Nuumeru 14:18 - Emakhuwa Bible

¹⁸ Yave ompisa onyoonyiwa ni oosareya osivela woohimala, alevelelaka otakhala ni ovaanya. Vaheera khanghiya yoottheka woohittaruxa, ni onaattaruxa anamwane mwa sootakhala sa asitiithi mpaka ekhapira yanaararu ni yanaaxexe.

Nuumeru 14:18 Iomraidhean Croise

Nehemiya 9:17

Yaakhootta owiiwani ni yaattiwala sootikhiniha mwaapakenlaanyu. Yaahuumiha mirima moovaanyanimwaya, emuthanlaka mutokweene weera ehokoleele mpotthanimwaya. Wa soothesene, Nyuwo ti Muluku onlevelela; moosareya mahala ni ikharari; oopisa onyoonyiwa ni oosareya osivela. Tivawo mwahaahingyaanyu,

Yobi 21:19

Eneeriwa weera Muluku onsunga nttaruxo na mutthu wa anamwanaawe. Tiithi muneene attaruxiwe weera asuwele!

Icipo 103:8

Yave ti a ikharari ni a murima wooreera; Owo ti oopisa onyoonyiwa ni oosareya osivela.

Icipo 108:4

niwoko osivelawanyu woororomeleya omphiya mpaka vasulu erimu ni ororomeleyawanyu omphiyera mmahutteni.

Icipo 109:14

Sootakhala sa asitithawe suupuweleliweke vamaithoni wa Yave; soottheka sa amayawe sihittiwaliweke!

Icipo 145:8

Yave ti a ikharari ni oopixa murima, Owo ti oopisa onyoonyiwa ni oosareya osivela.

Icipo 78:38

Hata hiiho aahaamorela ikharari; aahaalevelela sootthekasaya ni khaaphwata. Emaara ti emaara annahuluxa isarasawe ni khaanyoonyeriwa.

Icipo 86:15

Vaheera Nyuwo, Yave, ti Muluku a ikharari ni a murima wooreeraxa, oopisa onyoonyiwa ni oosareya osivela ni ororomeleya.

Okhuma 20:5

Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

Okhuma 20:6

Vaheera kinaakosoopa ni onnene wa mahuku ootheene yaawo ankisivela ni aneettela malamulowaaka.

Yeremiya 23:2

Tivawo Yave Muluku a oYixrayeli ongweerelaawe ha akukhuli ankosoopa mulokwaaka: “Mweenre mmwaraxa ni moomola muhuwaaka muhikosoopaka, kinimooruuhelani nttaruxo niwoko na soonanara mpankaanyu,” onghima Yave.

Yeremiya 32:18

Munoonihera onnene mpaka ikhapira ikhapirasene, vaheera munaavonyera anamwane soottheka sa asitithaya. Ii! Muluku Mutokweene ni Ooweraxa, mwa Yoowo Nsinanawe ti Yave a ikuru sootheene,

Icipo Soolalamika 5:7

Asitithihu yaattheka ni khaawowotho ni hiyo ninttaruxeliwa sootthekasaya.

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Nuumeru 14:17

Vaheera vano, ikuru sa Yave soonihereye, ntoko muroromelinghaanyu:

Nuumeru 23:21

Kheewoworu erisa enooneya wa Yakobe, khoowoworu ohaawa oYixrayeli. Yave, Mulukwaaya, ori ni yaawosa; oruma wa okhuwela wa Mwene ori ni yaawosa.

aRooma 5:21

mooteene yoowo weera, hiiho ntoko yoottheka elamunlaaya mookhwaani, hiihotho mahala elamule niwoko na waakhuleliwa ni Muluku, eruuhaka okumi woohimala mwa Yeesu Kristu Apwiyaahu.

Deuteronomiyo 5:10

Vaheera kinaakosoopa ni onnene yaawo ankisivela ni aneettela malamulowaaka – mpaka ikhapirasaya macira muloko.

Deuteronomiyo 5:9

Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

Deuteronomiyo 7:10

Vaheera Muluku onoomuttaruxa amphwataka woowaakuveya yoowo onimuthanya.

Deuteronomiyo 7:9

Musuwele weera Yave Mulukwaanyu ti Muluku. Owo ti Muluku oororomeleya ompwaherera wiiraana ni onnene wa ikhapira macira muloko sa yaawo animusivela yiiwelelaka malamulowaawe.