ni ikhondoolo vamoha ni seiyo sineera sitthuneye wa sooveleelasanyu soowura ni sa etrigu ni mwapakelewo sooveleela seiyo valtaarini* a Empa ya Mulukwaanyu oYerusaleemu.

Okhuma 29:40

Vano ni yooveleela yoopacera, mveleeletho ikiilu* piili sa ephepa ya etrigu yooreeraxa yoowootoweleliwa eliitru* emoha ya makhura a sooliveira* ni eliitru* emoha ya eviinyu ntoko yooveleela yoomiineliwa.

Yesaya 66:20

Ni awosa animwaaruuhatho axunninyu ootheene okhuma miloko sootheene mpaka wa mwaakowaaka wootteela, oYerusaleemu, ntoko yooveleela wa Yave. Awosa animoowa ni ikavalu*, ikaaro sa ikavalu* ni ikaaro sikina, ni abuuru ni ikamelu*,” onghima Yave. “Awosa anooruuhiwa ntoko aYixrayeli anruuhaaya sooveleelasaya sa etrigu wa Empa ya Yave ni ikaruma sootteeliheriwa.

Ezekiyeli 46:14

Vamoha ni yoowo, nyuwo muruuheke khula oxeexelo yooveleela ya irooro ya ikiilu* tthaaru ni eriyari ya ekiilu* emoha vamoha ni eliitru* emoha ni vakhaani ya eliitru* ya makhura ookhuwalihera ephepa. Woopaka yooveleela ya irooro ela, ti ekano yoohimala.

Levitiku 1:13

Marupo ni nyetto sirapihiweke toko, ni musaserdoti* aruuheke ntoko yoovaha ni ahiseke valtaarini*. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave.

Levitiku 14:10

Vanihukuni nanaathannamararu aruuheke iputtiputthi ilopwana piili ni yoothiyana emoha ya eyaakha emoha ni soohirakala vamoha ni iliitru* ithannamosa ni nttikha sa ephepa ya etrigu yooreerela yooweetheeliwa makhura ntoko yooveleela ya irooro nitho nttikha na eliitru* emoha ya makhura.

Levitiku 2:1

Yoole aneera amuruuhele Yave yooveleela ya irooro, yooveleelaawe ekhaleke ya ephepa yooreerela. Vasuluwaya owo amiineleke makhura ni iikaathiki erubani*,

Levitiku 2:15

Mmiinelekewo makhura ni muheleke erubani*; ti yooveleela ya irooro.

Levitiku 23:13

Mumveleeleletho Yave yooveleela ya irooro ya ikiilu* ixexe ya ephepa yooreerela yooweetheeliwa makhura yoorehereriwa vayikho, yoowunkhela yooreeraxa nitho yooveleela yoowura ya eliitru* emoha ya eviinyu.

Levitiku 3:7

Owo aruuha eputtiputthi, amuroiheleke Yave.

Levitiku 6:14

Ikano mwaha wa sooveleela sa irooro ti iya: anamwane asilopwana a Aharoni eruuheke vamaithoni wa Yave, ohoolo wa altaari*.

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Nuumeru 28:12

Wa khula mwaamombe ekhaleke yooveleela ya irooro ya iliitru* ithannamosa ni nttikha sa ephepa ya etrigu yooreerela yooweetheeliwa makhura; wa napunci ekhaleke yooveleela ya irooro ya iliitru* ixexe sa ephepa ya etrigu yooreerela yooweetheeliwa makhura;

Nuumeru 28:4

Mveleele eputtiputthi emoha oxeexelo ni ekineeyo oxekuwa,

Nuumeru 29:6

Ohiya sooveleela soohisa sa khula mweeri ni sa khula nihuku vamoha ni sooveleelasaya sa irooro ni sooveleela soowura, ntoko silempwalaaya. Ti sooveleela soorehereriwa vayikho, soowunkhela soomusiveliha Yave.

Nuumeru 7:13

Yoveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

aRooma 15:16

okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

aHeberi 13:16

Muhittiwale opaka yooreera, naari okawana, niwoko Muluku onghakalalela sooveleela ntoko iyo.

Ahooleli 9:9

Mwiri wa olivera waahaakhula: ‘Nkingwera ohiya weeka makhura, mwa yaawo amvareliwa muteko woottittimihera miluku ni atthu weera kilamule nyiri!’