Nuumeru 11:25 - Emakhuwa Bible

²⁵ Yave aakhuruwa munihutteni anamuulumano, anakhumiha mpatta wa munepa waari mwa Moisesi, anahela mwa asitokweene miloko mithannamiili. Munepa waakhuruwelakaru yaawosa, yaathalihera otthuna wa Muluku, mene khayaahokoleenletho opaka yeeyo.

Nuumeru 11:25 Iomraidhean Croise

2 Mamwene 2:15

Nakupa a maprofeeti aarweela oYeriko oonakaru yeeyo, aaheera: “Munepa wa okhala mprofeeti wa Eliya woomukhuruwela Elixa.” Aarowa omukumanano, anuuramela ohoolowawe.

Nehemiya 9:20

Mwaahaavaha Munepaanyu Wooreera weera waalake. Mwaahaavaha emanaanyu* yaacaaya ni maahi yaawuraaya.

Icipo 99:7

Owo aahuuluma ni yaawo munrimbuni na nihutte; awosa yiiwelela ikano ni malamulo Owo aavaahaawe.

Okhuma 32:32

Vanonto, dyoontte, mulevelele yootthekaaya. Mwaahilevelela, mucipihe nsinanaka mulempaanyu mulivurinimwanyu.”

Okhuma 34:5

Vano Yave aakhuruwa munihutteni, anakhala vaavaale ni Moisesi, alaleiyaka Nsinanawe, eyo tiiyo, Yave.

Okhuma 40:38

Vano khula othana nihutte na Yave naakhuneela etabernaakulu* ni khula ohiyu waakhala mooro munihutteni, muloko wootheene wa aYixrayeli woonaka mmikwahanimwaya moothemwene.

Yesaya 63:11

Vano mulokwaawe waahuupuwelela mahuku a khalayi, mweehuhuni ya Moisesi ni ekhapiraawe: Ori woowi Yoole aavirihale mphareiya ni mukukhuli a muhuwaawe? Ori woowi Yoole aakhalinghe Munepaawe Wootteela variyariwaya

Ezekiyeli 8:11

Ohoolo wa seiyo yaakhala asitokweene miloko mithannamiili a muloko wa aYixrayeli ni Yaazaniya, mwaana mulopwana a Xafani, aari eriyaraayasa. Khula mutthu a yaawosa aarino enghiseriwa erubani* mmatatanimwawe, ni naakhumelelamo nihutte noowunkhelaxa.

Nuumeru 11:17

Miyo kinookhuruwa ni kinimuulumawo ni nyuwo; kinoovenxa mpatta wa munepa ori mwa nyuwo kiheleke mwa yaawosa. Awosa animookhaviherani muteko wooviha woohoolela muloko, moota wooweera nyuwo khamwaaholeela meekhiinyu.

Nuumeru 12:5

Vano Yave aakhuruwa munrimbuni na nihutte ni, areene vamulako wa Eheema, aamwiitthana Aharoni ni Miriyami. Ooweeli awo yaarowa ohoolo,

Nuumeru 16:25

Moisesi aavenya, anarowa aaraawewo Datani ni Abirami, ni asitokweene a aYixrayeli yaamutthara.

Nuumeru 24:2

Vano aawoona aYixrayeli ekonenleene epuumba epuumba, Munepa wa Muluku waamukhuruwela,

Nuumeru 27:18

Vano Yave aamwaakhula Moisesi: Mmwiitthane Yoxuwa, mwaana mulopwana a Nuni, mwa yoowo oraayamo Munepa ni mmwiikaathere matata.

Miteko 11:28

Mmoha a yaawo iitthaniwa Agabo, aaheemela ni aahima mwa Munepa weera eniikhale etala etokoko mweelaponi yootheene ya oRooma, ni eyo yaakhumelenle ehuhu ya olamula wa Klawudiyu.

1 aKorinto 14:32

Yaawo anthaliha otthuna wa Muluku anoowera olamula minepasaya.

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

2 Pedru 1:21

niwoko khaawowo masu a maprofeeti arwiiye ni otthuna wa mutthu, mene atthu, yeettihiwe ni Munepa Wootteela, yaahuuluma mpatta wa Muluku.

Ahooleli 3:10

Munepa wa Yave waamukhuruwela yoowo moota wooweera aahaahoolela aYixrayeli, anarowa owana. Yave aamwinnyerera Kuxani-Rixatayimi, mwene a wArami, mmatatani mwa Oteniyeli, aangwinne.

1 Samuweli 10:10

Owo aphiyakaru oGibeya, mukuttula mmoha wa maprofeeti waamuciceera; Munepa wa Muluku waamurweela mukuruni ni aapacera othalihera otthuna wa Muluku eriyaraaya.