Nuumeru 10:29 - Emakhuwa Bible

²⁹ Vano Moisesi aamweerela Hobabi, mwaana mulopwana a mMidiyani Rewuyeli, atatawe oowaathelela Moisesi: “Ninttimula nirowaka vanipuroni mwa nenne Yave eenraawe: ‘Miyo kinimoovahasani.’ Murowe ni hiyo, ni nnimookosoopani nnenesene niwoko Yave oororomeliha itthu sooreera wa aYixrayeli.”

Nuumeru 10:29 Iomraidhean Croise

Epacerero 12:7

Vano vaavaale Yave aahiixoonihera wa Abraamu, anamweerela: “Kinoovahani elapo ela ni wa ekhapiraanyu yootheene.” Vanonto Abraamu aamutekela Yave altaari* vanipuroni nne iixoonihenraawe.

Epacerero 13:15

Elapo yootheene ela munoonaanyu, Miyo kinimoovahani nyuwo ni ekhapiraanyu yootheene wa mahuku ootheene.

Epacerero 15:18

Nihiku nenenenne Yave aakhaliha wiiraana onttharelana ni Abraamu: “Kinoovaha ekhapiraanyu elapo ela, okhuma mukhwipi mwa wExipitu mpaka mooloko mutokweene Efratesi.

Epacerero 17:8

Vano elapo yootheene ya oKanaani, weiwo nyuwo vaanaano muraanyu namarwa, kinimoovahani ni wa ekhapiraanyu ntoko yawinyuweene yoohimala, ni nkikhale Mulukwaaya.”

Epacerero 32:12

Nyuwo moororomeliha weera munookeettihera nnenesene sootheene, nitho ekhapiraaka enimwaandyeerereya, ntoko muhaava wa mphareiya, ohinaalikeleya.”

Icipo 100:1

Mmwiipele Yave, atthu ootheene a mulaponi.

Icipo 34:8

Ngwehe ni moonelele weera Yave ti ooreeraxa; ooreelihiwa ti yoole onimutthawelela Yoowo.

Icipo 95:1

Nrowe, nimwiipeleke Yave ni ohakalala; nimukhuwelele Mwala a ovuluxiwawahu.

Okhuma 18:1

Vano Yethero, musaserdoti* a oMidiyani ni atatawe oowaathelela Moisesi, aasuwela sootheene Muluku aapakaawe mwa Moisesi ni wa muloko wa aYixrayeli ni moota Yave aakhumihalaawe aYixrayeli wExipitu.

Okhuma 18:12

Yethero, atatawe Moisesi, yaampakela Muluku sooveleela soohisa ni sooveleela sikina. Vano Aharoni vamoha ni asitokweene ootheene a aYixrayeli yaahoorwa weera ece ni atatawe Moisesi vamaithoni wa Muluku.

Okhuma 18:27

Vano Moisesi aahaalaxera atatawe ni Yethero aahokoleela elapwaawe.

Okhuma 2:18

Ephiyakaru asimwali wa atithaya, Rewuyeli, owo aahaakohasa: “Mwaakuvenlenisa ohokolowa olelo?”

Okhuma 2:21

Moisesi aarowa oca ni aahaakhulela okhala vaate wa Rewuyeli ni owo aamvaha Moisesi mwanawe Zipora weera ethelane.

Okhuma 3:1

Moisesi eera akukhulaka muhuwo wa atatawe oowaathelela, Yethero, musaserdoti* a oMidiyani. Nihuku nimoha aakuxa muhuwo arowanaka mpatta mukina wa nikare, anaphiya oHorebi, mwaako wa Muluku.

Okhuma 3:8

Tivawo kikhurungwaaka weera kaatapuxe mmatatani mwa awExipitu ni weera kaavenxeke nno kaaronghaka elapo yooreera ni yoowunnuwa, yoosareya ni mukaka ni oravo, eyo tiiyo elapo ya aKanaani, awAmori, aHiti, aPerizi, aHivi ni aYebusi.

Okhuma 6:4

Vahoolowaya kookhaliha wiiraanyihawaka ni yaawo weera kaavahe elapo ya oKanaani, mwa weiwe yaamankaaya ntoko anamarwa.

Yesaya 2:3

Miloko sincipale sinimoowa seereke: “Nrowe, nawele mwaako wa Yave, wa Empa ya Muluku a Yakobe weera Owo anixuttihe iphirosawe ni hiiho nnimweetta mootthunanimwawe.” Vano Nlamulo nnookhuma oSiyoni ni masu a Yave oYerusaleemu.

Yeremiya 50:5

Anookoha ephiro enkela oSiyoni ni anookuxera. Animoorwa emvarexexeke Yave ngwiiraanani woohimala oneera ohittiwaliwe.

Nuumeru 10:28

Ola waari moota wa anakhotto a aYixrayeli yaattharihaaya ngweettanimwaya.

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

Miteko 7:5

Khaavanghe yoohiyeriwa* hata vakhaani mweelaponi ela. Mulukutho aaroromeliha weera Abrahaamu, ni vahoolowawe ekhapiraawetho, eniiphwanye elapo ela, naamwi ehuhuweene yeele ahaakhanleno anamwane.

Deuteronomiyo 30:5

Owo onimoohokoloxerani elapo ya makholowaanyu ni nyuwosa mmwakuxase yeeyo. Onooweettiherelani nnene awaandyeererakani waapwaha makholowaanyu.

Deuteronomiyo 4:40

Mwiiwelele ikanosawe ni malamulowaawe kinoovahasaakani olelo weera sootheene siweetteleni nnenesene nyuwosa ni anamwaniinyu ni weera mukhale ni okumi wa mahuku mancipale mweelaponi Yave Mulukwaanyu onoovahasaaweni.”

Titu 1:2

Nroromelo ni esuwelo ela yoolipiheriwa munroromeloni ya okumi woohimala, mwa yoowo Muluku oohootha aaroromelihalaawe ehinaaye ehuhu.

aHeberi 6:18

Vano, sookhala itthu piili sahaawereya oceendyiwa: yoororomelihiwa ni nlipelo. Ni mwaha wa itthusene seiyo khoongwereya weera Muluku anilokotthe. Hiiho, hiyo nikhaleke oolipihiweene, hiyo nnimutthawela Muluku weera nivare nnenesene oweherera nivahiwaahu.

Ethupululo 22:17

Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.

Ahooleli 1:16

Vano ekhapira ya muKeni, atatawe oowaathelela Moisesi, yaavenyasa musidade ya Mavare vamoha ni asilopwana a aYuda, enakhalasa eriyari ya muloko wa oNikareni wa oYuda, oNegeba, waattamela wAradi.

Ahooleli 4:11

Vanonto, Heberi, muKeni, aamwalamwala ni aKeni akina, ekhapira ya Hobabi, atatawe oowaathelela Moisesi, anakunga eheemaawe vamwirini mutokotoko oZahananimi, waattamela oKedexi.

1 Samuweli 15:6

Vahoolowaya aaweerela aKeni: “Mvenyase wa awAmaleki weera kihoophwateni vamoha ni yaawo, niwoko mwaawoonihera murima wooreera aYixrayeli yaakhummaaya wExipitu.” Vano aKeni yaavenya wa awAmaleki.